الموضوع: أيهما أختار هوندا أكورد أم كامري 2012 أدخل فأخاك ينتظر إجابتك

الكامري جديده يعني صعب الحكم عليها من ملاك الأكورد بحكم عدم التجربة

بس اصبر شوي وتنزل الاكورد 2013 وتشوف يمكن تعجبك وتنسى الكموره

يا أخي أنا تعبت من الإنتظار خاصه أنني في مدينة بعيده عن أهلي بأكثر من سبع مية كيلو فمضطر لقلة التكاسي
أو قل لي ماهي عيوب الأكورد 2012 وماهي مميزاتها ورأيك المبدأئي للكامري من خلال مشاهداتك وماتسمعه

والله الكامري الجديده يمدحون عزل الصوت فيها ويمدحون رساوتها وانا ركتبها بالوكاله وسيعه من وراء وفخمه

-------------------------------------------

الأكورد حقتي موديل 2009 ماشي بها 234 الف وماغيرت الا قطع استهلاكيه فحمات وبطاريه وفلاتر بس
ومره شفت ترشيح بطرمبة الدركسون وسويت لها اصلاح 200 ريال مع شغل اليد

عيوب الاكورد

فيها حذفه بسيطه يسار

طرمبة الدركسون عيب مصنعي وصار لي وصلحته نفس ماقلت لك

غير كذا انا مااعاني بشيء الحمد لله

انا غيرت الفلاتر والبواجي على 200 الف ويوم غيرت البواجي كان فيها نصها

صرفية البنزين ممتاز يعني بتقطع المسافه من المدينه اللي انت فيها لاهلك بتانكي واحد ماراح تعبي اذا ماتعديت 150

راسية بالخط

عزلها الجانبي حلوو ماعليه

تحس بمتعه في قيادتها

والله يوفقك ومبروك السياره مقدما

فكر بالتيما طيب ترى والله ممتازه حتى بالخط حلوه وراسية وسماعات بوس وارخص من الهنادي والكموره

امم
انا افضل الاكورد الكامري صارت كورلا الشكل الجديد يعني حرام توصل للسعر هذا وتاخذ سيارة بحجم صغير

لو بين الاثنين بدون مقانه اكورد والله مو لأنها معاي بس الشكل والقوه يشفعون للهوندا

وتبي نصيحتي لا تاخذ لا أكورد ولا كامري

خذ لكزس مستعمل ما مشى تلقاه بأقل من سعر الكرت
السيارة لو تمشي عليها 200 كيلو يطيح سعرها بشكل كبييير جدا
دور لك لكزس نظفيفه ما مشت وتوكل ع ربك وخذها
تحياتي ...

أكــــــــــــــــــــــــــــــــــــورد

أكــــــــــــــــــــــــــــــــــــــــــــــــ ــــــــورد

أكــــــــــــــــــــــــــــــــــــــــــــــــ ــــــــــــــــــــــــــــورد

إضافة مميزه وطرح رائع ومحايد
وشكرا لك على هذا التوضيح بارك الله فيك
وننتظر البقيه

^^
لكزس فديتك
فخامه
قوه
رساوة
شكل
لبى اللكزس

دور مستعمل نظيف

أنا يدوب مجمع فلوس الأكورد أو الكامري نص فل وبقروض بعد
أللكزس غاليه وماهي ضمن الخيارات وناخوك أخذها مستعمل وتبهذل فيها وقطع غيارها

صادق اللكزس الي ما يقدر عليها لا ياخذها
وترى معلومه يالغلا الاكورد قطعها نار
يعني الاقمشة الاماميه والخلفيه بحدود 730ريال بعد الخصم لأكورد 2007

استخر ربك
وبين السيارتين ذول انصحك بالاكورد .

