ياخوي قلت لك روح الوكاله اذا في شيء بالكفرات الوكاله تعطيك تقرير لميشلان بتبديل الكفرات مجانا ليه تستبق الاحداث
لما توصل 1000 كيلو سجل كل الملاحظات
عرض للطباعة
ياخوي قلت لك روح الوكاله اذا في شيء بالكفرات الوكاله تعطيك تقرير لميشلان بتبديل الكفرات مجانا ليه تستبق الاحداث
لما توصل 1000 كيلو سجل كل الملاحظات
ميشو يمكن يقولون له ليه ما جيت بالاول ,,, ترا حركات الوكالات كذا يحاولون يطلعونك انت الغلطان
انا عندي اكورد 2007 فيها حذفه لليسار من طلعتها من الوكالة وهي كذا واذا رحت للوكالة بعض المرات يقولون غير علبة الدركسيون وبعض المرات يقولون غير الدودة غيرت الدودة بعد فترة رجعة المشكلة
اقتباس:
المشاركة الأصلية كتبت بواسطة هوندانا
مايقدرون لان اذا مشت 1000 كيلو هذي صيانه مجانيه منهم وتسجل ملاحظاتك وتطلب انك ماتستلم السياره الا وجميع الملاحظات مخلصه
ويفضل تخلي الفني يطلع معك قبل ماتطبع فاتورة الخروج لما تتأكد من حل جميع المشاكل
أمس رحت لمركز ميشلان الصباح وصادفت اثنين يشتكون من نفس معاناتي
المهم سوا لي ترصيص الكفرات جربتها ولازالت الرجه فيها
رجعت لهم العصر طلع معاي المهندس يتأكد ونفس المشكله لازالت
قامو وبدلو الكفرات حرف x وبرضو ماراحت الرجه ولا الحذفه
واعدوني على الاربعاء الجاي يفك الجنوط ويشيك عليها ويعطوني تقرير لوكالة هوندا
بالنسبه للي يقولي روح الوكاله للعلم بس الوكاله ترسلك لميشلان لانهم مسئولين عن الرجه
والحذفه قالو روح الوكاله هم المسئولين عنها قلت اوك
اليوم الصباح رحت الوكاله ابسوي وزن للاذرعه قالو مانقدر نسوي اي شي لك
جيب التقرير الاربعاء الجاي وان كانت المشكله من الجنوط نغيرها لك علما ان الكفرات سليمه بناء على كلام مهندسين ميشلان
الزبده يااخواني اللي ماخذ السياره من شركة أوتو ستار معاه مدة شهر يجرب السياره
طلع فيها مشاكل يجيب تقرير من الوكاله ان بها عيب مصنعي ويبدلون لك السياره
واخوكم ناشب لمندوبهم التقرير باخذه الاربعاء الجاي بمشيئة الله
وبعدها نشوف اخرتها مع هوندا في حالة سوو كل شي من ترصيص ووزن وتغيير جنوط
والسياره برضو فيها مشكلة الحذفه والرجه هنا يبدلونها وهم مايشوفون الدرب
لاني سويت كل اللي علي وتحملت مشاوير بما فيه الكفايه
صحيح كرهت نفسي من كثر التردد عليهم وخصوص اني اجي لهم من خارج الرياض
لكن اخوكم متفرغ لهم ومستقعد لين اخذ حقي بأي طريقه .. وسلامتكم ..
استكمالا لما حدث
رحت ميشلان اليوم الساعه 30 : 8 صباحا .. أخذت التقرير بإن الكفرات سليمه ومافيها شي
بعدها اتجهت الوكاله طلبت خروج احد الفنيين معي طلع معي فني بغيت أرتكب فيه جريمه :confused:
اقوله فك الطاره تشوف الحذفه وهو متجود بها اقوله تعدى 110 ولاحظ الرجه
بالنهايه يقولي السياره مافيها شي قلت ارجع ارجع الوكاله مايندرى يمكن الحذفه والرجه بمخي وانت الصاحي !!
طلبت خروح فني ثاني ونشبت لهم طلع معي فلبيني وجرب السياره وبالفعل اقر بوجود الحذفه
رجعنا الوكاله بلغتهم بمشاكل السياره .. الحذفه .. تنسيم الهوا .. قرقعة الشنطه .. سلمتهم السياره
وواعدوني بكرا استلمها .. وراح أجربها وأتمنى بس يطلع فيها أي مشكله عشان استقعد بزياده
لا لاقين تعامل محترم مثل الاوادم منهم ولا لا اي اهتمام واذا ماتنشب لهم انواع التصريفات ..
