تقرير : تركيب كفرات جودير الألمانية جنط 17

**f a w a z** · 09-01-2012, 09:29 PM

السلام عليكم ورحمة الله وبركاته

.
.
.

كيف حالكم ايها الابطال :d

نخش بالموضوع دوقري
طبعاً كلنا نعرف معاناة كفرات مشيلان التايلنديه الخايسه حقت الوكالة وقساوتها وصوتها المزعج ولكن ماننكر انها راسية.

طبعاً استعملت كفراتي حقت الوكالة سنتين بعدها غيرت الاماميه بنفس النوع وبعد 10 شهور تقريباً ركبت اليوم طقم القودير

الحقيقة رحت اكثر من مركز رحت بريلي حصلت عنده نوع نفس مقاس الوكالة صناعته
ايطالي تجميع صيني والشركة المانية< :d
سعر الكفر بعد الخصم 820 ريال والصراحه ما لي نيه اركبه بس قلت نشوف الاسعار لا اكثر.

بعدها رحت مركز اطاراتي اشوف الانواع وراني ميشلان كم نوع فرنسي وتايواني لكن ما ارتحت لهم.

فجأة تذكرت اخونا العزيز سلفر اوريون يوم انه نصحني بالقودير

قلت خلنا نروح الوكيل حقهم بمخرج 15
ودخلت سألته ع المواصفات وتاريخ التصنيع والضمان والسعر وغيرها وبعدها توكلنا.

الصور :

اول شي النقشة

صورة توضح مدى حماية الكفرات للجنط من ضربات وحكات الارصفه

صورة نهائية للملكة السوداء :d "ما شاء الله"

مواصفات الكفرات :

1- المقاس 17/50/225
2- السرعه W يعني حتى 270كم
3- تحمل الحرارة A يعني يتحمل الحرارة العالية
4- مؤشر تآكل الاطار 340 تحمله عالي
5- traction اعتقد المقصود فيه هنا الثبات وهو A
6- صنع في المانيا

رأيي بالكفرات :

1- الراحه والليونه افضل من الميشلان ولا فيه مقارنه اعطيه 9من10
2- صوت الشارع الحقيقه هو افضل من الميشلان لكن بشيء بسيط اعطيه 7 من 10
3- الرساوة والثبات، جداً رائع بالمنعطفات يعطي ثبات ممتاز اقيمه 10من10

السعر والضمان والصيانة :

1- سعر الكفر بعد الخصم 697 ريال وللطقم 4 كفرات 2788 ريال
2- الترصيص والنيتروجين مجاني والترصيص داخلي ولصق
3- الضمان مفتوح مدى الحياة
4- الصيانة مجانية كل 15الف كم او 4 اشهر تدوير الكفرات وتشيك الهواء

.
.
.

وهنا ينتهي الموضوع وان شاء الله يحوز على رضاكم

بالتوفيق للجميع

**الحائر11** · 09-01-2012, 09:57 PM

مبروك وتستاهل الاكورد والله يعطيك خيرها ويكفيك شرها تقطعها بالعافيه :d

**تألمت بس تعلمت** · 09-01-2012, 09:58 PM

انا مركب نفس الكفرات بس الرفع 55 ونفس النقشة تقريبا له معي تقريبا 6 شهور او اكثر

الكفر ممتاز ولين وراسي وضمان مدى الحياة

**أكــــــــــورد11** · 09-01-2012, 10:10 PM

الله يعطيك خيرها ويكفيك شرها ..

**هوندانا** · 09-01-2012, 11:06 PM

ممتاز جدا ما شاء الله ,,

**Ă ώ т ά я** · 09-01-2012, 11:16 PM

حرڪآت وآللـِﮧ ،

عـآلبرڪﮧ و تقططًعـﮧ بآلعـٍآفيـٍﮧ :d

**f a w a z** · 10-01-2012, 10:39 AM

المشاركة الأصلية كتبت بواسطة الحائر11

مبروك وتستاهل الاكورد والله يعطيك خيرها ويكفيك شرها تقطعها بالعافيه :d

الله يعافيك، مشكور ع المرور

المشاركة الأصلية كتبت بواسطة تألمت بس تعلمت

انا مركب نفس الكفرات بس الرفع 55 ونفس النقشة تقريبا له معي تقريبا 6 شهور او اكثر

الكفر ممتاز ولين وراسي وضمان مدى الحياة

ممتاز ما شاء الله، اجل نطلب منك تنزل تجربتك للكفر للمدة الي استعملتها عشان نفيد الشباب

المشاركة الأصلية كتبت بواسطة مبارك عبدالله

الله يعطيك خيرها ويكفيك شرها ..

