الموضوع: ممكن مساعده صغيره ..

السلام عليكمـ

يعطيكم العافية

سيارتي اكورد 2006 4 سلندر
فجأة انتبهت الى لمبة المكينة الي لونها اصفر تنور عندي ,, و حاولت اعرف وش سببها و ما قدرت الاقي شي
حاولت افحص اي شي توصل له يدي من حساسات و ما شفت شي مو طبيعي او غريب و السيارة تمشي وياي و مو باين فيها اي مشكلة في المشي من اصوات و ازعاج او شي غريب و مو طبيعي
جربت فصلت البطارية ساعه و رجعت وصلتها و ما تغير شي
لما اجي اشغل السيارة تطفي اللمبة و بعد ما اشغل السيارة بـ 5 الى 7 ثواني تنور
و انتبهت الى ان عيون البطارية لونها ابيض (ac delco ) ...

ممكن احد يساعدني ؟
و شكراً

كيف اهتمامك للسياره من ناحية الصيانه الدوريه وترى لها منفعه لتفادي المشاكل لو انت مهمل في الصيانه وش راح اخلي من شغله اقولك لها انت تاكد من البطاريه وشوف البواجي والسيور والفلاتر بانواعها ....

انا شريت السياره مستعمله
و بدلت فيها اشياء واجد منها البواجي و السيور و البطارية و ما خليت شي فيه خراب الا و بدلته و معتني فيها
و اول ما شريتها سويت لها فحص كمبيوتر و ما طلعت فيها اي مشاكل في الفحص
اسوق بهدوء بس قطعتها شوي ع خط جدة - الدمام بس ما كان يبين وياي ان في شي غلط او مو طبيعي
بشيك ع البطارية مرة ثانية
امس شفت السيور و ما كان فيها شي يبين على انها يبغالهم تبديل
و آخر مرة بدلت زيت مشيت عليه للحين 2000 كيلو بس الي صار اني ما نظفت فلتر الهوا لما بدلت الزيت و السيفون و باقي لي 3000 و ابدل زيت القير و المكينة مرة وحده

يعطيك العافيه ع الرد

كم ماشيه سيارتك؟؟

يابعد قلبي هذا من حساس الشكمان وترى له عمر افتراضي يمكن خمس سنوات وبعدها يخرب وترى ماله اي ضرر بس اذا عندك فلوس غيره وشكرا

كم ماشيه سيارتك؟؟

للحين مشت 167000

يابعد قلبي هذا من حساس الشكمان وترى له عمر افتراضي يمكن خمس سنوات وبعدها يخرب وترى ماله اي ضرر بس اذا عندك فلوس غيره وشكرا

طيب ممكن تقول لي وين مكانه هالحساس بالضبط لا هنت ؟
يعطيكم العافية و شكراً

اخوي انت تقول البطارية لونها ابيض معانتها انها رايحة واحتمال يكون سبب اخر