الموضوع: مساعده بخصوص ازاله الخدوش من الجنط

اذا كانت خدوش مطلعه اللون حك فلازم تنرش
اما اذا كانت خدوش بصيطا رح الغرابي وسال عن ملمع الجنوط

ياعمي رشها نيكل كل الناس يسوون كذا

فيه شركة في الرياض بس ما أدري عندكم في الشرقية فيه وإلا لا ؟

شغلتهم الجنوط ... متخصصين فيها يصلحون الجنوط ويضبطونها بأي مشكلة كانت

حاول تبحث في النت ... ترا يجون لحد بيتك ... لأنهم مجهزين بسيارات فيها المعدات اللازمة

والله يوفقك

^

وين هالشركة اخوي

ياليت تفيدنا

او تنزل موضوع مستقل عنها

في كثير عندهم جنط مخدوش وودهم يصلحونه ومو عارفين وين وانا من ضمنهم ×_×

انا مره كنت ادور بالرياض فجأة حصلت سيارة زي حقت الخبز جنبي اقراء الا يصلحون الجنوط ويلمعونها وتطلع زي الوكاله :d

بس نسيت اسمهم ..

خذلك كم فره بالرياض يمكن تحصلهم يدورون بالشوارع :d

الله يبض وجيكم الي ردو لاهنتم ومشكورين

في محلات في جدة تسويلك هيا تغطيس يعني يرشلك الجنط

المشاركة الأصلية كتبت بواسطة الـمـسـافـر

بالنسبه للي يقول فيه شركه تصلح الجنوط انا شفت السيارة حقتهم واخذت الرقم واتصلت عليهم
قالي اقل مشكله للجنط تتكلف 550 ريال لو كانت تعديل 1/2 سم خدش
قلت له عندي جنط بتاكد منه شاك انه يبيله خرط (بـ50ريال بالصناعيه) قالي حط ببالك 550 ريال اقل تقدير لين نشوف وش المشكله يمكن السعر يرتفع
قلت له طيب بصرف لك 24353 ريال واجيك اصلح جنوطي :d

ما دام أسعارهم كذا ... لا بالله ... مهوب اشتري جنوط جدد ... إلا اشتري سيارة جديدة

ليتني ما ذكرت هالشركة ... يا صاحب الموضوع على هالمبالغ اللي حاطينها ... اشتر جنط أو جنوط جدد أزين لك ...

عندك خيارين
1- تروح لمخرطة بالصناعية القديمة
2- شوف هالرابط

وداعاً لمشاكل الجنوط المتضرر لاي جنط لاي سيارة - تويوتا العربية - TOYOTA4arab.com

وهذي اللي يقول عليها مجوودي سيارة الخبز:d

^^^^^

ميزة السيارة هذي تشوفهم بالشارع توقفهم ويفتحون لك البابين اللي ورى وتدخل سيارتك ويقعدون يهجولون فيك واللي داخل يشتغلون على سيارتك وكذا يعني متى ماخلصو نزلوك انت وسيارتك وزرفو منك مبلغ وقدرة :d