بشكل عام ماانكر بديت امل وأطفش رايح جاي بس بنفس الوقت لاقي لذه ومتعه بالاستقعاد لهم ;) ونشوف أخرتها معهم .. وسلامتكم ..
نهاية القصه والمشاوير الدائمه للوكاله
اتجهت للوكاله اليوم لاأستلم سيارتي وأنتظرت من الساعة الثامنة صباحآ الى الثانية عشر ظهرآ
نحمد الله ونشكره انتهت مشكلة الحذفه والتنسيم واصوات الشنطه
واصبحت اتمتع بقيادة سيارة في منتهى الرفاهية والفخامه :cool:
همسه : مهما كان حجم المشكله بمركبتك لاتصمت وتوجة للوكاله فورآ :rolleyes:
بالتوفيق للجميع
ههههههههههههههههه
والله كفووو ي مزاحمآوي
عرفت لهمم والله
كفوك الطيب يابعدي
مللنا من الذهاب والتردد على الوكاله حوالي أربع مرات
لكن الحمد لله ان تكللت جهودنا بالنجاح وهذا كله بتوفيقه سبحانه
احترامي وتقديري للجميع
اخواني انا معي اكورد 2012 برضو عندي حذفة لليسار خفيفة و في كمان احيانا رجة بعد ال 100 و احيانا لا وش يكون السبب؟؟؟ افيدوني جزاكم الله خير
اخوي مزاحماوي الله يعوض صبرك وروحتك وجيتك ....
اتمنى تسوي موضوع لوحده وتنسخ كل الي كتبته تحت عنوان :
اكورد 2012 عندك رجة وحذفة (( تعال هنا الحل مع الوكالة ))
عشان تختصر الوقت والجهد للأخرين
والله يرزقك بما فيه خير لك يارب العالمين
اقتباس:
المشاركة الأصلية كتبت بواسطة هوندانا
+ 1
ههههههههههه والله انك نشبه ياشييييخ بس ونعم فيييك ولو كل واحد يسوي زي كذا كان تأدبت الوكالات كلها حقت السيارات لكن شايفين ناس تقول ياعمي وياشيخ وطنش فلعبو لعبتهم علينا عموما تحياتي لك
طيب ماقالوا لك وش سبب الحذفه ؟
يافرحه ماتمت :(
رجعت الحذفه لليسار بشكل خفيف ولازلت اسمع اصوات تنسيم هواء !!
والرجه بدال ماكنت من 80 الى 120 صارت من 100 الى 110 !!
مو مشكله قربت السياره توصل 5000 نوديها الخدمه السريعه
وبعدها نتفاهم مع هالوكاله الخايسه :)
ههههههههههههههههههههههههههههههههههه
ههههههههههههههههههههههههههههه
ههههههههههههههههههههههه
جررررربعهم ي كبير
اذا نظام تاجير رجعها لهم
اقتباس:
المشاركة الأصلية كتبت بواسطة مزاحماوي
أخوي عندي استفسار بخصوص تنسيم الهوا ...!!
أنا مشكلتي ما ركبت أكورد من قبل وجيت فجأة وشريت أكورد 2012 ....
وتواجهني بعض الشغلات والمشاكل الي ما أدري هل هي مشكلة من الأساس والا لا .. وهذا بسبب إن ما ركبت أكورد قبل كذا ...!!
أنا أعاني من صوت الهواء المزعج وأنا أمشي بالسيار وخصوصاً بالخط وأنا مسافر ..!!
فهل هذا يعني بسبب تنسيم الهواء ...؟
وهل ممكن يضبطونها لي الوكالة في صيانة الــ 5000..؟
وعندي بعد أصوات الأبواب مسوية لي موسيقى بالسيارة ....!!
وعزم السيارة من الصفر الى الــ 60 جداً تعبان عندي .... ماتقوم بسرعة وتحن المكينة لين الــ 60 تقريباً وبعدها تصير تقوم بسرعة ....!!
قارنتها بالكامري ماشاء الله الكامري من أول دعسة تقوم عكس الأكور ...
فــ ماَ أدري هل هي مشكلة عندي والا هي كذا الأكورد ...؟
وعندي استفسار بخصوص صيانة الــ 5000
الحين انا يوم اني رحت للصيانة المجانية للـ 1000 كيلو ما كلمتهم عن هذي المشاكل ماكانت ألاحظها ...!!
