تغيير لون السياره

[dhomovic]

شباب انا سيارتي اكورد 2012 ابيض ناصع
ومن كثر م اشوف اكوردات سودا وبنيه ' كرهت سيارتي ولونها ،،
ف ابي اغير لونها ، اقدر اغيرها بالوكاله ؟
ولا تنصحوني بالتجليد او المطفي ؟

واذا اقدر عند الوكاله ، كم بيكلفني ؟

المطفي او التجليد بكم ووين اقدر احصل افضل محل ؟

تكفون ي اللي مجربين شاركوا

[almmis]

أخوي يا ليت تعلمنا بموقعك عشان ندلك على محلات جيدة ..

[ماجد .]

انصحك بالتجليد

[B Useful]

الاسود والبني الوان فخمه ،،

لكن الوعد بالصيف اذا دوامك مافية مواقف مظلله وبيتكم مافية قراج .. والله ان تخيس من الحرررر ، الالوان الغامقة تمتص الحرارة بشكل رهيب حتى المكيف مايزبن ..

غير كذا يبيلة اهتماااام ... اي غبار على طول بيوضح في السيارة ، البصمات وايادي الاطفال ، اي حكة والدوائر من الغسيل في المغاسل كلها تبان بشكل واضح في الالوان الغامقة ..

لكنها تضل الوان فخمة تبين جاذبية السيارة ..


اللون الابيض مرغوب كثير وقت البيع لأنة مناسب للأجواء ... وبيني وبينك ماحبيتة لأنة يهمش تفاصيل السيارة وزي منت شايف (وش لون التكاسي ) خخخ :d

عموماً لاتخلي شي بخاطرك ... التجليد وريح مخك ولا ترش بوية وتتوهق بعدين ... لكن حط في بالك شغلات المرور ان وقفوك واللون في الاستمارة ابيض وانت مجلد السيارة اسود .. الى الحجز على طووووول ولا فيها تفاهم ابداً ،، <<< يعني غير اللون في الاستمارة اول اذا بتطول في التجليدة .

بما اننا مقبلين على الصيف خل الموتر ابيض
ان جا قبل الشتا الجاي سو التجليدة وضبط الاستمارة

[dhomovic]

جزاك الله خير عع النصيحه ي b iseful

لكن الحر ماهي ب مشكله .. نقدر نتفادها بقراج او ماشابه ذلك .. =d المشكله اني نفست من اللون وربي كاني تكسي




وانا من الشرقيه ' يعني ابي محل ف الشرقية تجليده ممتاز ،
والاستماره ان شاء الله بنعدلها دام فيها حجز ..

[almmis]

عندك محل في شارع الملك سعود بالدمام .. عند الاشارة الثالثة على اليمين .. ما اذكر اسم المحل بالضبط بس اذكر انه فيه كلمة توب .. وتجليدة ممتاز ومضمون ويعطيك ضمان سنه

[خفيف روح]

شباب انا سيارتي اكورد 2012 ابيض ناصع
ومن كثر م اشوف اكوردات سودا وبنيه ' كرهت سيارتي ولونها ،،
ف ابي اغير لونها ، اقدر اغيرها بالوكاله ؟
ولا تنصحوني بالتجليد او المطفي ؟

واذا اقدر عند الوكاله ، كم بيكلفني ؟

المطفي او التجليد بكم ووين اقدر احصل افضل محل ؟

تكفون ي اللي مجربين شاركوا

سلام عليكم
هاذ رقم محل في الخبر في العقربيه رقمه 0535550033
طبعن يرشلك سياره لون طافي وفي اي وقت تبي تشيله روحله ويشيله لك اذكر سعره 1800 سياره كامله

[ss4rakan]

جلدها أحمر مطفي أو موف وربي يطلع عليها كلااام ,, وتصير سيارتك مافي اختها في السعودية ;)


تقبل مروري ...