طيب عادي انت عندك حدفة يسار
روح الوكالة وقلهم عليها ويصلحونها لك وهمه بقر
توو سيارتك جديدة ولا ركب معاك المهندس او اي احد من الصيانة وقلق شي عادي
اطلع للمدير وادا مانفع قلو بشتكي في الشركة الام وهوا يبوس رجولك ويصلحها :d حاقد عليهم انا:p
بسم الله الرحمن الرحيم
اخواني انا ملاحظ ان الطارة لما تلفها يمين شويات مع المشي شوي تلف يسار ويكون الدركسون مايل لليسار وتثبت
حتى لو ثبتت الدركسون سيدة , امشي شوي يلف يسار حاجة بسيطة ويثبت على كذا
( لا احد يقول من الشارع لاني جربتها بكذا شارع ونفس السالفة )
السيارة دوبها ماكملت الالف حتى ( ما شاء الله تبارك الله )
وش الحل هل في صيانة الالف يصلحونها لي ولا بيدفعوني قيمة الوزن ؟؟
علمني اني ما اكلت حفر او جفر يعني ماشي سيدة
ما ادري لكن كأني سمعت كأني سمعت ان السيارات الامريكية تجي فيها حذفة يسار بسيطة بسبب نظام شوراعم ((( ابي احد يتحقق لي من هـ المعلومة واكون له من الشاكرين )))
رأيكم يا شباب
طيب عادي انت عندك حدفة يسار
روح الوكالة وقلهم عليها ويصلحونها لك وهمه بقر
توو سيارتك جديدة ولا ركب معاك المهندس او اي احد من الصيانة وقلق شي عادي
اطلع للمدير وادا مانفع قلو بشتكي في الشركة الام وهوا يبوس رجولك ويصلحها :d حاقد عليهم انا:p
وعليكم السلام ورحمة الله وبركاته
نفس اللي عندي بس انا موديل 2011 لما اوزن الطاره وامسك الدركسون
تنحرف لليمين فلازم اميل الدركسون عشان السياره تمشي سيده
الوكاله رحتلهم عشرين مره والله مافيه فايده
الا العكس رجعوها لي اخص من اول ميلة الدركسون اقوى
حسبي الله ونعم الوكيل
مالك الا حلين يا تروح عند محل محترف يوزن الطاره
او انك تصبر على بلواك
أنا أشوف ان السيارة ما فيها مشكلة لأن الطاره لما تكون ماسكها ولا تحذف معناها الوضع تمام
و أتوقع ان المشكلة يا من الشارع أو من الهواء الخارجي يخليها تروح يسار
اخوي غريبه سيارة وكاله جديدة الله يديك خيرها وكفيك شرها وتحذف
لكن اخوي اتكد من وزن الكفرات ان شاء الله تكون منها
اذا مسكت الطارهـ وماتحذف معنتها مافيهـآ شي ،،
اما اذآ فلت الطآرهـ وحسيت انه تلف الطارهـ شيك على هواء الكفرات ،،
وبنسـبه لي الحذفه بسيطه ان شآء الله كلهـآ شد مسمآر وارخي مسمآر ،،
شوف اخوي انا معي 2012 وما شيه 5000
ولله الحمد الحذفه ما حسيت فيها الى شي بصيط لليسار
وهذا ما يقاس بالحذفه الي عندك ...
انا واجهت مشكله بصييطه اول ما طلعتها من الوكاله
رجه الطاره عند سرعه 110
ولما رحت للوكاله صيانه 1000 المجانيه
قلت لهم تجي عندي رجه في الطاره عند سرعه 110 وش السالفه
الكلام هذا قبل المغرب طبعا الاخ مصري
قالي الترصيص مهو موجود تعال الصباح قلت طيب
وعليها لين يومك ما رحت الوكاله ولله الحمد الرجه راحت من حالها
شوف اخوي بعطيك معلومه يمكن الي قاعد يصير لك من حرصك الزايد على السياره اناا مريت بهذا الوضع في البدايه لاكن خل واحد ثاني يجرب
ويسوق السياره وخله يقولك الوضع فيه حذفه ولا لا يمكن تكون بصيطه
بس في نظرك تكون قويه .
الحذفه مالها علاقه بنظام امريكا او اوروبا او اليابان ..
هذي موجوده في كل الموديلات السابقه وتعتبر من عيوب الاكورد المصنعيه
صدقني يالغالي سيارتك مافيها الا العافيه
وهدا شعور طبيعي لانك ماخد سياره جديده الله يعطيك خيرها ويكفيك شرها
وبطريقتك كدا تشك زياده تجيب العيد
للاسف الحذفه تجي فيها أحيانآ وهي حظ ونصيب بالنهايه
وديها الوكاله واطلب الفني يطلع معك يجربها
اذا كانت اللفه ملاحظه وواضحه هم يسوونها ويعدلونها
احتمال تحتاج وزن اذرعه او ترصيص كفرات
وديها مع اقرب تشييك وتنحل امورك بمشيئة الله
موفق اخوي
الحذفة من الوقوف الزايد للسيارة في المستودع... هذا السبب
وغصب عنهم راح يصلحونها في صيانة الالف كيلو بس انت قولهم عليها...
مواقع النشر (المفضلة)