اقتباس المشاركة الأصلية كتبت بواسطة أ أ ك 4 0 0 8 مشاهدة المشاركة
بسم الله الرحمن الرحيم
يعطيكم العافيه حبايبي
طبعاً بما اني صاحب السياره الله في الصوره راح اقلكم كل المشاكل اللي فيها وبدون اختصار

طبعاً اللي صور السياره اكيد شاف انو واضح عليها النظافه لاني محافض عليها اكثر من عيوني بس للاسف بدون فايده
المشاكل اللي واجهتها
1 / اول ما اشتريت السياره فيها صوت طقطقه من الخلف خلف الراكب
2 / والسياره ماشيه 15000 تقريباً جاني تفتفه وتقطيع وغيرولي بواجي على الضمان بعد ماطلعت روحي
3 / والسياره ماشيه 17000 تقريباً رجعت نفس المشكله تقطيع وتفتفه وقلت عزم رجعت لهم قالو مالنا صلاح بـ المشاكل وبعد طلعت الروح وبعد محاولات دامت اكثر من 5 ساعات وافقو يسونها واستلمو السياره مني بدون موعد تسليم يعني لـ اجل غير مسمى ولا كل يوم ااروح اشوف خلصت ولا لا مع العلم انو الفاتوره لازم يكون فيها موعد تسليم السياره للعميل سكت ورضيت ورحت من عندهم حتى بعدها بكم يوم قالو تعال خذها غيرنا لك بواجي ونضفنا بخاخات
4 / الريموت خرب وطلع عيب مصنعي على كلام مهندس الاستقبال
5 / صوت في الديكور الخلفي ولا زبطوه
6 / صوت مع لفت الدركسون يمين ويسار وانا واقف ولا اديور صوت طقطقه في الدركسون واهتزازات ولا صلحوه يقولون مافيه شي طبعاً من اول ما اشتريت السياره
7 / وبعدها جت الطامه الكبرى صوت غريب ويوم فتحت الكبوت واحصل الطرمبه حقت الدركسون تهرب
8 / عجلت رفع الصوت في المسجل خربت

والان عندي عامود الدركسون يبيله تغير ادق على مدير الصيانه مايرد ويرجع يدق علي ويوم رديت عليه وعرف المشكله قفل الخط في وجهي ارجع ادق مايرد
اذا اخلاق المدير كذا رحنى فيها

عامد الدركسون استفسرت بعدين يقولون يكلف حدود 6000 ريال
طبعاً هذا مايحضرني الان من المشاكل اللي واجهتها واتمنى اللي بيقعد يبرر لـ الشركه اول شي يشوف محافظتي على السياره بعدين يحكم

بس الان انا طبعاً مستحيل اسكت عن حقي
أضافه بسيطه طبعاً بعد ماوقفة السياره عند الشركه ورحت جاني ازعاجات على الجوال ورجعت ل السياره بعد ساعه ونص تقريباً لقيتهم مغطين الكلام بجرايد شلت الجرايد وجلست في السياره طبعاً تجمعو الموضفين ومنهم مدير الصيانه ومعهم دوريه طبعا تحولة المشكله الى شرطة النزهه والشركه مدعيه علي بتشويه السمعه وكانت الشرطه واقفه مع الشركه بشكل واضح وللأسف الشديد حطوني في التوقيف وماطلعت الا بكفاله طبعاً حتى اقوالي ما اخذوها بس خلوني اكتب في الملف ليش سويت كذا وحتى ماقرو كلامي

وأعذروني اذا طولت عليكم

وشكراً

اخ يالقهر والغبنه
صاحب الحق بوقتنا الحالي ضاايع حقه والملامه والغلط يكون بالنهايه عليه
طيب أقلها أعرف سبب تصرفه !!
لكن تبي الجد حقنا بهالبلد ضايع وماحولنا أحد ويلوموننا على تصرفاتنا وردة فعلنا ..
أخوك حاليا ينتظر قرب صيانة 5000 بعدها تفاهمي مع مسئولين الصيانه
تخيل تقبل سياره 2012 وتبيعها بسبب رجه وحذفه يعني النفس طابت منها
وترجع تأخذ برضو 2012 وتطلع بها حذفه يسار صحيح المشكله تنحل بس
القهر ليه سيارات جديده بها عيوب !! وأزيدك من الشعر بيت
سافرت عليها من الرياض للغربيه وهي مامشت 600 كيلو طبعآ ماأسرعت
الا بعد الآلف كيلو وبعد ماوصلت يومين بالضبط الا وطلع لي شعر ( كسر )
بالقزازه الأماميه واضطريت اروح محلات طبيب الزجاج اوقفه والحمد لله وقف
ممكن تقولي احد كاسرها خادشها شي والله مافيها اي شي لامن داخل ولا من برى
مافيه اي أثر لـ ضربة حصاه مثلآ او حتى ضربة يد أو حكه بأي حاجه !!
وأسئل عنها بالوكاله تكلفتها 1500 ريال بعد الخصم !! بالله هذا منطق !!
نتعب وحنا نتكلم عن هالوكيل الحرامي وسوء تعامل موظفي الصيانه
ولابد من حل لكن كيف ومتى ووين الطريقه المثلى !!
خاف نتجمع عند الوكاله ويجيبون لنا عسكر ودوريات مثل نادي النصر خخخخخخ
ماوقفت على هوندا وبس والله يالوضع معاد ينطاق بهالبلد من جميع النواحي !!
خليها على ربك بس