هلا اخوى انا افيدك بتجربتى كان عندى كامرى 2009 وكاله تمت معى سنتين وراحت فى حادث والحين عندى اكورد 2012
الاكورد فى الفخامه والرساوه والعزم والداخليه والعزل تتفوق على الكامرى ... الكامرى تتميز بتوفر قطعها (عشر محلات لتيوتا مقابل محل واحد للهوندا ) وكذلك سعر اعادة البيع فاذا كنت مستعد لتحمل فارق بسيط فى المعاناه عندما تحل اوقات الصيانه الغير تقليديه او عند اعادة البيع فتوكل على الله انصحك بالاكورد والا فخليك على الكامرى انا شخصيا ااخترت الاكورد مع علمى الكامل بكلفة اقتناء الاكورد ومساوء الوكيل ولم ابالى لكل من حذرونى ..ولها معى 4 شهور والفرق واضح وانا غير نادم..

المشاركة الأصلية كتبت بواسطة .AcCoRd

صادق اللكزس الي ما يقدر عليها لا ياخذها
وترى معلومه يالغلا الاكورد قطعها نار
يعني الاقمشة الاماميه والخلفيه بحدود 730ريال بعد الخصم لأكورد 2007

استخر ربك
وبين السيارتين ذول انصحك بالاكورد .

لا ياخي الله يهديك

انا اكورد 2009 امامي وخلفي ب 440 الى 480 تقريبا

لا تاخذ كامري , حرآآآآآآآم عليك شوف شكلها كيف صاير !! من سيئ إلى اسوأ !! وربنآ يقدر لك كل الخير ,, انا أشوف الأكورد أنسب

انت من جدك

يارجال الكامري كورلا فخمه

انصحك بالاكورد بقووووة

اضم صوتي الى باقي الاخوان
الاكورد طبعا لاني ان شاء الله راح اطلع وحده خخخخ
من جد الكامري كورلا فخمه وشكلها لك عليها
يالبى الهوندا قمر 14
الله يوفقك ياغالي مع اطيب تحياتي

الكامري الجديده شكلها مخزي جدا كورولا إلا شيء بسيط

الرساوه في الأكورد شيء خورافي مقارنه بالتويوتا عن تجربه لآفالون 2011

الشيء المميز آيضا عزل الهواء في الخط السريع واللهي الأفالون فيها تنسيم هواء غير طبيعي وأتوقع عموم التويوتا مع إن الأفالون تعتبر من الفئه الفخمه

الشيء إلي يرفع الضغط في الأكورد حاجتين العزل الإرضي سيء جدا كل شيء تسمعه كأنك تمشي على رجولك

ماعداها فهي متامسكه جدا ماشاء الله تبارك الله

وأنصحك بصلاة الإستخاره فهي ملاذ المحتارين

شكرا

السيارتين فيهم تشابه ببعض المواصفات
لكن تفرق الاكورد بالرساوه والفخامه ويعيبها الحذفه البسيطه لليسار والعزل المتوسط
والكامري كجوده وتحمل ممتازه للآمانه لكن الشكل الجديد نسبيآ مو ذاك الزود
ودامك بتأخذ كامري نص فل فصدقني الأكورد أسبيشل أفضل بكثير من جميع النواحي
جربت الكامري 2002 و 2005 وجربت الأكورد 2006 و 2012
وكنت بأخذ كامري 2012 glx لكن بعد التجربه أخترت الآكورد آسبيشل
بدون تحيز الآكورد تفرق بكثير ومافي مقارنه ومن جرب السيارتين يعرف هالشي
عموما الرأي الأول والأخير لك والله يكتب لك اللي فيه الخير .. موفق أخوي ..

