مدري وين المشكلة .. افيدوني .. !!

[العمدا]

السلآم عليكم ورحمة الله وبركاته .. صباح الخير ياشباب ..
العلم سلامتكم .. في هالاجازة اخوي اخذ الموتر وصار عليه حادث
طبعاً مكان الحادث في الوجه
كبوت - صدام - رفرف يسار .. شبك .. وجه امامي

طبعاً بعد التصليح ..
اشتغلت لمبة المكينة .. علماً بانها اثناء الحادث وبعد الحادث لم تكن شغالة
المهم المشكلة الآن السيارة
عند التشغيل بعد فترة ايقاف لمدة تتجاوز ( 6 - 8 ) ساعات
تحس كاني توني مطفي الموتر .. الضغط على 1 .. السيارة ما تحتمي
نمر القير ما فيها اي مشكلة باستثناء النمر الاولى
السيارة تفز فز
طلعت على خط طويل ودعست للموتر
الموتر مشيته ثقيلة
وقفت ودعست بنزين للآخر .. المكينة ما تظهر عليها دعسة البنزين
كأني داعس شوي شوي وصلت لل 160 وهديت

وديتها لورش هوندا قولوا الحساس حق منظم القير .. استغربت كلامهم

ما أدري اذا عندكم افادة عن هالمشكلة .. اكون شاكر لكم ..
وتقبلوا تحياتي وتقديري ..

للمعلومية السيارة هوندا اكورد 2005 ماشية 225000

[العمدا]

وش العلم شباب .. احد يرد علي ..
:(

على العموم مريت الورش واحد قالي حاجة زي كذا بس ماني متأكد اسمها ( الثرو تول )
يقول يمكن تتصلح ويمكن لا

والثاني يقول حساس دعسة البنزين

فما أدري وش تعلقياتكم على الموضوع .. محتار

[كوووبيه 2009]

^^^^^^^^^^^^^^^^^

يمكن تقصد الثروتل بدي ..

سوي له تنظيف ويضبط ..

مآتكلف 200 او 300 ريال بالوكالة

شكل موترك طوول بالورشة ..

ولحق البخاخات تراب وواوسآخ

فلذلك يبيلها تنظيف

[دنيآ الغرور]

كلا الخيارين وارد

افحص السيارة كمبيوتر وبلغنا

[العمدا]

^^^^^^^^^^^^^^^^^

يمكن تقصد الثروتل بدي ..

سوي له تنظيف ويضبط ..

مآتكلف 200 او 300 ريال بالوكالة

شكل موترك طوول بالورشة ..

ولحق البخاخات تراب وواوسآخ

فلذلك يبيلها تنظيف

في هذه صدقت الموتر طول شوي

المشكلة طلعت في الـ tbs

المكاينكي يقول بارسلك واحد في التشليح وتحصل عنده واحد نظيف

وواحد من الشباب يقول احد يشتري الـ tbs من التشليح

المشكلة في الوكالة يقولون يجي كامل مع الحساس وسعره غالي

والتشليح يقولون ما يطول معك

ولله محتار ..

[العمدا]

شباب تكفون للافادة عاجلاً .. لاني بكره ناوي اشري القطعه ..

وماخاب من استشار

[العمدا]

طبعاً قلت لكم المشكلة طعلت في tbs

الميكانيكي سوى لها تنظيف طفت لمبة المكينة .. دقيقتين ورجعت نفس المشكلة

يقول تروح تشتري واحد .. المشكلة ياخوان انه ما ينباع لحاله

لازم تشتري البوابة كاملة عشان البرمجة .. وسعرها غالي

وش الحل ياشباب .. وكم سعرها وكالة ..

[جاكي2]

حساس منظم الهواء المشكله

اذكر واحد من الاعضاء يقول موجود بالشرقيه اما ب 350 ريال او 450 ريال

سوي بحث وان شاء الله يطلع معاك
واذكر انه ذكر اسم الورشه اللي تبيعه لحاله