البنزين 87 او 91 او 95. الحل بنصيحه المصنع

[2aziz]

السلام عليكم ورحمه الله وبركاته


يا شباب ادري موضوع مكرر بس كثر اللي يسالون واللي يتفلسفون يحيرون خاصه بدون اثبات.

من الاخير افتح كتلوج او تعليمات الركبه اللي مخليه بالدرج بدون سنع وبتلقى الجواب :p

اولا من ناحية التوثيق والنصائح المصنع:
كتاب التعليمات ينصح باستخدام بانزين اوكتين 87 واعلى ركزوا على كلمة واعلى يعني 91 و 95 نفس بعض سيم سيم
اللي يفرقهم احساسك عزيزي قائد المركبه احس عزم, احس اخف, احس اي شي.....مساله نفسيه مو اكثر ;)


نجي للواقع التجربه على اكورد 2009:
عبيت مرتين لين اشتغلت اللمبه 95 مشاني 583
عبيت مرتين لين اشتغلت اللمبه 91 مشاني 583

نفس الاستخدام

الزبده: انصحك تعرف ماهو الاوكتين وسبب اختلاف نسبه في البانزين
وتقراء كتيب التعليمات المحذوف في درج سيارتك


صوره من كتاب التعليمات (للي ماله خلق يدور)

[nasser1430]

بغض النظر عن البنزين ومناسبته من عدمها ... موترك إذا أنت معبيه بنزين فل ... يمشيك أكثر من اللي أنت كاتبه

لأن موديل موترك ماشاء الله تبارك الله يعتبر جديد ... المفروض يمشيك أكثر من كذا يعني بحدود 670 كيلو وأكثر بعد

إلا إذا أنت تدعس على موترك هذا شيء ثاني ... تقبل مروري ودمت بود .

[.AcCoRd]

ماشاء الله 583
ولا 670
لو يمشيني البنزين كذا وهو يعدم المكينه ما عندي مشاكل ^_^

[هوندانا]

ماشاء الله 583
ولا 670
لو يمشيني البنزين كذا وهو يعدم المكينه ما عندي مشاكل ^_^

في الاجواء المعتدلة الي ما تحتاج مكيف ممكن يمشيك 91 = 800 كيلو وزيادة خصوصا في الخطوط الطويلة وإذا كان الطريق دحدره ممكن تمشيك اكثر

[هوندانا]

الفرق بين 91 و 95 لسيارات 4 سلندر بسيط لكن الفرق يكون واضح في سيارات 8 سلندر ذات الدفع الرباعي يكون ملحوظ جدا الفرق ،،

لكن يظل 95 افضل للسيارة واهدى صوت ويلوث البيئة اكثر من 91

[هوندانا]

ارقام الاوكتان على ما اعتقد انها تختلف من دولة لاخرى على ما اعتقد 85 يساوي 91 يعني حاجة زي كذا

[meshoo]

وعليكم السلام

انا استخدمت 91 سنتين

والان 95 قربت للسنتين

يفرق معي بقوة الانطلاق لصالح 95 !

[جاكي2]

عن نفسي اعبي بنزين 95 ممكن نفسيا افضل بس العزم والانطلاق ماعمري عانيت منه ابدااااا

وغريبه أكورد 2009 ويمشيك الفل 583
عندي صوره لسيارتي ماشااء الله
ماشي عليها 500 كم وكان عداد البنزين على المنتصف
يعني
يمشي حول 800 كم واكثر
انصحك تشيك على فلتر البنزين

[هوندانا]

نجي للواقع التجربه على اكورد 2009:
عبيت مرتين لين اشتغلت اللمبه 95 مشاني 583
عبيت مرتين لين اشتغلت اللمبه 91 مشاني 583

شوف الفرق اكيد فيه فرق لكن ماراح يبان الفرق الا بعد عدة مرات تعئبة ممكن بعد 5 - 6 مرات راح تحس بالفرق مو من اول تعبئة راح تحس بالفرق ( كذالك نظافة وجودة البنزين الي عبيت منه في المحطة يفرق نوعا ما )

[أكـورد 2009]

المواضيع إللي زي هذي ما تطلع بنتيجة عشان جدي كل واحد يعبي البنزين إللي يعجبه :p