الموضوع: تغيير زيت القير في الوكاله

هذي صورة لفلتر القير الخارجي حق الستة سلندر ...

ومنة فكر بعقلك شوي ، هل وظيفتة تنظيف القير من الشوائب ؟ ام (( قناه لافراغ الهواء من القير بوكس )) ...

والله الموفق ..

للمزيد من المعلومات : http://www.hondaarabia.com/club/t27272/

المشاركة الأصلية كتبت بواسطة abooody riyadh

مافيه فلتر .. فيه حاجة مثل المغناطيس هي اللي تجمع الشوائب وتقوم بالتصفية .. ومع كل مرة تغير زيت القير ينظفونه لك ..
حتى اذا بغيت تتأكد .. اذا جاء الموظف يغير زيت القير خله يوريك هالقطعة ..
يعني بإختصار .. مافيه فلتر خارجي

طيب هذا وش يطلع ؟ مغناطيس وردي مثلا :d ؟

طبعاً هذي الصورة للـ 6 سلندر



وهذي للـ 4 سلندر وغيرتها قريب والمشكلة انها حديد ويبيلها منشار عشان اطلع اللي داخلها :



للمزيد .. راجع كلام اللي جربو وشافو وغيروا وحسو بالفرق في الاداء ..

http://www.hondaarabia.com/club/t31295/

ايوه هذا اللي اقصده اللي بالصورة الثانية حقت الاربعة سلندر ..:d
قلت له غير الفلتر قالي مافيه فلتر .. هذا بدال الفلتر .. وجلس ينظفه ورجعه ..
ما اقتنعت بكلامه .. رحت للمهندس .. قالي صحيح هذا بس اللي يحتاج تنظيف ..
..
الزبدة انه هو اللي اقصده .. :d

المشاركة الأصلية كتبت بواسطة abooody riyadh

ايوه هذا اللي اقصده اللي بالصورة الثانية حقت الاربعة سلندر ..:d
قلت له غير الفلتر قالي مافيه فلتر .. هذا بدال الفلتر .. وجلس ينظفه ورجعه ..
ما اقتنعت بكلامه .. رحت للمهندس .. قالي صحيح هذا بس اللي يحتاج تنظيف ..
..
عااد يعني انا فكرته مثل المغناطيس مدري ليش .. :o
لا تواخذني على التشبيه ..
الزبدة انه هو اللي اقصده .. :d

ترا كلامك فية شي من الصحة عن ( المغناطيس ) .. لكن وين مكانة ووش السالفة ..

اقرا هالموضوع فية تفاصيل كافية ووافية عن تغيير فلتر القير الخارجي للأكورد 4 سلندر :

http://www.hondaarabia.com/club/t27104/

في الرد رقم 44 بتقرا سالفة المغناطيس .. اقرا كل الردود ... كل رد فية فائدة جديدة ( وما أوتيتم من العلم الا قليلا) .. وشف الرد رقم 58

المشاركة الأصلية كتبت بواسطة mohd_999

يأخوان حتى في كتاب السياره مافي نقطة تتكلم عن الفلتر مكتوب غير كل 60 الف بس

والله يا حبيبي كلن وقناعاتة , اتكلم هنا من تجربتي في تغييرة وحسيت بالفرق وتجارب الاعضاء واحط لك روابط تجربتهم , اكتب لك الشي وانا مقتنع 100% من تجربتي وما اجبرك انك تسوي مثلي او لا , لأنك حر في سيارتك وفي كل شي تسوية ..

كتاب الوكالة موب قرآن منزل عشان تمشي علية وتقر بكل اللي فية ..
موظفي الوكالة موب ملائكة عشان تشمي على كلامهم حرفياً ..

غيرك جرب وحس بفرق وشاف نتيجة ..

المشاركة الأصلية كتبت بواسطة nasser1430

وبالنسبة لي غيرته على قولك لأكورد حقت أخوي 2005 ... والحمد لله والمنه ... تمام التمام ، ولما شفنا القديم طلع منه زي ما ذكرت ( شوائب ، رواسب زيوت قديمة ، وبرادة حديد خفيفة جداً ، وسخ ) ، معناه إنه قام بدوره وما قصر .

لاحظ : قام بدورة وماقصر ومو محطوط عبث

لازلت اقول لكم اقروا هالموضوع يا امة اول مانزل عليها ( اقرأ) :

http://www.hondaarabia.com/club/t27104/

و اعطيك بعض الاقتباسات المهمة من الموضوع لأني داري ان الواحد ان شاف موضوع فية5 صفحات او اكثر انة ماراح يقراة كلة ويحاول يعرف المختصر المفيد :

طبعاً هذا الاقتباس قبل كل شي :

ملاحظة : الموضوع عبارة عن وجهة نظر شخصية والهدف هو نقل تجربتي وبحثي
لأعضاء المنتدى لتعم الفائدة للجميع....اقتناعك بالموضوع او عدم اقتناعك لا يعني
ضرورة تغيير الفلتر وكل واحد ادرى بسيارته .

هذي صورة توضح طريقة عمل فلتر القير ومرور الزيت داخلة :



من الرد رقم 11

انا فعلا غيرته قبل4شهور بعد توصيه من مهندس في مركز مايز ولاحظت فرق كبير جدا بعد ما كنت اشتكي من رجه بعد التعشيقة الاخير ه واختفت والحمد لله

الرد رقم 13

ما قول الا الله يجزيك الف خير على التوضيح وفي اعتقادي مافي فلتر في العالم يركب وماله فايدة او ما يتغير زي ما تقول شركة هوندا وغير كذا حتى لو تم تغيره وهوه ما يحتاج زي ما تقول شركة هوندا المبلغ مهو ذاك الي يهز الميزانية !!

