تركيب الحساسات المخفية

[الأسطوره]

السلام عليكم ورحمة الله وبركاتة

مثل ماهو واضح في العنوان تم شراء الحساسات المخفية او
Electromagnetic Sensor

http://www.parkingdynamics.co.uk/

انا ماكنت اعرف عن هاذي الحساست الا عن طريق اخوي الجوكر جزاه الله خير
http://www.hondaarabia.com/club/showthread.php?t=24917

طبعا عملية الشراء كانت عن طريق PayPal
وانا انصح وبقوة ان العملية تكون عن طريقهم لأنه في البداية ارسلت لي الشركة انه ماجاهم المبلغ مع انه جاني رسالة من البنك بسحب المبلغ من البطاقة الأئتمانية
وراسلت الـ PayPal وكان ردهم قوي وسريع جدا
المهم الحساسات اخذت حوالي اسبوعين على ماوصلت صندوق البريد حقي بالسعودية وكان الأرسال عن طريق البريد الملكي البريطاني
و هاذي صور العملية عن طريق PayPal وصور كرتون الحساسات

الحين نبدأ بطريقة فك الصدام
فيه ثلاثة مسامير في كل جهة واحد عند اصبعي وأثنين تحت و واضحات جدا وفكها يكون بسكروب +

بعدين فيه مسمارين مخفية تفك الغطاء حقها بسكروب صغير وانتبه لا تجرح البوية

بعدين يجيك مسمار تفكه بمفتاح مقاس 10

وفيه تحت مشكبيتين وتفكها بسكروب عادي

بعدين تفك الصدام وتنظفة من الداخل بقوة

ثم تبدأ اصعب مرحلة وهي تثبيت الحساس
في البداية حطيته في نص الصدام وكان مايجيب الأشياء النازلة ورحت افكه وارفعه زيادة واركب واحد جديد تحت مثل مافي الصور الي تحت

طبعا الحساس هو النيكل الصغير وانا حطيت عليه تيب علشان مايصدي من الموية

عموما العلبه يجي معها حساسين واحد منه يكون في بدايته موصل كهربائي ونبدأ في وحدة من الجهتين
انا بديت فيه من اليمين عموما راح نجي له بعدين

فيه طبه صغيره استخدمتها للتسليك
وطريقتها انك تفكها من البدي وتخرمها بأبره او مسمار وتدخل السلك حق الحساس الي جاي من الجهاز
طبعا السلك مو مركب فيه الموصل من الشركة وانت ماتركب فيه الموصل الا بعد متسوي الخرم وتطلع السلك من الطبه

وتعود تركب الطبه من جديد

وهاذا الموصل حق الحساسات

وهاذي الأسلاك الي طالعة من الجهاز
السلكين السود الي بلحالها هاذي حقت السماعات
الأربعة الأسلك الي مع بعض
الأحمر والأسود الي فوق هاذي حقت الكهرب
الأثنين السود الي تحت (وهي ملحومة في بعض) هاذي حقت الحساست وهي الي دخلناها في الطبة

وهاذي صورة ثانية لهم

التوصيل بالكهرباء كان عن طريق هاذي القطعة وأسمها
mid way wire connector

وانا ماعرفتها الا من العضو الغطاس الله يجزاه خير

وتم شبك السلك الأحمر (+)من الجهاز في السلك الأزرق من لمبة الريوس

والسلك الأسود (-) تشبكه في اي مكان في البدي
طبعا انا شبكته مسمار تثبيت الأصطب وهي صامولة تفكها بمفتاح 8

وهاذي هي السماعة

وركبتها في هاذي الفتحة

اعتذر عن سوء الشرح لأني مابديت في التصوير الا بعد بداية التركيب وحتى التصوير كان بجوالي ابو الحوادث<<==اسمه كذا

أن شاء الله وضحت طريقة الشراء والتركيب
والي يحتاج مساعدة لا يردة احد

وان شاء الله اعوضها لكم بطريقة تركيب المكيف الخلفي واشياء ثانية بس اصبرو علي

الفديو
http://up4.m5zn.com/download-2009-9-23-11-8l8n2swzf.mp4