,وينكم ياشباب
السلام عليكم
حياكم الله اخواني
انا ناوي ان شاء الله اشتري هوندا اكورد 2007 او 6
نصيحه اخويه جد تنصحوني بالموتر ولالا ؟
هل هو يتحمل الكرف عملي ؟
انا اشوف كم واحد يشتكون من طرمبه الدركسون اظن :(
يعني مدري وش ضررها وهل كل الاكوردات فيها ولا كيف
ومووضوع قطع الغيار كيف تطلب قطع كثير ولا كيف وسمعت ان قطع غيار 2008 وفووق ارخص منها
وياليت تعطوني نبذه بسيطه عن بعض اسعار قطع الغيار
واسفين على الاطاله
,وينكم ياشباب
وعليكم السلام
الاكورد 2007و 2006 سيارة كويسه وعمليه وتتحمل الكرف لاكن فيها بعض المشاكل اللي ممكن تغثك مثل .
1- طرمبة الدركسون 2- رجة السياره مع تشغيل المكيف ( مالها حل)
3- فشخة الكفرات من الخلف ( تسبب تاكل الكفر وازعاج )
4- حذفه يمين او يسار ( بدون سبب واضح )
5-عزل الشارع ضعيف
لاكن فيها مميزات حلوه مثل الرساوه والتحمل والمكيف ممتاز وجودة المواد المستخدمه فيها
وبالنسبه لقطع الغيار اسعارها مناسبه فيه اصلي وياباني وحتى صيني يعني فيه خيارات غير الوكاله
والله يوفقك
الرجه مع المكيف عاديه حتى بالكامري موجوده
لكن اللي خايف منه طرمبة الدركسوون وش اضرارها ؟ وموجوده بكل الاكوردات ولا دفعات
وفشخه الكفرات ليت توضحها لي
لاهنت ياصديقي
اذا هي نظيفه خذا ولا تتردد
السيارة جدا عمليه ومميزه بشكلها
الطرمبه اصلاحها مايتجاوز 180 ريال .. صلحتها مره وحده خلال 4 سنوات ولله الحمد
ميلان الكفرات الخلفيه ميزه تحس فيها بالسرعات العاليه والمنعطفات
قطع الغيار اذا السياة نظيفه ماتطلب الا الاستهلاكي وفراملها اطول عمر من الموديل الجديد
..
....
الله يريحكم طمنتوني
بس يالمسافر 180 بس ماشاء الله وش صلحت فيها ؟
وبكم قيمتها جديده الطرمبه
والله يجزاكم خير يارب
قطع اصلاح (ربلات تتغير داخل الطرمبه) + زيت دركسون اصلي + شغل يد = 180 ريال تقريبا
الجديده 2800 ريال ;)
..
....
^^^^
مآقصروآ الشبآب
آفادوك وزود
مواقع النشر (المفضلة)