البوابه بشكل عام عباره عن دائرة وداخلها حديد شكلها جي زي الصاجه موصوله مع سلك الدعسه عشان لمن تدعس بنزين تفتح البوابه وتقفلها
ومشبوك عليها حساسات عشان توضح للكمبيوتر قد ايش الهوا الي داخل للثلاجه
الحساسات اذا واحد منها خرب او بطل يقرا كويس راح يطلعلك شك انجن علي طول ما راح اطول عليك واشرحلك اش فايدة كل حساس
بس عموما اي حساس ممكن يتصلح عند حق الالكترونيات لاكن للاسف عندنا مافي احد فاهم
في الاكورد دايما حساس ال tps لمن يتعرض لهوا زياده ( مثلا فكيت الانتيك وخليت البنشري يبخ هوا عليه ) او استخدمت منظف عشان البوابه ورشيت علي الحساس بالغلط ( مثلا زي الاسي دلكو ) علي طول الحساس يبطل يقرا ويخرب ويطلعلك شك انجن
في امريكا حاولو يصلحو الحساس وصلحوه ناس كثير لاكن كل مره يرجع يخرب ثاني بعد فتره فا شركات التعديل ( مثلا شركة هاسبورت او شركة كي تيون وغيرها ) اخذت نفس الحساس وغيرت فيه كم حاجه من جوا وزبطتو وسار احسا من حق بلدو مية مره
ممكن تطلبو بنفسك من الموقع الي اعطيتك هوا او من اي باي او من محلات التعديل قيمتو 200 دولار وتقريبا الشحن والجمارك مايكلف 100 ريال يعني كلها 850 ريال تقريبا في 10 ايام كحد اقصي يكون واصل والتركيب بسيط جدا فك القديم وحط الجديد بدون اي تاليف