رد مع اقتباسحبيبي رح لفحص كمبيوتر قبل لاتحكم انه توظيب وشيك على الحساسات
اما عددها 7 حساسات للقير هذا على كلام الزول اللي بقطع الغيار لدى الوكالة
مشكلتي مع القير 2004
السلام عليكم ..
يا شباب .. انا صار لي مشكلة مع القير من كم يوم ..
القير يفلت وانا اسوق يعني كانك حاطه على N .
بداية المشكلة .. في الصباح شغلت السيارة وخليتها تحمى ..
والسيارة تحمي اسمع صوت زنّه بسيطة تقول زي صوت دودة الدركسون بس انها ناعمة مرة ..
توقعت ان سببها البروووده ..
السيارة احتمت وجيت ارجع حطيت القير على R وما مسك إلا بعد ثواني بسيطة .. ثم حطيته على D مسك ثم فلت ثم مسك مره ثانية ومشى الحال ..
وبعد فترة وانا في طريق الامام فصل معي القير وانا امشي بسرعة 80 وصار كأني حاطة على N مسكت يمين وقفت شوي وحطيته على R ثم D و صار يمسك وفلت كم مرة ..
وقفت السيارة وشلتها بسطحه .. وعلى الوكالة ..
قالوا لي توظيب القير .. أنا ما خشت مخي كلمة توظيب .... احس انهم نصابيييييييين .!.!.!.!:p
رجعت للمواضيع اللي في المنتدى .. وقريت اللي يتعلق بالقير ..
وغيرت زيت القير والفلتر الخارجي .. وطلعتها من الوكالة مشت معي بس لا زال يفلت القير ..
صح السيارة اختلفت علي عقب تغيير الزيت ..
بس المشكلة لازالت ... ان القير يفلت ..
حبيت اسأل وين أفحص كمبيوتر شامل لكل الحساسات ؟! عند مين تنصحوني ؟!
وكم حساس للقير ؟ أو اللي يتعلق بالقير ؟!
أرجو الرد يا شباب ؟!
حبيبي رح لفحص كمبيوتر قبل لاتحكم انه توظيب وشيك على الحساسات
اما عددها 7 حساسات للقير هذا على كلام الزول اللي بقطع الغيار لدى الوكالة
اشكرك اخوي 5aled على الرد ..
وانا اخوك انا ما حكمت عليه توظيب هذا كلام الوكالة ولا خش مخي ..
وش رايك وين افحص كمبيوتر فيه .. ؟!
الله يعطيك العافية ...
مدام القير يفلت اتوقع بدا يخبط
المشاركة الأصلية كتبت بواسطة hzzan
الله يعافيك اخوي
والله فحصن شامل السيارة + الكمبيوتر بورشة بصناعية العاصمة ب 200 وتكت السيارة ساعة ونص
واذا كان توظيب لاسمح الله طق لك قير من التشليح نظيف بنفس قيمة التوظيب او زيادة لان موكل توظيب زين
لالا ان شاء الله تكون سهلة
الله يعطيك العافية '
بس وش اسم الورشة وصناعية العاصمة وين ؟!
صناعية العاصمة بالرياض مخرج 28 او 29 اما اسم ورشة الفحص اسائل عن فحص كمبيوتر بيدلنك عليه
بتلاقيه مقابل مبنى قطع الغيار
الله يعطيك الف عافية .،
بأروح اسوي فحص كمبيوتر بإذن الله ..
وباجيب النتايج... والله يسمعني خير ..
لاحول ولا قوة الا بالله وانا لله وانا الية راجعون ...
معك مخلوق مسكين معة اكورد 2004 (( السالفة صارت برمضان 1432هـ))
كان رايح للدوام في الصباح ,,
شغل سيارتة ..
حمى سيارتة
مسك الدائري الجنوبي ..
يبي يتجاوز سيارة بطيئة
الا القير قام يستهبل ! فجأة يفصل كنة على n ويرجع يشبك .. واذا دعست يفصل ... واذا هديت يشبك ..
عموماً .. لمبة البنزين كانت مولعة وكنت اسلك لنفسي انة البنزين مخلص ...
وقعدت مهدي لين وصلت محطة على الدائري الشرقي ... وعبيت فللل
واشغل السيارة والدوام قريب قسم بالله احس معي تريلا محملة قطع غيار ..!
وصلت الدوام ..
استأذنت
رحت الوكالة بعد مادقيت على واحدن هناك يضببطني عشان الفحص السريع ..
من يوم ما وصفت المشكلة للمهندس وسمع الصوت من القير والتسارع السيئ ... قال (( توظيب ))
رحت ياعزيزي وسويت غلطة حياتي ...
الحل انك تدفع 12000 تقريباً بالوكالة توضيب
او من 3000-4000 توضيب في الورش المختصة
او تغير القير كلة من التشليح بحدود 4300 مع شغل اليد
طبعاً اخترت الاخيرة اني اغير القير لكني سويت غلطة العمر ..
عطيتهم الفلوس كاملة و (( هم )) من جاب القير من التشليح ... المفروض انا بنفسي اروح اجيبة واختارة واعرف وش هو من لحية ..
