الموضوع: بالله افيدونى راس الماكينة

مدامك تقول السيارة مشت والحرارة طبيعية خلاص اجل ريح بالك ولا عليها شر

طب رايك افحص السيارة كمبيوتر ولا افتكنى منه
والف شكر على الاهتمام اخوى

شوف انت الفاحص الاول يعني وانت ماشي تابع الحرارة لمدة ثلاثة ايام فاذا كانت الحرارة طبيعية معناها السيارة اوكية ولايحتاج توسوس واذا زادت الحرارة انصحك بالفحص حينها بس مااتوقع ترتفع من واقع خبرة مع تحيات العضو الفعال بالمنتدي هاي الشرقية

الله يباركلك يارب

شيك عليها عند كذا ورشة عشان تتأكد

شغل السياره وخليها شوي لين ترتفع الحراره الطبيعيه
وبعد كذا فك غطا الرديتر بحذر
وراقب فتحه غطا الرديتر اذا كان ناقص زوده مويه مقطره وانتظر شوي
اذا لقيت فقاعات هواء تخرج من فتحه موية الرديتر والمويه كامله فمعناه ان عندك الراس في تنسيم
واذا مافي اي شي والمويه طبيعيه بدون فقاعات فالراس عندك سليم وماتخاف من شي

بس تاكد من القربه الاحتطياطية فيها مويه وتاكد ان اللي الذي داخل القربه موصل بغطا القربه

حبيب قلبي انا صارت لي هـ المشكلة قبل شهرين واستمرت معي شهرين
وديتها عند يمني هنا في أبها وغير لي رظاس الرديتر وقال خلاص روح
فجأة تنكب موية الرديتر وترتفع الحرارة رجعتها له قال لي راس ماكينة وتكلفك 1800
ما صدقته لأن السيارة محافظ عليها ومرتين بس ارتفعت الحرارة , قلت والله مو أنت اللي تتفلسف
رحت عند محل ثاني ... قال هذولا كذابين كل ماجاهم ناس قال راس ماكينة عشان يكسبون من 1500 وانت طالع

قال لي روح اشتر رديتر تايواني بعد الوكالة ع طول من قطع الغيار اللي برى
قلت طيب ورحت شريتها بـ 290 ريال فقط :d علما أن رديتر الوكالة 2800ريال
والحمد لله معي زي العسل أسافر وأروح و زي العسل
صح أول يومين نقص الرديتر وأعبيه بس لأنه جديد وبعدها مشى حالي
وخذ بـ أقل الخسائر ركب رديتر جديد تايواني وجرررب حالك
احسن ما تلعب في راس المااكينة