help me ---- ساعدوني يا اهل الخبره قبل لا ابيع سيارتي !!

**The Godfather** · 23-10-2007, 12:11 AM

بصراحه انا لي سنه و انا اعاني
و عانيت المشكله بسيارتين من نوع اكورد
و المشكله هاذي اشوفها منتشره بكثره بالاوساط الاكورديه

سويت بحث بالمنتدى و طلعت معاي بس حبيت اني اخلي لها موضوع منفصل علشان نشوف شنو المشكله بالضبط لان باقي المواضيع صارت دردشه فاضيه

المشكله :
السياره تمشي طبيعي و تدوس طبيعي
بس اول ما اعدي 120 و بعدها اهدي السرعه (اضغط بريك )
يعني اول ما اضغط بريك على سرعات عاليه يرج السكان(الدركسون ) رج مبرح
يعني اذا انا لابس ساعه بيدي من كثر الاهتزاز تسمع حلقات الساعه المعدنيه تطلع صوت
لو اني ماسك بيدي لبن و مع الرج اللي يطلع بيصير اللبن روب
صادفتني المشكله على سيارتي السابقه و راحت السياره قبل لا اعالجها
و اول ما شريت السياره اللي معاي كانت ماشيه 20 الف و كان فيها نفس المشكله و وديتها الوكاله و قالو لي لا تخاف و بدلو الفحمات مع عده اشياء على الضمان بس رفضو يقولون لي المشكله بالضبط و لا شنو اللي يسببها

اللحين سيارتي وصلت 26 الف و رجعت المشكله مره ثانيه مع العلم ان السياره دخلت سيرفس ال 25 الف و ما كان فيها اي مشكله

يا شباب شنو المشكله ؟ و ليش ما يرج الدركسون الا لما اكون معدي ال 120 و اضغط على البريك ؟
شنو الشي اللي يسبب المشكله علشان نتفاداه اذا نقدر
و ياريت تفيدوني بالمشكله خلال هذا الاسبوع لاني زهقت و شكلي ببيع سيارتي قبل لا تنزل الـ2008 و تقل الاسعار اكثر !!
و ارجوكم ابي كلام مفيد و لحد يقولي روح اشأل الوكاله لانهم مو راضين يقولون شنو المشكله و كل مبدأهم تعال بدل و ياخوفي ينتهي الضمان و تطلع مره ثانيه المشكله و تعال بدل على حسابك !! و اذا اهي عيب مصنعي ... ترا براسي شر و ماراح اطلع من عندهم الا بسياره جديده على حسابهم !!

**شاطى الحرمان** · 23-10-2007, 12:23 AM

اقول لاتستعجل وتبيع المشكله يمكن من الكفرات روح عند اقرب بنشري وسوي للكفرات ترصيص وان شاء تروح المشكله

**The Stig** · 23-10-2007, 12:23 AM

اهلا معشي الجن بالشكل الجديد :d

انا اتوقع انه المشكله اللي عندك صارت عندي ,,,
المهم انت دخل السيارة الوكاله ... وبدلو لك الفحمات بس ,,, ليش لانها ارخص ومايبون يغيرو اصل المشكله ,,,

للاسف هذا اللي يصير في الوكاله ,,, يخرطو الهوبات ( الديسك بريك ) ومايغيرونها ,,,
فتره مع الزمن وترجع مثل ماكانت ’’

الحل الوحيد انك توقف على راسهم في الوكاله ويغيرون لك الهوبات مثل ماقلنا وانا اشتري سيارتك اذا طلع فيها الصوت مره ثانيه :d
للعلم هذا اللي صار معي بالضبط في سيارتي اكورد 2006
تحياتي

**The Godfather** · 23-10-2007, 12:24 AM

مو من الكفرات و انا متأكد
و اذا على الترصيص ترا ما صار له اسبوع و كان ترصيص بالكمبيوتر و عند احسن محل بالكويت
-------------------------------------------------------------------------------------

