الموضوع: عندي مشكلتين واتمنى من الكل يرد على ولكم الشكر

صوت الطقطه اللي يطلع عند بداية التشغيل عادي اذا ان الصوت ما بدا يطلع معك الا بالبراد بس حد ما يتحرك زيت المكينه يختفي وأكثر من واحد طرحو هالصوت بالمنتدى .....

والونه يا بعدي عادية بالهوندا :d- محبوبتنا تحس انها ددسن !! بعض الاحيان بس ما هيب مشاكل فديتك

وحط ببطنك زنجبيل شتوي- ما يمديني اقول لك حط ببطنك بطيخ بهالبرد ههههه دعابه دعابه !!!

وانت يا بعدي جاوبت على اسئلتك بالاخير,,,,,,,,

لما امشي من سرعه 20 يطلع صوت ونه ويختفى تماما بسرعه 50 الى 60 يعني اذا بدل القير ويكون الصوت زايد لما تكون بارده ويكون خفيف لما تسخن السياره

وبالتوفيق يا بعدي,,,

الله يعطيك العافيه يا dully-511 على الرد الجميل

وانتظر بقيه الاعضاء ابغى اعرف المشكله من وين بالضبط وتصليحها وين
ومشكورين

أهلين أخي.
أتوقع من البيرنج الخاص بشد سير المحرك !
لانه يسوي صوت في بعض الأوقات .
متى أخر مرة غيرته ؟

المشاركة الأصلية كتبت بواسطة farhan159

السلام عليكم ورحمه الله وبركاته
اخواني انا اعاني من مشكلتين في سيارتي هوندا اكورد 2008

1-عندي لما اشغلها وهي بارده تماما يطلع صوت من الماكينه كانه فيها شي مكسور صوت قرقره على كلام الميكانيكي لكن لايعرف الحل وحيرني في حاجات كثيره

2- لما امشي من سرعه 20 يطلع صوت ونه ويختفى تماما بسرعه 50 الى 60 يعني اذا بدل القير ويكون الصوت زايد لما تكون بارده ويكون خفيف لما تسخن السياره

وانا محتار ماادري وش المشكله
ياليت اللي عنده معلومات لايبخل علينا ويفيدنا اين مكان التصليح

علما اني في الرياض والسياره ماشيه 250 الف

والله يعطيكم الف عافيه ومشكورين

اخوي بالنسبة للمشكلة الاولى يفيدونك الشباب

اما المشكلة الثانية عادية جداً

المشكله الاول اذصوت يطلع مع تشقيل سياره وهي بارد فل مشكله من اكتيوتر هاذ مكانه مع البكرات
المشكله ثانيه اذ ونه فهاذي الفلنجه او من الكفرات تكون محبله عشانه قديمه

السلام عليكم
بالنسبة للصوت كررررر مع بداية التشغيل في وقت تكون السياره لها قرابة 5 ساعات طافية او في الصباح الباكر
اما ان تكون من طرمبة الدركسون وهذي مامنها خوووف ان شاء الله

او يكون من الاكتيوتر كما تفضل الاخ خفيف الروح
بس مكانه في المكينه ولازم فك صدر المكينه وتغييره ومن ثم ارجاع كل شي وتقفيل المكينه بمعجون هوندا الاصلي ولا تؤثر على المكينة اطلاقا

اذا كنت تعاني من المشكلة هذي وتأكدت انه من الاكتيوتر
فانصحك باصلاح الاكتيوتر في الوكاله فقط وليس بالورش الخارجية لانها تعطيك ضمان 3 شهور او 5000 كم وشغل نظيف
قيمة الاصلاح تقريبا
القطعه 524 ريال وشغل اليد 720 ريال ومعجون تقفيل 230 ريال ممكن تكلف حول 1400 ريال وممكن يسون لك خصم
انا كلفت علي 1066 ريال من غير المعجون
والحمد لله بعدها راح الصوت ولاعاد طلع ابدا

الله يعطيكم العافيه ياشباب

لكن صوت الونه اما من القير او علبه الدركسيون مثل ماتفضل احد الشباب

وانتظر تجاربكم

يا رجال وش الاكتيوتر هذا ؟؟؟؟؟؟؟؟ ووش العيب اللي يطلعه او المشكله اللي يسببها