الموضوع: من اللي راح اليوم الصيانه المجانيه

قبل امس السبت 14 ابريل رحت للفحص السنوي المجاني ..كانت ابرز الملاحظات :

ارتفاع اسعار قطع الغيار ....!!!

يا جماعة ...!

اللي طلع لي بالفحص المجاني


2 من كراسي المكينة
2 من كراسي القير
1 لي الدركسون << وهو واحد اللي من الطرمبة من فوق لين الدودة

الاسعار في التقرير قبل الخصم وخلونا نحسب سعر اول 4 قطع وهي كراسي المكينة وكراسي القير يطلع المجموع
= 2333 ريال قبل الخصم !!
بعد خصم 20%
الخصم 466 ريال
السعر بعد الخصم 1867 ريال للكراسي الاربعة لحالها

لاحظوا شوي بس

كراسي المكينة 3 , والخربانة 2
كراسي القير 3 , والخربانة 2

وهذا مجموع سعر 4 فقط ..! بعني لو كلها خربانة شف كم يطلع السعر !!

ياجماعة ..

شوفوا هالموضوع : عرض اسعار قطع الغيار
الرد رقم 82

بنفسي شريتها اصلية كل كراسي المكينة الثلاثة من موزع معتمد للوكالة بـ 1100 ريال
وكراسي القير كلها الثلاثة بـ 300 ريال

الموجوع كله لـ3 كراسي مكينة اصلية و3 كراسي قير اصلية = 1400 ريال

ليش هالزرف بالوكالة ليييييش؟؟


واحد يسأل ليش الموزع عندة ارخص ؟؟ وكيف يبعها ويكسب ؟؟
ببساطة يشريها من الوكالة بخصم نقول 25% ويبيعها عليك بخصم 20% ومكسبة المحل 5%



الخلاصة : اطلق شي بالفحص المجاني انة مجاني .. رح اشتر القطع من برا ارخص .. وشف الورشة اللي ترتاح لها وتوفر من هالزرف اللي حاصل بالوكالة اللي تشترط بعد اشتر من عندنا وركب عندنا عشان تاخذ خصم 20%
وش الفايدة خصم 20% وشغل يد غالي على غير سنع كأن محد يعرف يشتغل الا هم ؟ وهم بشر مثل غيرهم بالورش برا .. زي مافيهم 10 خبراء برا فية 20 خبير ..

اما لي الدركسون المشكلة الازلية في الهوندا سعرة بالوكالة قبل الخصم 1776
سعرة بالنت : 99 دولار = 372 ريال !! قل مع الخصم وحط فية كل المصاريف قل 500 ريال لسة كذا اصير وفرت عن الوكالة 1276 ريال ...!

كلن عقلة براسة ويعرف خلاصة
ومحد يجبر نفسة على اسلوب حياة الاخر .. صح ان الوكالة زرف ولكن
لكن فية اشياء حساسة ما اسويها الا بالوكالة زي وزن البلوف وتنظيف الثروتل بدي وتربيط الوكالة ماشفت مثلة بأي ورشة خارج الوكالة
وذي الاشياء تسوى مرة بالسنة اذا كثرت
اما القطع : اشريها اصلية من الوكالة واركبها برا عند واحد فاهم ومتخصص وفاضي وذي شغلتة بربع سعر شغل يد عاملي الوكالة
والله الموفق

هل فيه جديد . او مثل العام الماضي

الهدية صارت علبة مناديل + كوب << باقي لون اصفر وع خخخ ماعاد فية ميدالية مفاتيح خخخخ

هل فيه زحمه ولا خفيف

تعال بدري الساعة 4 الا ربع تخلص بسرعة .. شغلهم سريع مافية تأخير

الترتيب كيف

الترتيب والتنظيم كما المعتاد ماشاء الله تبارك الله مضبوط
- اول شي يعطونك الورقة اللي فيها الـ35 نقطة للفحص
- وقف السيارة في الصف مع الطابور وبتلاقي موظف , طفها وخل عليها المفتاح
- خذ الورقة للمكتب اللي عند مكان تغيير الزيت بالصيانة السريعة ومعك الاستمارة يعبون البيانات
- ارجع لسيارتك وبسوقها موظف لين الرافعة ..
- اقعد فوق راسهم وقت الحص واللي في خاطرك قلة خلهم يشوفونة ويفحصونة وتراها 33 نقطة فحص و 2 اختارهم بنفسك
- بيكتب التقرير ويخلص طلع سيارتك ووقفها وارجع للمهندس اذا كان ودك تقعد معة
- رح للكاشير خذ هديتك

وبس

تم زيارة فرع طريق المدينة بجده

والحمد لله النتيجه كويسه مافيه الا عمود دركسون .. الله يستر من سعره

الفحص بالرياض (فرع خريص) وجدة (فرع طريق المدينة) فترة صباحية وفترة مسائية
من 8 الصبح الى 12 الظهر
ومن 4 العصر الى 8 المساء ..

الدمام والجبيل فترة صباحية وفترة مسائية
من 7:30 صباحاً الى 11:30 صباحاً
ومن 3 الظهر الى 6 العصر