(السلام عليكم ورحمة الله وبركاتة)
شريت اكورد 2012 جديدة من صالة بدمام وبطلعها بكرة العصر وبسافر عليها بنفس الوقت من
من الدمام إلي القصيم هل ممشاي عليها بسرعة 120 كم يؤثر عليها ،
وهل الفيري (صابون الأواني) لة فاعلية في حماية مقدمة السيارة من الأتربة
الي تؤثر على اللون خصوصاً
للمسافة بين الدمام و الرياض ، وأخيراً ما هو البنزين المناسب للأكورد
دعواتكم لي بتوفيق الله لايحرمني منها .
اهم شي ضغط عداد الطبلون لما تسافرعلى سيارتك مايتعدى 3 وبالنسبه لحماية مقدمة السياره انا افضل البرقع مع انه مايحتاج لتلميع بغض النظرعلى الحمايه اللي يركبوها الشركات كل فتره تلمعها مع الوقت <<مجرد رأي..
والبنزين المفضل 95 لانه افضل عزم للسياره ويفرق عن91..والله يعطيك خيرها ويكفيك شرها ولاتنسى صلاة الاستخاره ودعاء الركوب <<نصيحة محب في الله..
افادوك الاخوان يالغالي
انحشششش عن الفيري يعدم لك الشمعات زي اللي معي
وعندك البرقع خيار ممتاز
والحماية من الشركات غالية لكنها جيدة
الله يعطيكم العافية يا أخواني علي الردود رحت أدور ساكو بالخبر وملقيتهم إلا وأنا دايخ ولقيت
عندهم تغبيرة شفافة أسمها (sand) ب 66،5 وش رايكم فيها ، بس أنا محتار عن الممشى المناسب
لسيارة ياليت تفيدوني أكثر، وأشكر لكم تفاعلكم .
والله واناخووووووك
ماعدم وجهية سيارتي الا الفيري والبرقع
انا اقوولك .. حطيت فيري ومسكت خط قرابه 400 كيلو
وماغسلت السيارة الا اليوم الثاني ... والشمعات من بعدها والى الان لونها اخضر والوجهيه مشهبه
البرقع مادري المشكله مني او من البرقع
مسكت فيه خط وكان فيه عج بعد مافكيته لقيت التراب داخل بين الشمعات والبرقع ومع الهواء
حفر لي الشمعات حفر وطلعت ممخشه من كل مكان جربت التلميع الساطح والصاروخ ومارضى يطلع
انا انصحك بما ان سيارتك جديده تركب قبل كل شي حمايه للوجهيه كلها 1500 ريال وتريح نفسك بلا فيري بلا تغبيرة سفر كلها تضر السيارة اكثر من ماتفيدها
وافضل بقوووه انك تركب بعد حماية للقزاز الامامي انا عندي مكسر ومعدوم من الرمال والحجر المتطاير وعند ولد عمي برضوا اكورد معدووووم مره لدرجة مايشوف شي الى ان غير القزاز الامامي
والمعذره على الاطاله ..مجرد نصائح من مجرب .. تحياتي
اخوي اذا تمشي بالسياره 120 او اكثر هذا مايضر بالوقت الحالي وحتى سنتين قدام
لكن النتائج السلبيه لتمرين السياره السيء يظهر بعد سنتين او اكثر مثل نقص بالزيت وغيره ...
السياره بالوقت الحالي ماشاء الله جديده ولا عليها خلاف لكن يمكن تواجه مشاكل بعدين ..هذا اذا كنت ناوي
تستخدم لفتره طويله ..عليك بالتمرين البطيء لمكينة السياره
الف الف مبروك ...الله يطعمك خيرها ويكفيك شرها
الله يعافيكم يا أخوان مأقدر الركب العازل الي ب 1500ريال فياليت أذا كان أحد مجرب التغبيرة الي عند ساكو يفيدن أكثر ، وبنسبة لسرعة
ياليت يا أخوان تبحثون بالنت فضلا لا أمرا لأني ساكن بالخبر بشقة وماعندي لاب توب أنا أرسلكم بالجوال ونت بطيأ بعد بالأضافة أن ما معي وقت
وشكرا .
والله كل الرشات تضر وجهية السيارة .. لكن تختلف الفترة اللي تبين معاك الضرر
مثلا فيري لو تحطه 10 مرات ورى بعض راح تلاحظ الفرق ..
حتى ( رش وامش ) اللي من كار كير يضر الوجهية لكن بعد فترة طويلة ..
..
البرقع اشوفه انسب حل ..
..
وبالنسبة للسفر .. ابدا ما يضرك اذا ماتعديت 120 لأول 1000 كيلو .. هذا كلام المهندسين والمتعارف عليه عند كل الناس ..
.
.
درب السلامة ان شاء الله ..
مواقع النشر (المفضلة)