الموضوع: افالون - اكورد - كامري ... عطني رايك ..

+

ارتفاع السعر كم هو متوقع بيخلي سعرها 100 الف للأستاندر

ويقولكم الكامري الاسترالي مب احس مني




تحليل للسوق ههههههههههههههههههه

المشاركة الأصلية كتبت بواسطة بلال العلمي

مافيه اي شي واضح عن الاسعار لكن اضافوا فيها الميزات للي ذكرتها لك غير انهم اضافوا النقطة العمياء في المرايات الجانبية


الدخول بالبصمة والامور هذه غير واضحة الى الان

أهم شيء يصير سعر الستاندر معقول ومتوافق مع أسعار فئتها ،،
يعني يحطون فئة الستاندر مررة ملط بدون أي مواصفات ، بس سعر ما يزيد عن التسعين ،،
لأن والله رساوة الأكورد وتحكمها الرآئع وجودتها ما لها غنى ، أما المواصفات للي يبيها يزيد لها ،،
<< وبعدين مالها معنى تزيد سعر وتحط مواصفات كل الشركات تقدر تسوي كذا ، حط مواصفات بدون زيادة وكذا نافس الكوري ودخل السوق

أنا اقيس على الكامري اللي نقز الستاندر +10 الف وأكثر ، وهذا اللي مخوفني ، يجيك ستاندر أكورد 96400

على العموم ما قصرت وننتظر هوندا 2013 ..

افالون بلا نزاع

خذ افالون وادعيلي بلا اكورد بلا هم

ايشلك في وجع الراس

وكل يوم بمشكله

الافالون 2011 .. شكل جديد عيوب مصنعية كثيرة - صرف بنزين - كبيرة علي ....

وش رايكم ؟؟

ابعد عن الكامري .. خذ لك أفالون او أكورد
بس الافالوم افضل بصراحة

اﻻ‌فالون 2011 .. شكل جديد عيوب مصنعية كثيرة - صرف بنزين - كبيرة علي ....*

وش رايكم ؟؟

أخوي فئة الافالون اعلى من فئة الاكورد والكامري .. وإذا انت تسوفها كبيره عليك
خذ أكورد رائعه جدا وعمليه وراسيه .. وبس

أكورد 2012

خذ لك افالون توني بعت الاكورد وشريت افالون ماشا الله رساوه على كيفك ولا فيه صرفيه

^^

خلاص راحت علينا وتورطنا بالاكورد لا عاده الله من موتر

موتر معدوم العزل الارضي + معدوم الراحة بتاتا + العزل الجانبي سيء + قساوة


يالله الحمد لله على كل حال

ما ندري وين الخيره

يالطيب انا كنت محتار مثلك بس استبعد الكامري بحكم جودته ومواصفاته وشكل مش ولا بد

وصارت الحيره بين الاكورد والافلون بس بجد حرام تقارن اكورد بافالون الافلون فئه اعلى من الاكورد ( الاكورد مع كامري و اوريون)

المهم اني جربت الاكورد ع اني بشتريها ياخي احس اني قاعده ع خشب مو سيت خششششششن والقياده قاااسية مررررة يعني الراحه فيها صفر

المهم رحت اشوق افالون ياخي قيادته تحس موتر فخااامه ونااااااااااااااااااااااعم مرة يعني تاكل مطب ماتحس فيه عكس الاكورد قاسي مرة

المهم انا اعطيك من واقع تجربة

الراحة : افالون واحد يختلف بهالنقطه

الصيانه : الاثنين جودتهم حلوة بس الافالون تويوتا وقطعها متوفر اكثر وارخص اذا ماخاب ظني

الرساوة بالمنعطفات : الاكورد بحكم انه قاسي ومصصمه كانها رياضية

صرفيه البنزين : الاثنين حلوويين ولاتنسى الحمد لله احنا بنعمه ولله الحمد البنزين عندنا رخيص مابتفرق معاك يعني لو سياره اقل من ثانيه ب 5 ريال

بالنهايه جرب السيارتين واللي يعجبك اخذه سوي نفس ماسويت اناا

توني اشوف ردك انك اخذ اكورد والله يبارك لك بس كان يفترض تجرب السيارتين قبل مثل ماسويت انا

المشاركة الأصلية كتبت بواسطة اكوردتي عشق لا ينتهي

خذ لك اكورد ولا تترد ابدا
كل الشروط اللي تبيها متوفره فيها صراحه
>> كل 4 او 5 شهور لازم تصرف 500 ريال اصلاح دركسون
بالتوفيق لك

كلام غير صحيح

اعرف ناس كثير ما شاء الله تبارك الله .. ما عمرهم اشتكو من تهريب زيت الدركسون

كلامي من تجربة


السبب الرئيسي والمهم .. لتهريب زيت الدركسون أو الخ ... >> استخدام زيت غير مناسب للهوندا ( زيت احمر .. اللي هو حق القير الأوتوماتيك .. لو تقول لبنشري عطني زيت دركسون .. يعطيك زيت قير اوتوماتيك احمر .. المهم انه يكسب ويصرف بضاعته )

وش دخل زيت القير الأوتوماتيك بالدركسون ؟؟ صح بعض السيارات يحط لها زيت احمر .. لكن مب كل السيارات

البناشر والورشات ما يجيبون زيت دركسون هوندا ( لأنه غالي لكنه خاص بالدركسون وجودته ممتازه ومناسب تماما للهوندا ) , يجيبون لك زيوت رخيصه للقير الأوتوماتيك وجودتها سيئة وغير مناسبة للدركسون

زيت الهوندا لونه اصفر ذهبي



وبعض الورشات نصابين .. بعد ما يصلحون لك تهريب الدركسون .. يحطون لك زيت احمر

عشان تهرب عندك مرة ثانية وترجع للورشة وتصلحها مره ثانيه .. ويكسبون فلوس اكثر

وعشان الزيت الأحمر أرخص


انصح الجميع باستخدام زيت دركسون هوندا فقط .. ولا تخلي البناشر او الخ ... يعبون زيت احمر أو اي زيت .. غير هوندا




السبب الثاني للتهريب :

بعض السيارات فيها عيب مصنعي + شوارعنا السيئة


وترى تهريب زيت الدركسون مو بس بالهوندا ,, فيه سيارات كثيره فيها تهريب من شركات ثانيه غير الهوندا
بسبب شوارعنا السيئة جدا

المشاركة الأصلية كتبت بواسطة هوندانا

^^
خلاص راحت علينا وتورطنا بالاكورد لا عاده الله من موتر
موتر معدوم العزل الارضي + معدوم الراحة بتاتا + العزل الجانبي سيء + قساوة
يالله الحمد لله على كل حال
ما ندري وين الخيره

كم ضغط هواء الكفرات ؟ لأن له دور بالراحة
خله 30

وبعض الكفرات مزعجه " مثل الكفرات اللي تكون نقشة الكفر رياضية "
وبعض الكفرات قاسيه , وبعضها لينه

ترى القساوة اللي تحس فيها ,, مقابلها ثبات ورساوه عالية

بعض السيارات لينة جدا ,, لكن الرساوة والثبات فيها سيء جدا ,, يركبون يايات رياضية تزيد الثبات والرساوه لكن تقلل الراحة


كل ما كبر الجنط ( بأي سيارة ) = تقل الراحة