عاشق يرحم والديك كمل معروفك و قول لي شنو هي الهوبات بالضبط و يفضل صوره
لان انتو تسمونها هوبات و ابالكويت نسميهاشي ثاني
خلني اتاكد بس قولي شنو هي الهوبات ؟
وشنو سبب المشكله ؟ الهوبات شفيهم ؟

و للعلم المشكله مو صووووووووووووووووت ................ رج بالدكسون عند ضغط البرك عند السرعات العاليه

و فكرة الوالد اني ابيعها قبل لا تنزل الـ 2008 و يطيح سعرها

**يامطنش** · 23-10-2007, 12:27 AM

هاذي ونا اخوك الهوبات يسير فيها اعوجاج يعني مع الفرامل ترج لازم خرط هوبات واذا احتاج الوضع تغير فحمات تتسب المشكله ذي لمن تستخدم الفرامل واجد ويكون الهوب ساخن مره
وفجه يجي في ماء
ذي عنيت منها وحليتها كذا

**The Stig** · 23-10-2007, 12:31 AM

المشاركة الأصلية كتبت بواسطة BLACK_ACCORD

مو من الكفرات و انا متأكد
و اذا على الترصيص ترا ما صار له اسبوع و كان ترصيص بالكمبيوتر و عند احسن محل بالكويت
-------------------------------------------------------------------------------------

عاشق يرحم والديك كمل معروفك و قول لي شنو هي الهوبات بالضبط و يفضل صوره
لان انتو تسمونها هوبات و ابالكويت نسميهاشي ثاني
خلني اتاكد بس قولي شنو هي الهوبات ؟
وشنو سبب المشكله ؟ الهوبات شفيهم ؟

و للعلم المشكله مو صووووووووووووووووت ................ رج بالدكسون عند ضغط البرك عند السرعات العاليه

و فكرة الوالد اني ابيعها قبل لا تنزل الـ 2008 و يطيح سعرها

معشي الجن انت ووجهك ,, الاسعار نزلت بالكويت وخلاص :d

كم بتبيعها ب 40 الف مثلا ,,,

المهم ,,,
الهبات هم الديسك بريك مثل ماقلت لك ,,, Disk Break
شوف يالغالي اذا مافهمت ,,,
القماشات لما تضغط بريك يضغطو على حاجه دائريه وتوقف السيارة ,,,
طلع على الكفر حقك ,, شوف الشي الدائري اللي ورا القماشات ,, وهذا هو ,,,
اما الصور انتظر الهادف يفيدك:d

انا متأكد من المشكله ميه في الميه ,, واقول صارت لي ,,, واذا تبي تتأكد امشي 140 واضغط بريك ,,, مو بس تهتز ,,, يمكن يجيك خلل عقلي :d

**The Godfather** · 23-10-2007, 12:37 AM

^^^^^^^^^^^^^^^^^^^^^^^^^^^
انا معاك الخلل العقلي يجيني و يجي حق الراكب اللي جمبي اللي اليوم خاف على نفسه و يقولي سيارتك مو امان ايد

اللحين عرفت قصدك بالهوبات
بالنسبه للحراره ممكن للاني ادوس فيها فوق 160 دايما
بس سالفة مويه مستحييييييييييييييييييييييييييل
انا ما اقرب من الماي ابد

بس المهم اني عرفت المشكله و بخليهم يبدلونها كااااااااااااااااااااااامله و لا خرط و لا حاجه
و باشوف ان شاء الله

و الله اليوم انواع الخلل العقلي يوم خويي شاف الاهتزاز فكر ان الكفر راح و احان كنا دايسين 140
يقول لي : رحنااااااااااااااااااااااااااااااااااااااااااااااا اااااا و هو يصارخ
اخ لو مصوه

يا شباب اللي عنده راي ثاني يقوله علشان نتأكد منه بعد

**The Stig** · 23-10-2007, 12:41 AM

شفت اني فاهم يالجني

تراني وقفت لهم على سيارتي في صيانه 30 الف وغيروها وغيرو معاهم القماشات مجانا !
كل شي بالهداوة يجي

تحياتي !!

