ارتفعت الحرارة

**المهذب0** · 03-02-2012, 11:32 PM

السلام عليكم
ياشباب ولعت لمبة برتقالية ومشيت عليها 60 كم وبعد 60 كم فجأة طفت السيارة وماتشتغل ولقيت الحرارة مرتفعة للأخير شكل الحرارة ارتفعت لما ولعت اللمبة البرتقالية وماانتبهت لها

وش المشكلة وهل المكينة خبطت

وكم تكلفة المكينة

كوورد 2003 4 سلندر

**alkasr777** · 04-02-2012, 12:10 AM

أتوقع رأس الماكينة لأنك مشيت على السيارة و هي مرتفعة حرارتها

بس ما تحتاج تغير الماكينة كل اللي تحتاجه تغير الراس فقط لكن ما أعرف التكلفة بس أتوقع فوق 3000

و الله يعينك على تصليحها :(

**هاي الشرقية** · 04-02-2012, 07:29 AM

اوف وش الي تغيير مكينة انت شيك عليها كمبيوتر وان شاء الله ماتحتاج بس ياليتك وقفت وقت مارتفعت الحرارة عشان تحمي الراس

**B Useful** · 04-02-2012, 08:26 AM

بيبان معك قريباً وش المشكلة ..
اللي سبق وصار معي ان اللمبة ما ولعت لكن الحرارة ارتفعت ومادريت عنها ومدري كم كيلو مشيت 5 كيلو ولا 30 كيلو او كم خذيت وقت امشي 5 دقايق ولا ثلث ساعة ,,
المهم يوم اكتشفت ان الحرارة مرتفعة وقفت على جنب وطلع الرديتر ما فية موية ابد ..
واعبية موية وقعدت وقت لين اشتغلت السيارة ..
اليوم الثاني عند الورشة الدخان الابيض يطلع من الشكمان وتوفيت المكينة قبل وصولي الورشة بعشر امتار ..

طبعاً يا تغير المكسنة يا توضب ..

اذا بتغير المكينة رح اخترها بنفسك من سيارة منقلبة ولا مصدومة من ورا من التشليح , لا تخلي راعي الورشة يجيبها لك ابد ..

الله يعينك شف وش يصير معك .. والله يعوضك خير ...

**جاكي2** · 04-02-2012, 05:38 PM

اللمبه البرتقاليه هل هي لمبه المكينه

لانها ممكن ولعت بسبب حساس حراره موية الرديتر لان الحراره وصلت قريب الفل وانت مانتبهت

لكن انت شيك على الموية حقت الرديتر اذاكانت ناقصه عبيها طبعا والسياره بارده
انتبه تعبي مويه اذا طفيت السياره لانه ممكن يكسر الراس عندك وتخرب المكينه

وشغل السياره وان شا ءالله تكون بسيطه وماتاثر على المكينه

وشيك على بلف الحراره كمان ممكن يكون قافل وسبب هالمشكله