اقتباس المشاركة الأصلية كتبت بواسطة ا هـ ا 6669 مشاهدة المشاركة
اسعد الله اوقاتكم بكل خير

والله يعطيكم العافيه جميعا على اجتهادكم واهتمامكم وردكم علي

بقولكم وش صار معي بعد الأخذ بنصائحكم

طبعا انا ماستعجلت على الحكم بتوظيب القير وجربت كل الطرق

1- غير الفلتر والزيت ولا تغير شي .
2- فحصت كمبيوتر على القير وطلعت الحساسات سليمه وقالوا لي حلك توظيب .
3- رحت لأكثر من ورشه بالرياض وكلهم قالوا لي توظيب .

طلع القرار الأخير هو تظيب القير . لكن المشكله بسعر القطع كلمت واحد من اخواي بالوكاله وقالي تكلفت قيمة القطع 10000 عشرة الاف ريال جامده حسبي الله عليهم . وسعر شغل الورش تركيب فقط من غير القطع اقل واحد قالي 1200 الف ومائتين ريال يعني المجموع 11200 أحد عشر الف ومائتين ريال .

لكن فيه ملاحظه ونصيحه بنفس الوقت وهي انهم اكتشفوا ان سبب المشكله هي نقص الزيت وسبب النقص لاني غيرت الفلتر قبل ستة شهور عند الوكاله فرع بريده بالقصيم وكان يحطون ثلاث علب زيت بينما الصحيح انها ثلاث علب ونص . مماتسبب في اتلاف الكلتشات .

اضينا المشرفه على الورشه بوكالة بريده جيت عنده ابي اغير الفلتر وكان وقتها سيارتي ماشيه 80 الف وقالي مايحتاج تغير الفلتر الحين تغيره على 120 الحين بس الزيت وسمعت كلامه وغيرت الزيت فقط .

وبعد ماوصلت 120 جيته وغير الزيت والفلتر لكنهم حطوا ثلاث علب فقط ولييس ثلاث علب ونص .

لا ويوم دقيت عليهم وقلت لهم قالوا لي عادي كثير 2008 يخرب قيرها يخرب والله منكم ومن شغلكم .
اظنهم يمشون على الموديلات القديمه اللي من 2007 وقبل لأنها تاخذ ثلاث علب .

والله يعين الضحايا مثلي .....
شف خالي .. مع أني مشاركتي مش لنصيحه لمشكلتك لأني ماأعرف لهذي الأمور ( ومن قال لا أدري فقد أفتـى ) ، لكن يا خالي خذ باعتبار دائما أن كتيب المستخدم تكون معك ، حتى بأسفارك عشان تكون مرجع أخير لك ، يعني وأنت بورشه تجلس بمكان الأنتظار وتشرب لك كوب شاي وتتصفح كتيب المستخدم وتكون ( على بينه ) ومش كلام ينقال لك وأنت على ثقتك فيهم ، فأنسان يخطىء ، قبل فتره كنت برياض و مريت محل لتغيير الزيون من ( بترمين ) بدائري الشرقي / مخرج 14 مقابل المستشفى نجد الاستشاري ، حط لي الفلبيني زيت قير بـ 8 لتر بينما حدها 4 لتر ، وأنا عشيم بأمور هذي لأن زيت القير نادر مايتغير ، لكني مشيت على نصيحة الفلبيني ، فآيش كانت النتيجه ... خربت سيارتي على خط الرياض القصيم السريع و طلع زيت القير المهرب على المحرك و الأسلاك و تهريب و أنطفت سيارتي وريحة حرق ( وبس خلها على ربك ) ، وخوش ربكه وكانت أول موقف صعب يمر على بسفر ..

الواحد يسترشد بـ كتيب المستخدم وتكون مرجع له ، والحمد لله فهي تجي مكتوبه بالعربيه ، وأهمال بسيط جدا يؤدي إلى كارثه كبيره وخساره ماليه وجهد وتضييع وقت بين الورش ، مع أنك كنت في غنى عنها ؟!
كان الله بعونك وكل ابن حلال يسمع