آمين، شكراً ع المرور ..

المشاركة الأصلية كتبت بواسطة هوندانا

ممتاز جدا ما شاء الله ,,

شكراً على مرورك

المشاركة الأصلية كتبت بواسطة Ă ώ т ά я

حرڪآت وآللـِﮧ ،

عـآلبرڪﮧ و تقططًعـﮧ بآلعـٍآفيـٍﮧ :d

ليه شايفني بايسون مثلاً :p < سامجه

مشكور ع المرور :d

**Silver Aurion** · 11-01-2012, 02:46 AM

ماشاء الله تبارك الله

الله يعطيك خيرها و يكفيك شرها يا رب

و اختيار موفق و القوديير من الاطارات الممتازة صراحه بشرط ان تكون المانية

بس لفت نظري السعر صراحه ارتفع بشكل كبيير جدا .. اذكر احد الاشخص من هنا ركبها على الاكورد و السعر حدود 550 ريال من الوكيل

الظاهر ان اشاعة ارتفاع اسعار الكفرات صحيحة

المشاركة الأصلية كتبت بواسطة f a w a z

فجأة تذكرت اخونا العزيز سلفر اوريون يوم انه نصحني بالقودير

يااااه .. لهدرجة متذكرني :o:o

**هاااوي الاكورد** · 11-01-2012, 08:58 AM

اول شي الف الف الف مبروك
بصراحه انا خايف اصدمك برادي
انا عن نفسي مركبه قبل شهرين الكفر ممتاز بس مازال قاسي

والصدمه اني انا ماخذ الكفر 520 ونزلت موضوع وحذرت الشباب من هذي النقطاء
طبعآ هو ما ارتفع سعره ما زال 520 بس مو من عند الوكيل من الغرابي وانا شريت الكفر وشرط على المركز اذا ما طلع الاصلي ولا مو المنايا برجعا وفعلآ رحت للوكيل وقال كفرنأ
والضمان مفتوح ووو نفس المزايا الي انعت قلتها
وفي الاخير ما ابي احبطك
بس حول تستشير قبل لا تتسرع المنتدى هذا رائع والشباب مو مقصرين معك
وما وضوع الى لخدمتنا
واسف على الاطاله

**f a w a z** · 11-01-2012, 11:16 AM

المشاركة الأصلية كتبت بواسطة Silver Aurion

ماشاء الله تبارك الله

الله يعطيك خيرها و يكفيك شرها يا رب

و اختيار موفق و القوديير من الاطارات الممتازة صراحه بشرط ان تكون المانية

بس لفت نظري السعر صراحه ارتفع بشكل كبيير جدا .. اذكر احد الاشخص من هنا ركبها على الاكورد و السعر حدود 550 ريال من الوكيل

الظاهر ان اشاعة ارتفاع اسعار الكفرات صحيحة

يااااه .. لهدرجة متذكرني :o:o[/CENTER]

وين الناس مختفي :d

والله الكفرات ارتفعت اسعارها 20% على قولتهم

الكفر الميشلان زي حق الوكالة سعره الان 590 وهو تايواني مدري تايلندي وسيء جداً

الف شكر ع مرورك

المشاركة الأصلية كتبت بواسطة هاااوي الاكورد

اول شي الف الف الف مبروك
بصراحه انا خايف اصدمك برادي
انا عن نفسي مركبه قبل شهرين الكفر ممتاز بس مازال قاسي

والصدمه اني انا ماخذ الكفر 520 ونزلت موضوع وحذرت الشباب من هذي النقطاء
طبعآ هو ما ارتفع سعره ما زال 520 بس مو من عند الوكيل من الغرابي وانا شريت الكفر وشرط على المركز اذا ما طلع الاصلي ولا مو المنايا برجعا وفعلآ رحت للوكيل وقال كفرنأ
والضمان مفتوح ووو نفس المزايا الي انعت قلتها
وفي الاخير ما ابي احبطك
بس حول تستشير قبل لا تتسرع المنتدى هذا رائع والشباب مو مقصرين معك
وما وضوع الى لخدمتنا
واسف على الاطاله

الله يبارك فيك، لا عادي مافيها صدمة ولا شي :d

الكفرات ارتفعت اسعارها شوي الان وانا عارف ان بالغرابي لو رحت بوفر 100 ريال بالكفر

بس حبيت اخذ من الوكيل لان تخزينهم ممتاز جداً وتاريخ كفراتهم دائماً جديد

الف شكر ع مرورك ..

