هذا مشكلة وكالات كثيرة في بلدنا العزيز ... ما تأخذ حقك إلا بالشكاوي والبهذله .. (( على كل حال أول شيء تسويه وقبل كل شيء )) .. تروح على طول لمدير الصيانة اللي كلمته و قفل الخط في وجهك ... وشرشحه قدام موظفينه وسو له حفلة عرس معتبره ( زيطه و زمبليطه ) و حاول تغسل شراعه غسيل بس مهوب مستعجل .. و بعدها سو له كوي بخار على كيف كيفك وبرضوه مهوب مستعجل ... بس نصيحة لا تتكلم بكلام بذيء علشان ما يمسك عليك كلمه في حاجة غير موترك وبس .
و زي ما قالوا الشباب ( وقف السيارة قدام الوكالة ) وصورها ، وحاول إن أحد من مواقع الصحف الالكترونية يسوي لك ( خبر عاجل ) ويا ليت يكون بالدليل القاطع ، مثل إثباتات و فواتير ومواعيد وغيره وغيره أي شيء تثبت عليهم تهربهم من إصلاح موترك .
وبعدها أرسل رسالتين وتكون على النحو التالي : -
1 - خطاب بريدي أو فاكس لوزارة التجارة ( إدارة حماية المستهلك ) ، وإن شاء الله يتجاوبون معاك .
2 - خطاب بريد إليكتروني للشركة الأم ( هوندا ) ، وإنتبه إذا كان تصنيع موترك في اليابان فالرسالة تكون للشركة الأم في اليابان ، وإذا كان تصنيع موترك في أمريكا فطبعاً تكون الرسالة للشركة في أمريكا ، وتكون الشكوى شامل كل شيء ( إسمك ، رقم الجوال والبيت ، بلدك و مدينتك ، أعطال السيارة ، رقم الشاص ، موديلها ، فئتها ، وكل شيء في خاطرك أكتبه لا تترك شيء )
وبعدها بإذن الله وبقدرته سبحانه ... راح يجيك أحلى إتصال في حياتك .. يترجون إنك تجي .. و أمورك في السليم ... والله يسهل أمرنا وأمـــــرك .
رد مع اقتباس
المشاركة الأصلية كتبت بواسطة nasser1430
مواقع النشر (المفضلة)