كوبونات الحماية من المستفيد.....؟
تحية طيبة للجميع
اتمنى اكون ضيف خفيف عليكم واكون بعيد عن المشاكل
ماكنت سعيد بقرار مثل قرار بيع سيارتي الكورية اقسم بالله جابت المرض لي
واصعب قرار كان السياره الجديدة بتكون من اي وكالة
المهم انتهى القرار بسياره بعيده كل البعد عن التفكر او التخطيط مدري ايش السبب اللي خلاني ابعد عنها واقول مستحيل اشتريها
طبعآ بعد الاستشاره وقبلها الاستخاره كان الاختبار الحقيقي للاكورد حاضر امامي ويشهد ربي على ذالك واحد من زملائي في شعر اغسطس اللي فات اشترى اكورد 2011 يعني حتى اليوم هي جديده
قبل شهر تقربيآ جاء مطر على مدينة الدمام طبعآ توقفت المدارس ذاك اليوم المهم تعرفون الشوارع كيف تصير عندنا بعد المطر
صاحبنا دخل في حي (...) وهذا الحي معروف بمستوى الشوارع التعيس المهم مستوى الماء زاد حتى طفت السياره في وسط الماء كان مستوى الماء عالي جدآ بسب انخفاض مستوى الشارع في الوسط عن بدايته ونهايته سحبنا السياره لبر الامان كان الماء في كل مكان من السياره الماكينه الارضية يعنى منظر محزن لكل من حضر السالفه
تركنا السياره 4 ايام ورجعت افضل من اول لا مشاكل ولا حاجه وشيك عليها بالوكالة كل الامور زينه
انتهت القصه
تبداء قصتي مع الاكورد طبعآ السياره لها معاي بس 4 ايام تقريبآ
طبعآ عند استلامي السياره اعطوني كوبونات للحماية ولي رجعه للكوبونات وحكايتي مع الشركة اللي اعطتني الكوبون
بس
هل هوندا عندما تقدم الكوبونات تكون تقدم نصيحة للعميل بجودة المواد المستخدمه عند تللك الشركات
هل هوندا تتحمل اي مسولية لو كانت الخدمه المقدمه من تلك الشركات سئىه
هل هوندا لاتعلم بتلك الكوبونات وموظف المبيعات يتصرف من نفسه
هل الكوبونات من صالح العميل
الاسئلة كثيره لكن اتمنى منكم عرض تجاربكم
لي عودة بتقرير مصور عن سيارتي وشركة الحماية
وتقبلو تحياتي
مبروك عليك السيارة واحسنت الاختيار
بالنسبة للكوبونات اكيد انها مضمونة دامها من هوندا
وليش خايف من الحماية بالعكس شي حلو يعطونك كوبونات
انا رحت قبل كم يوم الوكالة اودي مسجلة وكنت ابي فيشة وكم استفسار فدلوني على محل قالولي احنا نتعامل معاه توقعته عادي طلع محل فخم وغااالي جدا مثل اسعار الوكالة وتعامل وشغل محترفين وكلة سيارات هوندا فأنت اتوقع مث حالتي لاتخاف :d
اشكر مرورك ياغالي
تصدق لم اكن الموقع بارد لهذه الدرجه 55 شخص دخلو الموضوع ومافي واحد غيرك قال مبرووك عيلك السياره
كنت متحمس انزل الموضوع بالصور لكن الان ماراح انصح غير حبايبي بس
طبعآ اخوي socpion
يكذبون عليك بهاذي الكوبونات
تصدق انا دخلت سيارتي يوم الخميس اللي فات ثاني يوم استلامي السياره الساعه ال8 صباحآ
ودخلني الوسواس الساعه 10 وانقز اشوف السياره
تصدق كان بيوقف قلبي
والصور راح تثبت لك كلامي
تقول السياره موديل 80
والله انقهرت وانا راح اكلم حتى الوكالة ضد هاذي الشركة بس ظروف عمليماتسمح لي اتواصل مع الوكالة
كانت انتظر تفاعل الاخوان وحتى يستفيد من هم بعدي ويتفادون نصب هاذي الشركة
ألف ألف مبروك السيارة الله يعطيكـ خيرها و يكفيكـ شرها
أما بالنسبة للكوبونات
أظن ان جميع الوكالات ما يهمهم المحل أهم شيء الكوبون عشان تغري العميل اللي هو انت
يعني راعي محل التلميع يروح الوكالة و يعطيهم كوبونات و الوكالة تستفيد لما تغريك بالسيارة و ان معها كوبونات هدية و كذا
يعني هي مسألة تسويق فقط
يعمي سالفت الكوبونات انت وحضك اذا الشركات محترمه سو الخدمات لاكن فيه شغله لا م تحطها بالحسبان
ترى الموضف الي يعطيك الكوبون بيحط اسمه بالكوبون او اذا ما حط اسمه فاكيد انه يعرف راعي المحل عشاااان ياخذ عموله الشي الثاني انت بتجي مبسوط. طاير بالعجه بتروح وتاخذ الكوبون وتقول ابي خدمات وتعطيه الكوبون وراعي المحل يقص عليك ويقول انا سويتلك خصم عشان الكوبون نصيحه من واحد مجرب رح للمحل وكلمه واسئله عن الاسعار بعدين ورص على مندوب اهله يعملك خصم بعد ماتتفق معه حط الكوبون بوجهه كذا يجيك سعر صح غير هالطريقه ماينفع انتبه من الشي ذا وعن تجربه وانا محقط لاكثر من 5 محلات لانهم نصابين ولاحد حولك من حمايت المستهلك والى الغش التجاري يدافعون عن احد خذ حقك بنفسك حملت خذ حقك بنفسك انتبهوووو ياعالم. اسف على الاطاله
مبروك يعطيك خيرها ويكفيك شرها
ضوابط المشاركة
رد مع اقتباس
مواقع النشر (المفضلة)