الموضوع: قدر الله وما شاء فعل (( صار لي حادث ))

المشاركة الأصلية كتبت بواسطة yamen22

السلام عليكم ورحمة الله وبركاته


الف الف الحمدلله على السلامه أخوي والحمدلله على كل حال
في الحديد ولا في العبيد صج تحرق لكن هونها يا خوك اهم شي انت سالم

انت اللي جبتها وتقدر تعوضها عزيزي

بالنسبة للتصليح انا ماانصحك بالوكالة اذا ماراح يشملها التأمين لان من جد راح تكلف أكثير

في ورش والله انها تنافس الوكالة وتفوق عليها بعد وبسعر مناسب

والقطع انصحك من الكويت راح تلاقي في التشاليح اشياء نظيفة مره

انا قبل ثلاثة اسابيع انسرقت سيارتي اكورد 2007 سرقوا الرديتر والمراوح والايرباقات والكفرات والمسند وجهاز لابتوب يعني تكلفتها 18000 الف ريال او اكثر بشي بسيط

رحت الكويت اخذت اغلب الاغراض من هناك رديتر والايرباقات والمراوح وكذا شغله كلفتني 5000 الف ريال مع السفرة كامله ومتسوق بعد في السوق ومتمشي


وكملت الباقي من هنا كفرات وجنوط المهم كلفت مجموعها 9500 ريال وعامل لها صيانة بعد


بدلت لها بيرنقات كامله الاربع الجهات


فأنصحك ونصيحة اخويه لا يستغلوك في الوكالة

وفي الشرقية عندنا ورشة ما شاء الله ولها سمعتها


والله يكون في عونك عزيزي

وأخر السوء ان شاء الله

تقبل تحياتي

الله يسلمك حبيبي وش نسوي مكتوب لنا
وهي تحرق ايه نعم تحرق لاني ما عندي الا ذا الموتر
وانا اداوم من الدمام الى الجبيل يومياً واللحين خلها على ربك بس
والبنسبه للتصليح ترى انا ما اعرف ورش في الدمام ياليت تفيدني
الكويت ما اقدر اطلع ماكو موتر ..

والللي سرق موترك الله لا يوفقه ..
والله يا شباب انتبهوا الايام ذي كثرت السرقه
والله انا انام وانا خايف على موتري ..