وينكم 15 مشاهدة ولا رد :(
السلام عليكم ورحمة الله وبركاته
كيفكم
انا سيارتي ما زالت ماشية 49 الف
وقربة الموية ناقصه .. أقل من min << الخط الي تحت
فيها شئ بسييط
وش تتوقعون المشكلة ؟؟
يعني من فين التهريب .. مع ان السيارة جديدة
وفين احصل ماء أزرق عشان اعبي .. لأني ما حصلت بالوكالة
ماء الرديتر مليان
وحرارة السيارة ما فيها أي مشاكل
بس القربة ناقصه
افيدوني بحل !! ؟؟
وشكرا
التعديل الأخير تم بواسطة 2011 ; 01-01-2012 الساعة 01:27 AM سبب آخر: حطأ
وينكم 15 مشاهدة ولا رد :(
شباب موية الالماني زرقا تنفع اعبي منها او لا
اي عبوة ماء مقطر تنفع,مافي ضرر
أي محل قول له ماء مقطر , وسعره بأي مكان بريالين
محد جاوب ع سوالي
موية الالماني زرقا تنفع او لا
والله اني خايف اعبي موية مقطر
القربة لها اكثر من اسبوعين فاضية
ابي موية زرقاء من وين احصلها
سألت عن الموية المقطر .. هو نفسه حق البطارية وإلا انا غلطان ؟
التعديل الأخير تم بواسطة 2011 ; 04-01-2012 الساعة 05:45 AM
الماء المقطر نعم هو نفسة ماء البطارية عب منه ولا يهمك انا كل سياراتي اعبي منه اذا نقص ماء القربه لا تدور الأزرق إلا اذا غيرت ماء الرديتر كامل حتى بالوكاله يحطو جالون واحد ماء رديتر والباقي ماء مقطر لاتخاف على الموتر انشاء الله تعالى الأمور طيبه
والله يا شباب رحت عند البنشري وتعجب من كلامي
يقول اشلون موية مقطرة في قربة ماء الرديتر
خفت من كلامه
قلت مافي حل الا اني افضي الرديتر
وأعبي موية احمر وخلاص
وشكرا لكم
المشكلة اذا طبيت عند بنشري ابو يمن والا ابو ؟؟؟؟
وقام يتفلسف :d
لا تقولي فضيتها الموية كلها
يا ابن الحلال خايف من الموية المقطره عب مويت صحه
ارجع واقول يا جماعة الخير موية الالماني زرقا تنفع او لا
والله حرام عليكم قمت اطق الكيبورد وانا اكتب من القهر محد جوب علي
صراحة نصحوني بموية تويوتا بـ 45 تقريبآ
علمآ كنت أعبيها اسي ديلكو لكن نصحوني بـ تويوتا
لا ياخوي الموية الحلوة تعبيها في راديتر سيارتك في حالة وحده .... إذا طفشت منه وودك تشتري راديتر جديد
الماء العادي يحتوي املاح تتسبب في تفتيت اجزاء الراديتر المصنوع من الالمنيوم مع الحرارة وسرعة الدوران وكثرة الترسبات
طبعا لن تحدث في يوم وليلة وانما هي ترسبات تدوم فترة تعمل في النهاية على اتلاف الراديتر !!!
عزيزي صاحب الموضوع الشغلة ما يبغالها فلسفه
القربة ناقصه موية هذا شي طبيعي على حسب قيادتك والظروف المناخية اللي انت فيها
>> طبعا تكون ناقصة في حدود المعقول تقريبا مقدار كوب شااي كل شهرين او ثلاثة او اقل على حسب الظروف
اعتقد الماء لونه اخضر الموية الزرقاء انت مادري من وين مطلعها !!!! لايكون موية المساحات
نصيحتي وياليت تاخذ بها
اتجه الى اقرب محل لبيع قطع غيار هوندا لك
قوله ماء راديتر كاسترول اصلي بيكون حوالي 43 ريال
تأكد من وجود كلمة Premixed وتعني ان الماء جاهز ولا يحتاج الى تخفيف وما الى ذلك استخدمه كما هو
بالنسبة للماء المقطر لا انصحك ابدا باستخدامه حيث انه يفتقر لكثير من خواص الماء المخصص والمصنع خصيصا لتبريد راديتر سيارتك
ولك ان تتخيل الفرق في الجودة كما هو الفرق في السعر !!!
4 ليتر من الماء المقطر بسعر 6 ريال
بينما
4 ليتر من ماء هوندا الاصلي بسعر 45 ريال !!!
في اعتقادك ما الافضل
ولك حرية الاختيار
بالتوفيق لك
مواقع النشر (المفضلة)