قيرهم اللي جابوة فية نفس مصيبة قيري اللي خرب .. خلال شهر راجعتهم اكثر من 5 مرات وكنت اخلي السيارة واروح .. وترجع نفس المشكلة >> القير يفصل اذا مشيت مسافة طويلة او يعلق على الرابع ( زي مشوار من البديعة للمطار وراجع ) ... الين ما نشبت لهم ذاك اليوم وغيروة قدام عيني ... قعد شهر تقريباً سليم >> فترة الضمان .. وبعدها رجع يستهبل وصارت فية طقة غبية وقوية ... وفي المسافات الطويلة زي للمطار وانا راجع يعلق على الرابع للحين ...
فلذلك ,,, اذا السيارة انت عارفها وشاريها من وقتها وتعرف قيرك ...
انصحك وضبة ازين من تغير بواحد ما تدري هل بيعيش معك شهر وينكبك مثلي ولا 6 شهور وتتوهق فية ولا اكثر او اقل ..
ازين ما بالتوضيب اذا الشغل تمام ان فترة ضمانة اعلى من فترة ضمان اذا غيرت جديد وهي ما تزيد عن شهر واحد ..
الله يعوضك خير .. وحسبنا الله ونعم الوكيل ... ولا حول ولا قوة الا بالله ...
.
فما زلت اسمع أصواتهم تهمس في أذني ...
وما زلت استنشق أنفاسهم تعطر المكان من حولي ...
وما زلت أرى خيالهم كلما طرفت عيني ...
دفنت الأجساد ... وبقيت الأسماء...
... وبقي الحب يملأ قلوبنا بالأمل ...
.
مشكور اخوي B Useful ...
نصحيتك في عين الاعتبار ..
لكن وش رايك في تغيير الزيت والفلتر وفحص الحساسات ...
تتوقع تجيب نتيجة والا ما لها داعي ...
لاني العصر باروح اسوي فحص على حساسات القير ..
وفيه واحد قالي يمكن يكون السبب عصا القير ؟!؟!
والله اني محتار لكن الله يكتب الخيرة ..
باسوي الاسباب الاقل تكلفة .. ونشوف على قولتهم ان نفعت والا دفاعة بلاء ..
دعواتكم .،.
شي كويس ان تروح تفحص كل شي بالقير .. حساساتة واجد وما تدري لعل المشكلة بسيطة ويمكن كل اللي رحت لهم ما عرفوا المشكلة وقالو اسرع حل ( توضيب) واكثر مكسب لهم ..!
.
فما زلت اسمع أصواتهم تهمس في أذني ...
وما زلت استنشق أنفاسهم تعطر المكان من حولي ...
وما زلت أرى خيالهم كلما طرفت عيني ...
دفنت الأجساد ... وبقيت الأسماء...
... وبقي الحب يملأ قلوبنا بالأمل ...
.
بعد عناء ومعاناة مع القير استمرت اكثر من اسبوع ...
سويت آخر الفحوصات على القير ...
فحص الكمبيوتر طلعت نتيجته ان كل الحساسات سليمة وتعمل تمام ....
وفحصته عند اكثر من واحد حتى ورشة الجنوب وشاف السيارة اكثر من فني ومتخصص ...
وتبين ان القير فيه مشكلة في تروس الاول والثاني والثالث ....
والتوظيب بيكلفك اكثر من مستعمل تشليح ... هذا اذا كانت متوفره القطع عند الوكيل ..
لان وانا عند الوكالة واحد جاي يسدد فاتورة توظيب قير 2006 دفع ( 16.800 ) ريال وقال لي انه جلس اكثر من شهر حتى خلصوا السيارة والعذر القطع غير موجودة طالبينها طلبيه ..
واحد موظب قير عند الجنوب كلفه تقريباً 11000 او حولها ...
فاستخرت الله وبادور لي واحد في التشليح قير مواصفات سعودي مو ياباني ..
على كلام بعض الزملاء ان الياباني بعضها يجي فيها اختلاف في الظفاير الكهرب وشبكياتها ...
والله يعين دعواتكم يا شباب ..
واشكر كل من اسدى لي نصيحة او توجيه او راي ..
الياباني مافية اختلاف ..
انا وصديقي دخلنا سيارتنا في نفس الوقت للورشة .. كلنا ركبنا قيور يابانية ..
هو مشى تمام معة وانا قاعد يسوي حفلات وطرب معي !!
اذا بتشري قير من التشليح ((( رح اخترة بنفسك )) ...
لا تعنمد على اي واحد يجيبة ...
بعدين اذكر التوضيب حول 4000 اذا كثرت !!
.
فما زلت اسمع أصواتهم تهمس في أذني ...
وما زلت استنشق أنفاسهم تعطر المكان من حولي ...
وما زلت أرى خيالهم كلما طرفت عيني ...
دفنت الأجساد ... وبقيت الأسماء...
... وبقي الحب يملأ قلوبنا بالأمل ...
.
ضوابط المشاركة
مواقع النشر (المفضلة)