اذا تبقى الاضمن وديها الوكاله لانو فيها فك القير يبيلها شغل موبسيط
السلام عليكم
مساكم الله بالخير
عندي استفسار بخصوص زيت القير عندي يندي من تحت
سالت المهندس قال لي لازم تطلع المكينة و من هالكلام
طبعا السيارة اكورد 2007
مدري اذا احد مغير الصوفة حقت زيت القير و المكينة و عنده خلفية عن طريقة التركيب يفيدني
و لكم جزيل الشكر
اذا تبقى الاضمن وديها الوكاله لانو فيها فك القير يبيلها شغل موبسيط
اخوي صارت لي وصلحتها في ورشة 19 في صناعية ام الحمام ب 1000 فك قير ومكينة عشان يغير صوفة القير
اخذت السيارة عندهم يومين لاني سويت اكثر من شغلة عندهم وسلامتك
طيب وش سبب خراب الصوفه ؟؟
و الله مدري و انا اخوك احتمال اختلاف الجو
لاني كنت بجده رطوبه و بعدين جيت الرياض جفاف
و بالنسبة للزيت اعبيه بنفس المقدار ^^
الله يعين لازم كدا نفك المكينة << مشوار بقوة
نعم .. هذا ماحصل لي قبل شهر ..كنت بالرياض ، وكنت سعيد أني أدخل سيارتي بمحل بترومين في حي الربوه ( قلت أنا بالعاصمه وعند ناس تفهم ؟! ) وكان فيه فلبينيين ورتحت لهم .. حسبي الله على من عبء لي زيت القير ، عــبــاه أكثر من الازم وصار فيه تهريب و خربت أصواف القير وخرب علي حساس السرعه بأسفل المكينه و الحساس هذا تشبع زيت لما رجعت من الرياض على خط السفر و نطفت علي السياره على الخط
نعم جايز يكون معبء لك فوق اللزم ( صرنا تجارب للي مايفهمون الله لا يحلهم )
وستأجرت سياره من مكتب تأجير بـ 2000 ريال لمده 16 يوم ، ولما طلعت سيارتي وصخوها إلي بورشه ؟؟؟!!!! وفلم هندي طويــــــــــــــل
معلومة :
واحد من الشباب غير زيت القير في الوكالة ويقول نقصوا من العيار شوي .. يقول انه ماصار فل .. ولما سالت الفني قالي لازم كذا هذا معيار زيت القير لانه يختلف عن المكينه ..!!
معلومة لازم الواحد ينتبه لها ..
المهم أنا سالت واحد مكيانيكي مازكيه ولا ازكي على الله أحد بس نفس الاخوان غير زيت القير وتفقعت عندي الصوف .. وكان السبب الزيادة .. فنصحني اذا غيرت زيت القير في مكان غير الوكالة .. كل 10 او 15 يوم شيك عليه لمدة ثلاث مرات فقط .. اذا لقيته زايد نقص منه شوي ...
ومع المره الثالثه ماراح تلقي شي معناته ان امورك تمام ..
وبالتوفيق ..
:d
مواقع النشر (المفضلة)