**ghawey** · 12-01-2012, 12:14 AM

الله يبشرك بالخير :(

انا ناوي اغير كفرات هاليومين ان شاء الله .. وكنت ناوي قوديير

بس السعر يبيله تفكير شوي

والله مشكله .. وش بقى مارفعوا سعره ؟؟ << غير الراتب طبعاً

على العموم .. الف مبرووك الكفرات الجيدة
تقطعها بالعافيه :p

**S c O r P i O n** · 12-01-2012, 01:56 AM

مبروك الكفرات وش معناه ضمان مدة الحياه ؟ يعني الكفر مكفول للأبد
تورث لعيالك وعيال عيالك ؟ ولا بس كلام نسمعة ضمان مدى الحياه عطوك اوراق غرنتي فور ايفر ولا لا؟
والله ابي افهم هذي النقطة لأني استغرب لمى اسمع ضمان للأبد مافي شي يدوم الدايم الله سبحانة بس

**f a w a z** · 12-01-2012, 02:06 AM

المشاركة الأصلية كتبت بواسطة ghawey

الله يبشرك بالخير :(

انا ناوي اغير كفرات هاليومين ان شاء الله .. وكنت ناوي قوديير

بس السعر يبيله تفكير شوي

والله مشكله .. وش بقى مارفعوا سعره ؟؟ << غير الراتب طبعاً

على العموم .. الف مبرووك الكفرات الجيدة
تقطعها بالعافيه :p

الله يعافيك يابطل

انت مر ع المحلات وشف الكفر الي يناسبك في انواع واشكال بس اهم شي ركز على تاريخ التصنيع

بالتوفيق

المشاركة الأصلية كتبت بواسطة s c o r p i o n

مبروك الكفرات وش معناه ضمان مدة الحياه ؟ يعني الكفر مكفول للأبد
تورث لعيالك وعيال عيالك ؟ ولا بس كلام نسمعة ضمان مدى الحياه عطوك اوراق غرنتي فور ايفر ولا لا؟
والله ابي افهم هذي النقطة لأني استغرب لمى اسمع ضمان للأبد مافي شي يدوم الدايم الله سبحانة بس

الله يبارك فيك ..

الضمان يتم على شروط اذا الكفر دخل فيه مسمار او انشق يطلع من الضمان

الضمان فقط للتحبيل والرجه بشرط ما يدخل الكفر اي مسمار

**ركان** · 12-01-2012, 04:55 AM

اول شي مبروك على الكفرات وتقطعها بالعافيه.

ثانيا هذي النقشه اللي اخترتها هي نقشه مزعجه مع الشارع خصوصا مع السرعات العاليه لان الهوا يدخل الخطوط الكبيره ويسبب ازعاج ايضا اذرعة الاكورد حساسه جدا لنقشة الكفر وبالتالي لازم توزنها كل فتره .

والكلام هذا عن تجربه وياليت اكون مخطي والله يوفقك ...

**f a w a z** · 12-01-2012, 09:39 AM

المشاركة الأصلية كتبت بواسطة ركان

اول شي مبروك على الكفرات وتقطعها بالعافيه.

ثانيا هذي النقشه اللي اخترتها هي نقشه مزعجه مع الشارع خصوصا مع السرعات العاليه لان الهوا يدخل الخطوط الكبيره ويسبب ازعاج ايضا اذرعة الاكورد حساسه جدا لنقشة الكفر وبالتالي لازم توزنها كل فتره .

والكلام هذا عن تجربه وياليت اكون مخطي والله يوفقك ...

الله يبارك فيك ،،

والله الحقيقه ما اسرعت فيها حتى الان لكن بسافر بعد اسبوع ونص بعدها راح احكم وارد لكم خبر في هذا الموضوع..