الرد رقم 27

1- اداء الجير بعد تغيير الفلتر مختلف بشكل عالي ولا بنسبه بسيطه خصوصا بين التعشيقه الاولى والثانيه ؟

بشكل متوسط وملحوظ

2- هل الرجه على ال d كانت موجوده عندك واختفت او خفت بشكل ملحوظ بعد تغيير الفلتر ؟
الرجه موجوده قبل وبعد التغييرلايوجد فرق

3- صوت السياره عند التعشيقات انعم من الاول ولا غير ملحوظ؟

اشوفها انعم من السابق بشكل ملحوظ

الرد الجميل رقم 34

والمثل يقول اسأل مجرب ولاتسأل(وكالة)

الرد رقم 39:

لكن الموضوع عن الفلتر الخارجي واكثر موظفين الوكالة مايدرون عن السالفه وشركة هوندا تقول مايتغير !! وموضوع تغييره اجتهادات من مستخدمي سيارات هوندا والتجربه خير برهان

واضيف فية .. نعم التجربة خير برهان , هذا الموضوع والرابط السابق امامكم والصور قدامكم والتجربة منقولة لكم كماهي , التجربة خير برهان ..

المشاركة رقم 44:

الصراحة نبهتنا لشي مهم كانت شركة هوندا بكبرها غافلة عنه والدليل ان كتب الصيانة الخاصة بالاكورد 03 - 07 الاربعة والستة سلندر موجودة عندي ولي فترة اقرا فيها بس للحين ما لقيت فيها اي طاري لتغيير الفلتر . الصراحة مجهود وانجاز تشكر عليه حتى ولو كان بعضه مترجم وان شاء الله يكون تغيير الفلتر الخارجي هو الحل النهائي لمشاكل القير في سيارات هوندا عامة مو بس الاكورد ..

طبعاً الكثير كان يعتقد في السنين الماضية ان قير الهوندا اقوى قير على وجة المعمورة ... مع الاسف شوفو وش كثر المواضيع بالمنتدى عن مشاكل القير سواءاً كان محافظ او غير محافظ !! ابحثوا وشوفوا .. روحوا الورش المتخصصة واسألو .. ياكثر القيور المضروبة بسبب عدم الاهتمام او بسبب الخلل المصنعي ..

الرد رقم : 48

بيض الله وجهك ياذيبان
فعلاً فيه فرق لما غيرت الفلتر حسيت اداء القير افضل بكثيييييير .

الرد رقم 58 : فية الملاحظة بعد تغيير الفلتر بـ 3000 كيلو

الحين مشيت بالسياره بعد تغيير الفلتر تقريبا 3 الاف ... وكل يوم يزيد اقتناعي بضرورة
تغييره لاني لاحظت فرق بعد تغييره

اكون معاك واقعي شوي...الي سيارته ماشيه اقل من 100 الف او عمرها اقل من ثلاث سنوات مع المحافظه على تغيير الزيت في الفترات المذكوره في كتيب الصيانه مااضن يلاحظ فرق كبير ولكن مثل هذي المواضيع تظهر اعراضها على المدى الطويل

اقرب لك الفكرة ... فلتر زيت المكينة تعودنا نغيره مع كل تغيير زيت او مع كل تغييرتين
ولو ماغيرته لمسافة تزيد عن 30 الف بتلاحظ فرق كبير في العزم ونشاط السياره وممكن
لو اهملته توظب المكينة لاقدر الله في اقل من 150 الف كيلو مع ان العمر الافتراضي لمكينة
السياره اكثر من 500 الف كيلو مع المحافظة... فلتر القير نفس السالفه لو ماغيرته خلال
ثلاث تغييرات للزيت او اربع (المسافة هنا تختلف عن المكينة ) بتلاحظ فرق بسيط في
سلاسة واستجابة القير ومع الوقت تظهر لك المشاكل لكن بيدك تغيره وتتلافى كل المشاكل
ويعيش معك القير عمره الافتراضي الي المفروض يوصل 300 - 500 الف كيلو وممكن
اكثر على حسب الصيانة وطريقة القيادة .... اتمنى وصلت الفكرة

الرد رقم 61 : التغيير بنفس الشخص بدون مساعدة من ورشة او وكالة .

تم تغيير الفلتر على اكورد v6 موديل 2006
الشغلة اخذت مني نص ساعة تقريباً والتنقيل الحمدلله كل يوم في تحسن

الرد رقم 105:

تغييره بالنسبة لي مخلي الزيت احمر الى الان ولا رواسب ولا فيه اي نوع من انواع الترسبات
بالنسبة لي شفت اني اغيره كل تغييرة للزيت ولقيت نتائج خيالية والفضل لله ثم لك اخوي
للمعلومية حتى الفنيين في الوكالة ما كانوا يدرون عنه والبعض ما يدري عنه الى الان

ختاماً حبايبنا ..

هذي التجارب امامكم .. هذي التجربة خير برهان ..
اللي يبي يقعد على كلام الوكالة براحتة ..
اللي يبي يغيرة .. هذي تجارب الاعضاء قدامكم وتحسن الاداء ملحوظ ..

تمنياتي لكم جميعاً بقيادة امنة