ضربت رصيف .. والسياره جاء فيها طعجه من تحت

**dhomovic** · 11-03-2012, 06:56 PM

السلام عليكم ورحمة الله وبركاته

اليوم ضربت رصيف بالسياره وجاتها طعجه من تحت مثل ماهو واضح بالصوره ..

وبصراحه حاس ان منظر السياره مشوهه شوي ..
وابي اصلحها بس بدون سمكره ..

ف حبيت اسألكم , اقدر اصلحها بالشفط ؟

اذا كنت اقدر ي ليت تفيدوني بأسم ورشه شغله نظيف ويصلحها لي بأي طريقه اهم شي مايكون فيها سمكره ..

**أغـار يا هـوندا** · 11-03-2012, 07:46 PM

الشفط أكيد ان شاء الله يضبط معك , وبالتلميع نقول يارب تروح معك الخدوش

غير كذا خبرنا عن مدينتك , ومكان تواجدك
عشان ان شاء الله نفيدك بـأفضل الورش

**dhomovic** · 11-03-2012, 07:51 PM

للاسف ان الصبغة راحت ..

وانا من الشرقيه ' ومن الرياض ..

احيانا اكون هنا .. واحيانا هناك ..

**أغـار يا هـوندا** · 11-03-2012, 10:26 PM

طيب ان شاء الله اهل الرياض واهل الشرقية يفيدوك

ترى بعض الخدوش ينفع معها زي البوية كذا أو زي الجبس ينحط على موضع الخدش
وبحكم الخدش اسفل السيارة فما يضر استخدامها
أخوي قبل سنتين جاته كم خدشة عند الصدام تحت قريب من اللي عندك
ورحنا عند أقرب ورشة وحطوا لنا حاجة اتوقع انها (معجون) ابيض
ولين اليوم باقي فيها وما تقدر ابد ابد تلاحظ انه مختلف عن السيارة الا لمن تعرف مكان الخدشة وتقرب جدآ حتى تلاحظ

**تألمت بس تعلمت** · 11-03-2012, 10:51 PM

شف انا عندي نفس مشكلتك واقوى بعد وضبطتها بس بسمكره مالك الا هالحل اتوقع

وطريقتها انها تقص كامله من الكفر الى الكفر وتضرب بويه من جديد

بتكلفك حوالي 300 الى 400 ريال

ورجعت الامور تمام

**wise** · 12-03-2012, 09:23 AM

الله يعوضك يارب ويحرسك ويكفي سيارتك المخوش والخدوش والصدمات، اخوي اذا تعرف صناعية الأمير سلمان توجه لورشة اسمها(جودة الخليج) موقعها في آخر الصناعية بعد المسجد ع اليمين، ورشة ممتازة بس ال$ غالي شوي، شف ايش يقولون لك ورد لي خبر حبيبي.

**dhomovic** · 12-03-2012, 09:58 AM

يعطيگم العافيه ..

بس يا wise الصناعيه وين موجوده ؟ بالرياض !!
لاني ما اعرف شي بالرياض ، اذا كانت هناك ..

وانا بكرا ماشي الرياض ان شاء الله .. أبيك تقولي وين مكانها لاهنت

**أكـورد 2009** · 12-03-2012, 11:12 AM

أنا أشوف مكان الضربة عادي لو صار فيه رش وما راح يبين أبدا لو كان في ورشة محترمة وأنا صارت عندي نفس الضربة وعدلت مكان الضربة رش طبعا ولا يبين ولا أحد يدري

**dhomovic** · 12-03-2012, 11:41 AM

بس المشكله ، لو بسمكرها ع كلام اخوي .. بازم اقصها من الكفر ل الكفر ..
ولو تلاحظ ان مكانها من عند الكفر الخلفي ، ما بيضبط معه القص ، بيتشوه المكان !!

**كوووبيه 2009** · 12-03-2012, 12:24 PM

هذي اسمها السمكة ..

يبيلها فك وتعديل

وترشها بوية وترجعها

**wise** · 12-03-2012, 12:51 PM

السلام عليكم اخوي اذهب لمخرج 18 ولف يمين لين تجييك الاشارة راح تلاقي الصناعية ع اليسار .

**أكـورد 2009** · 12-03-2012, 12:53 PM

المشاركة الأصلية كتبت بواسطة dhomovic

بس المشكله ، لو بسمكرها ع كلام اخوي .. بازم اقصها من الكفر ل الكفر ..
ولو تلاحظ ان مكانها من عند الكفر الخلفي ، ما بيضبط معه القص ، بيتشوه المكان !!

ما في شي إسمه ما يضبط أنا قصيت ورجع كل شي زي ما كان

**ibrahimnagar** · 12-03-2012, 07:00 PM

انا صارت عندى نفس الضربه بالضبط ويعينك الله على ورشه جيده وهى مركبه بالبرشام يتم فكها ومعالجتها ورشها واعادة البرشام طبعا مايبين شى بس مافى قص ولا شى والغريب انى استلمتها الخميس والسبت التالى صارت عندى نفس الحكه فى نفس المكان ..:o ..بصوره اخف شوي لكنى ماتحملت حتى ان راعى الورشه سخر منى وبغى ينحاش ..لكنها تكلفت 900 ريال على شان يعمل شغل عدل بدون تقطيع او نلحيم....