طيب أخوي أنا صار لي موقف أمس بالليل ... كنت ماشي بموتري الأكورد على شارع عام ... و لما قربت عند لفة إجبارية يمين تدخل على شارع عام إلا واحد راعي كراون فيكتوريا وقف فجأة وتماماً بدون سابق إندار أو على الأقل لو توقف تدريجي و بعدها عكس الشارع يسار (( يعني مواجه السيارات الوجه بالوجه )) ، ورحمني الله وإلا ما بيني وبينه إلا تقريباً ما يجي ستة إلى سبعة أمـتـــار .

في هاللحظة مسكت فرامل وبقوة وسمعت على قولك صوت بالكفر اليمين الأمامي صوت زي الطق القوي متكرر ( كأنك تضرب الرفرف بمطرقه ) .. طبعاً أنا عرفت إن نظام الـ abs أشتغل وحسيت إن التوقف صعب شوي ، وهذا عيب النظام وفايدته في نفس الوقت ... بحيث إنه ما يغلق الكليبرات على الهوبات ، وبهالحالة راح تزحف السيارة ويصير التوقف يتطلب مسافة أطول .

هذا اللي حبيت أفيدك فيه ... لكن إذا ما كانت الحركة اللي في موترك نفس الحركة اللي صارت لي ... فهذا شيء ثاني ... ونستنى الفيديو ... لعل وعسى إنا نفيدك ... وسلامتك .