الموضوع: استفسار عن سعر الاكوورد ~

ابعد عن الاسود تراه مو زين هو كشخه لاكن بالديره ما يصلح غبار
تبي تحط غسال عند البيت وثاني شي الجو عندنا تصل الحراره 50 و
اللون الاسود يمتص 98% من اشعه الشمس يعني السياره فرن في الظهر

الابيض ســــــــيد الالوان

هلا والله

ما ادري هل انت صديقنا عبدالله الدريس ام لا


اسعار الاكورد الي اعرفها ومن ارخص مكان في الرياض ومن مستودع الوكالة بعد .. قبل شهر ..
الستاندر ( السياحي ) = 84000 يتراوح بينهم 85000 بالتأمين واللوح فقط بدون كشافات ( السعر تقريبي لست متأكد 100% )
سبيشل ( نص الفل ) = 91500 ريال بالتأمين واللوح ( تأمين ضد الغير ) ( كشافات امامية مجانا )
فل مخمل بدون شاشة = 99500 ريال بالتأمين واللوح ( تأمين ضد الغير ) ( حساسات خلفية مجانا )
فل جلد بدون شاشة = 103500 ريال بالتأمين واللوح ( تأمين ضد الغير ) ( حساسات خلفية مجانا )
فل جلد شاشة = 115000 ريال بالتأمين واللوح وصيانة 60 الف كليو ( حساسات خلفية مجانا )

طبعا اذا اردتها بدون تأمين اخصم 500 ريال ( التأمين المذكور اعلاه لمن هو 21 سنة فما فوق )
ملاحظة هامة : الاسعار اعلاه كانت قبل شهر من الآن وقبل شهر كان هناك عرض ( الكشافات للاسبيشل ) و ( الحساسات لكل فئات الفل ) ( والصيانة 60 الف كيلو مجانا لـ الفل جلد شاشة )

اذا اردت مكان وموقع بيع السيارة راسلني على الخاص وادلك عليهم لاني قبل شهر اخذت منهم .

الأسعار اعلاه تخص 4 سلندر ام 6 سلندر لا اعلم عنها لكن فيها فئتين فل وسبيشل

SWAT

فعلا هو مرره كشخه ,
وانا متررد , مغريني بالمظهر , لكن واضح اني بيتعبني كثيرررر

لكن خلاص هونت ’ فيه لون عاجبني وشايفه منتشر , وش رايك فييه ؟














---




k363k




الف شكر لك ,
بس انا ودي بآخر موديل : )




----




هوندانا

آهلا وسهلا فيك اخوي

لا والله انا جديد بالمنتدى

الله يعطيك العافيه ما قصرت ربي يسعدك ويبارك فييك
ان شاء الله تكون نفس الاسعار عندنا في المدينه ~

هاي الشرقيه

منور يا عسل

غاليين مو غالين < يبي يحشك خخخ
مدري بس اشوف غوالي صح بعد ,
طيب وش مفرد غوالي ,

شكلو بيتغير مسار الموضوع على حسابك ههههههههههه

يا جماعه الوكالات اسعارها مو وحده !!؟
اليوم رحت لوكالة هوندا في المدينه , اسعارها غير ,!! (أعلى)

إرتفعت الأسعار الآن

اممم خذلك ابيض لولي فخر الالوان في الهوندا وأكشخ الالوان
وبعدين الالوان الغامقه تروح مع الشمس عندك هنا الحرار تشطح فوووق
وترووحح لمعتها مع الوقت
اوما الابيض اللولي كشخة وكل شيئ يضبط عليه ويالبيه بس :d

عليك به فإنه أفضل شيئ :d

قبل يومين كنت عند الوكآلة (القصيم-بريدة)،

السبشل بـ 93 ألف،
الفل 4 سلندر / مخمل بـ 102 و شوي، -- / جلد بـ 105 و شويآت،
الفل 6 سلندر أعتقد كآنت حول الـ 116 تقريباً ، مآ كنت مهتم لسعرهآ والله، فـ مآ أذكر بالضبط!

و على فكرة، يقولي بدآية الشهر الجآي رآح يكون فيه عرض للسبشل والسيآحي،
رآح يكون فيه تركيب اكسسوآرآت مجآنية ، ومآ عنده علم عن نوع الاكسسوارات للحين،

بالتوفيق حبيبي،

XrayMan

المفروض تنززل , وش سبب ارتفاعها !!!

-

Accord

,معاك والله , اللولي حلو وريح الواحد ,
يمكن اهون عن اللون البني الجديد واخذ لولي : )


-


Ra3ee accord

ايه نفس الاسعار اللي لقيتها
ما قالوا لي انو فيه عروض بعد فتره ,
مدري اتوكل على الله واشتري , ولا انتظر العروض !؟

وانا ناوي ان شاء الله 4سلندر , مخمل

وشي اللي بتآخذ أنت ؟
إذا فل لآ تنتظر شيء، توكل على الله، << لأنه العروض على السبيشل والسيآحي فقط!

اذا سبشل أو سيآحي إنتظر و تأكد بـ نفسك،
مسألة العروض أنا نقلت لك كلآم الموظف (السعودي)، أما أكيد والله مآدري،
مرّ أقرب فرع بكرى و تأكد بـ نفسك، حتى لآ تتعلق بـ أمل وأنا السبب

بالتوفيق،

الله يعطيك العافيه ما قصرت , ما انتبهت ان العروض بتشمل السبيشل والسياحي

ناوي الفل بإذن الله : )