السلام عليكم ورحمة الله وبركاته
مساكمـ / صبحكمـ الله بالخير
بصراحه ماني عارف وشلون ابدأ .. لكن بدخل في صلب الموضوع .. لاني ما أحب المقدمات
صح أنا عضو جديد على المنتدى .. لكن زائر قديم ومتواجد بشكل شبه يومي
ومتابع للمنتدى وللمشاكل اللي فيه
بصفتي أحد مستخدمي هوندا وبالتحديد ( Accord ) طرأ لي كتابة هالموضوع وأخذ آرآئكم فيه
انا واحد من الناس اللي دايم يقول .. الملكة << طبعا يقصد الآكورد
وماغير امدح فيها ومحد يسألني الا اقله لاتشتري غيرها ترى بتندم
وبيني وبين نفسي انا كاره هالسياره .. ونفسي ابيعها اليوم قبل بكره
بسبب مشاكلها الكثيره .. وسوء الصيانه لدى الشركة .. وفوق هذا أسعار القطع اللي محسسينا انها BMW
اتوقع ان كثير منكم .. إذا مو اغلبكم يوافقني في الرأي
صحيح الكبر ياخذنا أوقات .. ومانحب نطلع عيوب سياراتنا لأي شخص يسألنا
لكن من الداخل تعب ومعاناه و مشاكل×مشاكل
ما ندري نحصلها من :
علبة دركسون
أو
رجة في السياره على سرعة 120 كم
أو
حذفة السياره والآغلب الى جهة اليسار
أو
مشاكل الكليبرات اللي تاكل لنا الأقمشة كل 3 شهور
أو
مشاكل القير والاصوات اللي يطلعها كل فتره << موسيقى
أو .. أو .. أو ..
وطبعا كل ماذُكر عيوب مصنعيه ..
أبي آرآئكم في الموضوع .. والتعليق بكل أمانه وحياديه
وأتقبل النقد البناء .. بروح رياضية
في إنتظار مشاركاتكم
أخوكم
Ghawey
رد مع اقتباس
مواقع النشر (المفضلة)