مشكلة اتعبتني في الاكورد 2004

**ناصر خالد** · 05-12-2011, 02:32 PM

سلام عليكم
عندي اكورد 2004 إذا صارت باردة وشغلتها وحطيته على الدي أو الآر ترج ثم تطفى أو اني ازيد في السرعة عشان ما تطفى ثم بعد كذا تمشي تمام ولا تطفى ولا شي حتى لو كنت مهدي
ودتيها أول شي للعضيب قالوا كراسي المكينة منتهية غيرتها ولا تغير شيء جربوا يغيرون حساس الهواء ولا نفع فحصوها بالكمبيوتر عند اكثر من فرع ولا لقوا شيء وديتها بعد كذا للوكالة عطوني تقرير قيمة الاصلاحات ب 15000 ريال والغريب ان بعضها توي مغيره مثل البواجي وكراسي والمكينة والفحمات وغيرها، حتى الهوبات يبون يغيرونها ، المهم قلت لهم علموني وش سبب الرجة وغيره مالكم دخل فيه قالوا اذا كنت مغير كراسي المكينة فاقرب شي ان الردريتر متحرك من محله وراح الفني وشافها وقالو لازم تسبحب الرديتر لانه متأثر من صدمة قديمة، ونسحبه لك ب 2000 ريال قلت ان هذي الصدمة لها خمس سنين وتو المشكلة تجي قال اذا كنت مغير كراسي المكينة فما فيه حل الا هذا، وش رايكم؟

**هاي الشرقية** · 05-12-2011, 04:58 PM

طيب قوله انزين تحرك من محله وش الشغلة الي سواها اللديتر عشان السيارة تطفىلو قلت لي ان الحرارة ترتفع كان انا معه بس السيارة تطفى والسبب اللديتر مادش العقل هاذي اتوقع عندك طرمبة البنزين مو اوكيه والفلتر بعد لاني على حسب كلامك تقول اذا دعست مشت اوكيه معناها شيك على الطرمبة وشوف

**ولد شيوخ شمر** · 05-12-2011, 05:54 PM

مشكلة غريبة هذا عيب الهوندا موكل ورشة تعرف لها حتى الوكالة بالله وش داخل الرديتر في تطفى السيارة

**خفيف روح** · 05-12-2011, 07:03 PM

نظف ثروتر سياره ماتطفي الا اصار في مشكله في ثروتر
تنبيه اذ جيت تنظف ثروتر افصل البطاريه

**alkasr777** · 06-12-2011, 03:12 AM

المشكلة 90 % من الثروتل

افصل البطارية و نظفه و ان شاء الله بتضبط

**صديق هوندا** · 08-12-2011, 02:52 PM

بتقول و السياره بارده وتحطها على d أو الـ r

بلاحظ حاجتين :

أنك من عادتك تهمل سيارتك .. وهذا من واقع أنك ماتسخن السياره و هاذ يدل من ناحيه بعيده أنك شخص ممكن ماتهتم بسيارتك كثير .. بمعنى .. أنه من الجايز أنك من الناس إلي ( يـصـفـر ) تانكي البنزين و بعدين تعبيه ..

يظهر لي من واقع شخصيتك في القياده ومش في مسآئل الميكانيكيه .. أن مشكلت سيارتك في ( فلتر البنزين ) جايز يكون وسخ وموقعه تقريبا أسفل ( الشنطه ) .. لأن عاده في البروده مايكون في مواصير البنزين أبخره البنزين بسبب البروده .. فأنت تضغط بقوه على دواسه البنزين و تحاول تطلع أكبر قدر من البنزين من فلتر البنزين المتسخ أو أن البخاخات متسخه

ونصيحه يا أخي .. سخن السياره دقيقتين قبل ماتمشي بسياره ، و عبء التانكي قبل ماينتهي . إذا كان ماظنيته صحيح.

بالتوفيق

**أكبر من لقـAccord 2007ــب** · 09-12-2011, 06:02 PM

شف ياحبيبي المشكله هذي حصلت للوالد الله يحفظه مثلها على جيب باجيرو مشكلتها بسبب مثل ماقال أخوي صديق هوندا ماشاءالله عليه من وسخ البنزين الحل وبترتاح
1-غير فلتر البنزين
2-ونظف البخاخات بس بشرط من الوكاله قيمتها 234ريال .أنصح بها لكل الأعضاء حتى اللي ماعنده هذي المشكله تنظيف البخاخات كل 40 ألف
3-ولاينزل البنزين أقل من الربع .
4- أمسك خط بس مو سفر يعني خط لمدة نصف ساعه رايح ونصف ساعه راجع ومع مرور الأيام والمشكله تروح بأذن الله .
وعلمنا حتى لو بعد فتره وش يصير معك.دعواتك

**ناصر خالد** · 13-12-2011, 01:48 AM

شكرا للجميع
شار علي واحد وقال حطها عند ورشة الجنوب وبيعلمونك وش اللي فيها
بالنسبة للأخ صديق هوندا انا اوصف وش المشكلة لان مثل هذي المشاكل دقيقة ولها اكثر من تفسير ولا يعني ان هذي طريقتي دائما

**MR.MX** · 15-12-2011, 08:33 AM

كان عندي تقريبا نفس المشكلة في الهوندا 2005 _4 سلندر كنت اشغل السيارة ويوم احطها على d او r تنطفي وعلى كل اشارة لازم ادوس الريس عسب بتم شغالة .. وخسرت 3000 درهم تقريبا وانا احاول اكتشف شو المشكلة اخر شيء المشكلة كانت في البلكات ما كانت بلكات هوندا اصلية ... 146 درهم تقريبا غيرتهم والحين الموتر تمام ...