بالنسبة للكفرات الي جربتها ماهو نوعها ؟ وصناعتها ؟ وكم المقاس ؟

وبالتوفيق للجميع

**ركان** · 12-01-2012, 10:31 AM

المشاركة الأصلية كتبت بواسطة f a w a z

الله يبارك فيك ،،

والله الحقيقه ما اسرعت فيها حتى الان لكن بسافر بعد اسبوع ونص بعدها راح احكم وارد لكم خبر في هذا الموضوع..

بالنسبة للكفرات الي جربتها ماهو نوعها ؟ وصناعتها ؟ وكم المقاس ؟

وبالتوفيق للجميع

جربت تويو + برجستون er + ميشلان برايمسي 215-60-16

بس المشكله من النقشه وليس النوعيه والان عندي بريجستون gr 90 ممتاز وهادي لاكن

يزلق احيانا .

**ulv** · 12-01-2012, 05:51 PM

مبروك على الكفرات ماشاء الله بس سعرها تو متش واخر شي ياخوفي تطلع مو على المستوى المطلوب
عموما انا كنت ناوي اغير جنط اكبر من اللي عندي لكن مع دي الاسعاار خلينا على جنطنا ال16 طيب وحلو وكمان مريح افضل
وفعلا نقشة الكفر هي اللي تحدد وتوضح صوت الكفر او لا

**B 5ob3aH** · 12-01-2012, 06:41 PM

الف مبروك فواز مآ بغيت :d !
..
أنا لما مشا موتري 70 ألف غيرت الكفرآت وركبت قوديير ..

نفس المقآس 50/225/17

وتآريخ أجدد شي 2011 أسبوع 37

لكن نقشته ثانيه تختلف عن هذي #

أعطيهآ نفس تقييمك ..
لكن الحين ماشي 82 ألف .. وقلبت الكفرآت
وطلع صوت مزعج لكن بسييط مو ملآحظ ..
تشكّرآت أفندم

#

**f a w a z** · 12-01-2012, 07:17 PM

المشاركة الأصلية كتبت بواسطة ulv

مبروك على الكفرات ماشاء الله بس سعرها تو متش واخر شي ياخوفي تطلع مو على المستوى المطلوب
عموما انا كنت ناوي اغير جنط اكبر من اللي عندي لكن مع دي الاسعاار خلينا على جنطنا ال16 طيب وحلو وكمان مريح افضل
وفعلا نقشة الكفر هي اللي تحدد وتوضح صوت الكفر او لا

الله يبارك فيك، وصحيح الجنط 16 اريح بكثير من 17 لان ارتفاعه اعتقد 60 ..

المشاركة الأصلية كتبت بواسطة B 5ob3aH

الف مبروك فواز مآ بغيت :d !
..
أنا لما مشا موتري 70 ألف غيرت الكفرآت وركبت قوديير ..

نفس المقآس 50/225/17

وتآريخ أجدد شي 2011 أسبوع 37

لكن نقشته ثانيه تختلف عن هذي #

أعطيهآ نفس تقييمك ..
لكن الحين ماشي 82 ألف .. وقلبت الكفرآت
وطلع صوت مزعج لكن بسييط مو ملآحظ ..
تشكّرآت أفندم

#

هلا خبوعه :d
سلامات مختفي مليون شهر وين الناس

اشوفك الصبح وانا رايح الدوام موترك موقف عند المدرسة ههههههه
والله من الاختبارات والقلق، شد حيلك لم يتبقى الا القليل

اشوني معطل الاسبوع الي راح :p

**أبوسعد** · 13-01-2012, 03:33 AM

الله يبارك لك فيه ويكفيك شره...

أنا راعي خطوط بمعنى كل أسبوع رايح جاي (الرياض--الشرقيه).

وجربت ميشلان الوكالة سنه (أعانني الله على احتمال ازعاجه و ضعف ثباته على الطريق وكفاني شره) تقييمي له (سيئ ++)

وركبت دنلوب ياباني على جنط فل أربعه سرندل 17
وهذي تم السنه وزود الصوت جداا هادي والثبات حتى وأنت مطفي (مانع الإنزلاق) يظل ثابت جدا حتى على السرعات العالية 160-180 .... تقيمي له (ممتاز +)

و سأغير الكفر من نفس النوع...

كفاكم الله شر الكفرات....