بس كلمتهم عن الحذفه لليسار .... وقال المهندس يضبطون الهواء الي بالكفرات الأربع لــ 32 وتروح الحذفه .... وللأسف طلعت من الوكالة على اساس أنها ضبطت ولكن في النهاية طلعت ليست الاَ مجرد تصريفة من الوكالة لاَ أكثر ....
طيب الحين بخصوص صيانة الــ 5000 ياخذون على فلوس على تصليح هذه المشاكل .... الي هي منهم أساساً من يوم أخذتها والاَ يتحملون مسؤوليتها ....؟
وشكراً
انا لسه ما أستلمت السيارة . لي الآن اسبوعين وما أخذت السيارة : ابي رأيكم يا أخوان ابطل اخذ السيارة؟ علماً بأني دفعت الدفعة 7 الآف ريال . وقال الموضف اللوحات صدرت يمكن الإستمارة تكون يوم الأثنين الموافق 28 /3 السيارة نظام تأجير.
في حال رفضت استلم السيارة يرجعون فلوسي. لأني ماخذها عن طريق البنك الأهلي.
هذه كلها مشاكل في الهوندا افيدوني قبل أن اتورط القرار يعتمد على تقرير الأخوة
الرجاء الرد بسرعه :
إذا الأخوان نصحوني ما استلم السيارة : كيف ترجع فلوسي؟
بخصوص الحذفه بيرسلونك لميشلان ولا يمكن يقولون لك ضبطنا ضغط الهواء 32
وبيقولون نبدلها x وتروح الحذفه
المصيبه لما كانت حذفة السياره قويه بالاول الفني الداج ( محمد علي ) يقولون فين هزا حزفه !! اقوله فك الطاره وتشوف :confused:
اخرتها رجعنا الوكاله طلبت فني ثاني فلبيني وللامانه ممتاز لاحظ العله ورجعت للوكاله ودخلت السياره عندهم
بلغتهم بمشاكل السياره من حذفه وتنسيم هواء وقرقعه بالشنطه
لما جيت استلمها قالوا اوك السياره ضبطناها واحلف بالله انهم ماضبطو مشكلة تنسيم الهواء
ولاحتى فكو ديكور الباب لان الباب عليه تنجيده ولزقات يعني اقل شي كانت انشالت ولاتبان انها مفكوكه !!
وبالنسبه لا اصوات الشنطه لما فتحت الشنطه حصلت ورقتين دعاسات اللي لما يسوق موترك الفني يحطها
قالك مايبي الارضيه تتسخ جعل رجليهم للشلل وعلى باله انه مربطها
وبالواقع صوت قرقعه الشنطه مو ثابت يروح ويرجع واحيانا تسمعه وبعدها يختفي نهائيا
وهذا ماحصل معي اول مااخذت السياره واقص ذراعي انه ماحتى فك وربط بالشنطه
لانها موقفه عندهم من امس وثاني يوم الساعه 8 السياره اشوفها داخل واقفه وماغير يرفع وينزلها ويضبط الوزنيه
قالك بينهون مشكلة الحذفه يعني بالعقل متى ضبطو مشكلة تنسيم الهواء وقرقعه الشنطه !!
خليت الفني يطلع يجرب السياره ويرجع ثانيه يرفعونها وينزلونها وعلى هالحال
قلت للسوداني احمد شوف لو رجعت الحذفه راح ارجع لك قال لا كيف صلحوها خلاص قلت اوك ومشيت من عندهم
والله ماانكر خفت الحذفه لكن رجعت وزاد الطين بله الطاره فيه رجه الان واضحه
لما اوصل 100 الى 110 ترج الطاره واضحه قدام عينك
يعني بالله وش ترجون من هالوكاله ومانقول لكم اذا عندكم مشاكل لاتروحون
الا انشبو لهم وحنا بالنهايه ماحنا خسرانين شي دام الضمان يشملها
اما مسئلة احطها عندهم وبعد فتره ترجع المشاكل فيها هذا اسمه استخفاف وضحك على الدقون ونصب عيني عينك
يعني مسئلة اصلحها على حسابي ليه وبأي منطق ووش فايدة الوكاله هنا !! :confused:
مايمنع اتردد عليهم مره ومرتين وعشر لين تنتهي مشكلتي وان مانفع ابلغ المسئولين
واكلمهم اما رايح جاي واخرتها لافايده ولانتيجه هنا قمة القهر والظلم والغبنه !!