**ل م س 3 3 4** · 23-10-2007, 01:34 PM

قد صارت لي هالمشكله ،،،اخوي غير فحمات السياره واخرط الهوبات ،،،وان شاء الله راح تضبط الامور (((وتأكد من كفراتك))

**عبد الله** · 23-10-2007, 01:44 PM

نفس الحركه صارت معي ورحت للوكاله

وغيرو لي الهوبات ورجعت نفس المشكله بعد فتره

المهم رحت وغيرت الفحمات وسويت خرط للهوبات والحمد لله راحت الرجه

بس بعض الاحيان احس انها ترجع علي خفيف جدا جدا مدري وسوسه

والا صحيح

**$$الدولار$$** · 23-10-2007, 03:56 PM

اغلب السيارات الجديدة تجي فيها الرجة بعد فترة وتروح بعد تغير الفحمات والخرط..

يعني هذا مؤشر اولى انه الفحمات استهلك عمرها ويبيلها تشييك وكل مازات الرجه قل عمر الفحمات (علاقة عكسية) فيزياء:d

وهذا من تجربة على اكثر من ثلاث سيارات من شركات مختلفة( ياباني

,امريكي,امريكي:p)

**B Unique** · 23-10-2007, 05:32 PM

عقيل المشكلة هذي جننتني في الاكورد واغلب الناس يشتكون منها

وهذا اللي يخليني اجزم انها بسبب عيب مصنعي . بس الوكالة ماهم راضين يفصحون عنه عشان يستفيدون من القطع بحكم ان قطع الفرامل تعتبر استهلاكية او لان المشكلة كبيرة وبتكلفهم اذا حاولوا يحلونها

طبعاً انا خرطت الهوبات (الديسكات) حقت بلدها ثلاث مرات في الوكالة وكل مرة مع تغيير الفحمات وللاسف المشكلة ما راحت ومازلت احس بالرجة وقت الفرملة على السرعات العالية

بعدها غيرت الهوبات وخرطتها مرتين مع تغيير الفحمات واللحين مازلت اعاني من نفس المشكلة اللي جابت لي القلق !!

بحكم ان المشكلة هذي اتعبتني وبعد كل فترة ترجع لي عندي استنتاج :

الفحمات الامامية حقت الاكورد فيها زي قطع النحاس مخلوطه مع الكاربون اللي مصنوعه منه الفحمات . ودايماً اشوف آثار النحاس هذا على الهوبات . المشكلة اللي نعاني منها هنا واللي هي سبب الرجة الرئيسي هي الحرارة !! ولو ان الهوبات ما تسخن كان ما صار فيه رجه او اصوات . اللحين اتوقع ان الحرارة سببها النحاس اللي يجي في فحمات الوكالة وحلها ممكن يكون في اننا نغير الى الفحمات التجارية اللي تجي كلها كربون .. والحل هذا ناوي اجربه قريباً وان شاء الله بأرد لك خبر بالمستجدات

كلام واجد صح ؟!

:d

اهم شي تكون وصلت لك الفكرة
وان شاء الله يكون استنتاجي صحيح عشان نفتك من ذا المشكلة الازلية

**The Godfather** · 23-10-2007, 06:45 PM

جرب و قول لنا
و انا رحت الوكاله اليوم بس كان زحمه و كنت برجع البيت مستعجل فخليتهم لبعد يومين و ارجع لهم

اذا كان الحل بالتجاري مو مشكله
نبدل فحمات تجاري بين فتره و فتره احسن ما نبدل هوبات و نخرطهم

**a_ya7ya** · 23-10-2007, 08:13 PM

السلام عليكم
يا شباب المشكلة كلللللللها في الهوبات العيب الوحيد في الاكورد من 2003 الى 2007
هذا الله يسلمكم نفس المشكلة عندي مع اني غير الهوبات مرة وغير الفحمات ونفس المشكلة.
يعني ان المشكلة من تصنيع الهوبات... يعني الهوبات رديئة الصنع ماتتحمل الحرارة العالية... اذا ارتفعت حرارة الهوب خلال عملية الفرملة (شي طبيعي) لازم يتحمل هالحرارة..واذا لم يتحملها يؤدي الى الارتجاج والصوت الي يخرج من خلال العملية.
تحياتي