ياجماعة الخير والله أحترت ناس تقولي الأكورد قاسية مراتبها وأقل رحابة في المقاعد الخلفيه والأخر يقول لي القطع غالية والوكيل سيء
والطرف الأخر يقول الكامري فلين وقوة مكينتها وراساوتها أقل من الأكورد والوكيل مرقع السيارة بالتقليد
لاحول ولا قوة إلا بالله
بالله يجماعة الخير كيف تجربتكم لها

حبيبي لو تصبر فترة بسيطة الى ما تنزل الاكورد الشكل الجديد او على الاقل تتسرب صورها وقرر بعدين لكن والله حرام تحط فلوسك وبعديين تتحسر وخاصة انك تعبت على ما تجمعها لكن لو ما تبي تنتظر بعطيك حل وان شاء الله بيعجبك..استاجر السيارتين طبعا ما تجي الا السياحي لكن باقي المواصفات الكمالية بتشوفها فالوكالة بس استاجر عشان تشوف رساوة كل سيارة وكيف مريحة ولا لا وعزلها وقيادتها وغيرها من الامور ...اما بالنسبة للخرابات سيارتي الحين الحمدلله مشت معي 70 الف ولا غيرت فيها الا الزيت وفلتر المكينة والفحمات فقط والكامري لسى توها جديدة وصعب احد يقول لك اذا هي تتحمل ولا لا واما المواصفات مثل ما قلت لك رح الوكالة وتفرج فيها على كيفك ...واهم شي ان كل شي يكون من تجربتك عشان ما تاخذ السيارة الا وانت واثق من قرارك وفالاخير اذا اخترت السيارة صل صلاة الاستخارة والله يوفقك

المشاركة الأصلية كتبت بواسطة تألمت بس تعلمت

لا ياخي الله يهديك

انا اكورد 2009 امامي وخلفي ب 440 الى 480 تقريبا

الفاتورة شقيتها قبل أسبوع يمكن
والسعر مكتوب عليها
فلوسي ودفعتها ياأخوي هههههههههه حرتها
أخذتها من وكالة هوندا

المشاركة الأصلية كتبت بواسطة .AcCoRd

الفاتورة شقيتها قبل أسبوع يمكن
والسعر مكتوب عليها
فلوسي ودفعتها ياأخوي هههههههههه حرتها
أخذتها من وكالة هوندا

ياخي لاتشتري من الوكاله خذ من النعماني نفس الوكاله وارخص بكثير مع اني اذكر خذت فحمات من الوكاله خلفي كان يمكن ب 280

والله ماخذ الثنين أمامي وخلفي ب 440

شكل موديل موترك يفرق عني بالسعر

اكورد بدون تحيز يوجد مشاكل بالكامري 2012 لك ولزمن الكامري الجديد عطال المودم + صوت بالدركسون + تعليق السياره بالريوس

لتاكيد راجع الروابط


http://www.toyota4arab.com/forum/t229124.html

http://www.toyota4arab.com/forum/t229479.html

http://www.toyota4arab.com/forum/t231089.html

ينخوك استأجر السيارتين وشوف الي ترتاحله نصيحه

تصدق عآد،
أمس كنت طآلع من الجآمعة أنا ووآحد من الشباب الا يخطم علينآ من يمين رآعي كآمري 2012،
من أول نظرة حسبتهآ كورولآ ! لكن يوم عطتنآ قفآهآ طلعت كآمري :d

بالنسبة للعزل الارضي سيئة بنجاوب عليكم
ياخوان كما هو معروف الاكورد في الخطوط ملكة الرساوة وثبات مجرب وتحكم كامل واي واحد يركب الهوندا واول مرة يجربها اول كلمة يقولها السيارة ثابتة
والسبب انة الهوندا تعتمد على نظام التعليق الرياضي بسياراتها بعكس اغلب السيارات اليابانية والامريكية ماعدا السبورت
وانا انصحك نصيحة انك تنتظر الشكل القادم وبالنسبة للكامري لاتاخذها بدون تعصب مافية وجة مقارنة بين السيارتين ابداا
واذا تبي تتأكد اكثر ادخل على برامج الاختبار الامريكية والاوربية بتشوف انة الاكورد تتربع على عرش السيارات اللي بفئتها