رد مع اقتباسالمشكله من اللون الأسود ومن كلامك ماتحمي السياره
تحميه السياره ضروريه وسللامتك
بسم الله الرحمن الرحيم
مسيتم بالنور والسرور جميعا ... مشكلتي يالربع ان القير عندي ما ادري وش جاه
الوكاد إني لا شغلت الموتر ومشيت به وهو بارد الوضع عادي ويغير التعشيقات طبيعي
مع العلم ان القير توماتيك .. لكن المشكله لما اخذ خمس الى عشر دقايق ويبدا يحتر القير والموتر
بهالشتاء وأوقف عند إشاره او مطب وأمشي من التعشيقه الأولى إلى الثانيه تعطي حننننه ولما
يعطي النمره الثانيه ينتفض الموتر ( وفقط من الأول للثاني عقبها التغييرات عاديه )
المهم الورش قالوا يبيلها توضيب وأقل ما لقيت بأربع ألاف وخمس
والوكاله قلت لهم المشكله بس قالي اكيد لازم توضيب بــ ( 18 ألف ريال ) :d
عندكم حل يالربع والا اروح التشليح أطق لي قير جديد بأربع الاف
معلومه الموتر أكورد أربعه سلندر 2008 اللون أسود :d:d
أما اللون أسود مع نفسي :d
المشكله من اللون الأسود ومن كلامك ماتحمي السياره
تحميه السياره ضروريه وسللامتك
توضيب قير في الوكالة بـ 18 الف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تستهبلوووووووووووووووووووووووووووووووووووووووووووو وووووووووون
اللون ماله دخل مع احترامي ,,,,المشاركة الأصلية كتبت بواسطة فـــيـــصـــل..607..
كم ماشيه سيارتك ؟؟
ومتى غيرت زيت القير ؟؟+الفلتر ؟؟
وشيك كمبيوتر على الحساسات !
سبحان الله وبحمده سبحان الله العظيم
اسمع ياطويل العمر خل عنك الوكالة وخل عنك التوضيب
روح لأفضل ميكانيكي وقوله اوضب ولاأغير راح يقول لك غير لأن التوضيب ما فيه احد يطبق زي شد البلد
وأي واحد يقول توضيب اعرف انه يبي ياكل فلوسك لأنه هو مايضره شي
اسمع انا صارت معي المشكلة وقال أغلب المهندسين عندك المشكلة كلتشات القير يعني لازم توضيب
عرضت المشكلة على واحد من الأقارب وقال لي روح خذ لك قير من الصناعية القديمة من استعمال اليابان
وأنت عارف استعمال اليابان (استعمال حشمة ) وغير كذا سعره رخيص
بعكس الي في السعودية
الي هنا في السعودية مايحتاج اتكلم (انت تعرف استعمال الشعب السعودي كيف )
اذا تبي ادلك على الورشة الي شريت منها القير راسلني على الخاص وغير كذا التركيب ماياخذ وقت عندهم
انا عطيتهم سيارتي الصباح وبعد آذان المغرب خلصت السيارة ويعطيك ضمان 3 شهور
على العموم انت اسأل وشاور ولاتستعجل والقرار بيدك
واسف على الإطاله
ابدا اول شي بالسهل وغير الزيت والفلتر .. والله يعينك ويسهل عليك .
شيك على زيت القير مثل ماذكروا الأخوان
اذا كان الزيت سليم وجديد شيك على حساسات القير
راجع هذا الموضوع ممكن يفيدك
http://www.hondaarabia.com/club/t31295/
إبدأ بتغيير الزيت مثل ماقالوا الشباب .. ثم جرب تسوي فحص كمبيوتر على حساسات القير , وإذا غلبت الروم أقترح عليك تمر 5 ورش بدل الورشه عشان تتأكد انها مشكلة وتحتاج توظيب فعلا .. واتمنى لك التوفيق
أفـــادوك الزكرت ... والله يسهل أمرنا وأمرك .
روح انشب بالشركة ودخلها على الضمان سيارتك 2008م
وحاول انك تسأل الشباب الي بصيانة هوندا لا تسأل مهندسين الصيانة
أكيد راح يدخلوها على الضمان
اول شي زيت القير+الفلتر
بعدين فكر في حاجة ثانية
المشكلة نفسها عندي بالضبط ،،
لها سنة الحين صارت لمبة الدي تومض ،،،
اللي يقول قير ياباني ياليت يدلنا على الورشة ويكتبها هنا
فيصل .. 607 .. والله ما اذكر احمي الموتر خاااااااااصة صلاة الفجر اشغل الموتر باااااااارد وامشي للمسجد
وهي باااااارده :d
.
.
.
هوندانا .. والله هذا كلامهم وانا اخوك 18 الف :d
.
.
.
ملك قوقل .. سيارتي ماشيه 168000 واخر ما غيرت الزيت والفلتر قبل سنه تقريبا كانت ماشيه 110 تقريبا
.
.
.
HONDA ACCORD 2002 .. والله يا ليت تدلني ع هالورشه تسوي فيني خير يالغالي والله يبيض وجهك سلفا
.
.
.
أكــ97 ــورد ... الله يعطيك العافيه حبيبي
.
.
.
مصعب بلال ... الله يوفقك وشاكر لك رابط الموضوع
.
.
.
أكورداوي ... غيرت الزيت لكن موضوع كمبيوتر حساسات القير تو أدري عنه منك ومن الشباب صراحة.
.
.
.
nasse1430 ... الله يعطيك العافيه على المرور يالغالي.
.
.
.
فارس جدهـ ... السياره خارج الضمان من الممشى 168000 .. شاكر لك حبيبي.
.
.
.
Aldarweesh... غيرت الزيت وماغيرت الفلتر بأغيره إن شاء الله.
.
.
.
هيموالمسعودي ... أجل أطلب الله معي في القير :d
.
.
.
الله يعطيكم العافيه جميع يا رب
ضوابط المشاركة
مواقع النشر (المفضلة)