واللي يقول دامها نظام تأجير رجعها لهم من يقول مارحت للشركه اوتو ستار وبلغتهم مشكلتي
ووصلت بعد لشركة اليسر وقلت ابستبدلها قالو لابد تكمل 6 شهور بعدها تقبلها
قلت ماابيها ودفعتي متنازل عنها قالو شف واحد يتقبلها ويدفع اقساط 6 شهور يعني 11400 ولا يكيشها :eek:
اعلنت عنها بموقع وعرضتها للتقبيل وجيتهم ومعاي شخص بيتقبلها وبيدفع نشفو دمنا قالوا جهز اوراقك ( المشتري )
ونرفع الطلب ولما تجي الموافقه يسدد المبلغ المطلوب غير مبلغ التنازل 1200 ريال الرجال صامل وجاد ويبيها
جهزنا اوراقه وجيتهم بنفسي اليوم الثاني على اساس اقدمها قالو لابد مايدفع حاليا
اقساط ستة شهور وقيمة التنازل وممكن يدفعونه قسطين زياده !!
قلت امس مابلغتوني بالشي واليوم طالع قرار جديد
اثاري الدعوه الله يسلمكم استقعاد مالنا خلق نتعامل مع عميل جديد وندخل في دوشه
وماحنا مستفيدين لو مشيناك نكسب زبون وعميل جديد وخله ياخذ جديده !! نظام يهود وربي
طيب انا ماابيها وماطالبتكم بدفعتي 10500 ريال
جايين الان تستقعدون يعني تطفيش وربي وقرف :confused:
طيب انا ان رميتها عليهم ماخلصت وبتوقف عندهم وبيطالبوني بااقساطها
وان جيتهم بعد ستة شهور برضو بيطالبوني بالكيلومترات اللي مشتها السياره
يعني كان من الاولى احسبو قيمة الكيلومترات اللي مشتها السياره ورجعو لي باقي دفعتي
لا دامك دفعت مايرجع لك شي طيب ليه تدفعون الرجال 6 اقساط
قالك نبي نضمن جديه المشتري عشان لو استخدم السياره شهر شهرين
ورماها علينا حنا الخسرانيين فنلزمه بالدفعه ويكون مقيد ومايقدر يردها !!
يعني بالله وش باقي اكثر من كذا قهر وظلم
اولع فيها مثلا الزقها بجدار عشان تكون تالفه يااخي عندنا نظام يهودي بمعنى الكلمه
نتعب وحنا نكتب نتعب وحنا نتكلم ولاحياة لمن تنادي !! وياقلب لاتحزن !!
أنا رحت للوكالة بخصوص الحذفة وقال لي نسويها لك بــ 120 ريال ....!!
قلت له وليش الـ 120 ريال...؟
قال لي عشان وزن أذرعة ....!!
قلت له والله ما دفعت ولا ريال ونشبت لهم نشبه ..... صحيح إنهم عطلوني بسبب النشبه لكن سويت الي براسي ....... وفي النهايه عطوني موعد والصباح الساعة 7 بوديها إن شاء الله وبستلمها بالليل ....!
أما التنسيم قابلني مصري يقول لي هذا طبيعي بكل السيارات ....!!
ويقول لي لو تبي نشد لك ع الأبوب عشان يخف التنسيم براحتك ....!
قلت له طيب وش الي راح يصير غير أن يخف التنسيم بعد الشد ع الأبواب ...؟
قال لي راح تصير أبوابك مثل الددسن في الفتح والتسكير ....:eek:
بالله عليكم هذا كلام ...؟
اقتباس:
المشاركة الأصلية كتبت بواسطة أصل العرب
لا بعد طلعت الحين بــ 216 على كلام المهندس الي قابلته أمس يقول لي غلطان الي قال لك 120 لازم تدفع 216 ...... :d
قلت له عاد هي 120 والا 216 .. خلاصة الكلام إن ما راح أدفع ولا ريال وبتصلحونها ....:mad:
وهذا الي بيصير إن شاء الله
اقتباس:
المشاركة الأصلية كتبت بواسطة أصل العرب
كفو يابعدي :cool:
يامالنا من التلاعب والاحتيال والنصب واللطعات
ريال واحد يندفع حرام بهالوكاله الخايسه
وكان الله في العون
روح سفل فيهم افضل حل :) لاانها ما مشت 1000 كيلو وطلع فيها كل هذا
ازودك من الشعر بيت من اخذتها وكاله وهذي عيوبها
والله يستر من السياره الجديده ماتكون بنفس العيوب بعد
النفس بالحيل طيبه على هالوكاله الخايسه
عالعموم ابشرك قبلناها والبيعه خلال هاليومين والله يتمم على خير
لآهنت على مرورك يابعدي