الموضوع: الفحص المجاني والنتيجة 23000 ريال

وش سالفه عمود الدركسون هاليومين كل الناس يا عمود يا طرمبه ياليات دركسون ؟؟

http://www.hondaarabia.com/club/show...543#post574543

نفس المشكله عمود دركسون

السلام عليكم

الحل من الوكالة + الفحص المجاني

احلى شي انة فحص لك السيارة من الصدام للصدام مجاناً لكن منت مجبور تصلح عندهم او تشري القطع من عندهم .. بلاخصم 20% بلا نصب<< اشتر من عندنا وصلح عندنا عشان نعطيك خصم 20%

هذا اللي طلع لي بالفحص المجاني بعد التسعير بدون الخصم



2 من اصل 3 كراسي مكينة خربانة
2 من اصل 3 كراسي قير خربانة

مجوع سعر الـ 4 الخربانة 2343 ريال قبل الخصم !!

شريت ال 6 كلهم (3 للمكينة) و (3 للقير) من النعماني اصلية 1200 ريال فقط !! ركزوا شوي 6 كاملة مو 4 بس !!

لي دركسون سعرة بالوكالة 1776 ريال قبل الخصم وسعرة بالنعماني اصلي 700 ريال فقط ..! وسعرة بالنت واصل لبيتكم 475 ريال !!

شغل اليد بورشة الجنوب متخصصة بالهوندا وشغل احترافي قدام النعماني تغيير كراسي المكينة + كراسي القير بـ 250 ريال ولي الدركسون 50 ريال ..

احصائية بسيطة :

مجموع اللي كنت بدفعة بالوكالة قبل الخصم = 4109 ريال
خصم 20% = 821 ريال

الصافي لقطع الغيار بالوكالة بعد الخصم = 3288 ريال للقطع فقط ..

اللي دفعتة بالنعماني للقطع = 1900 ريال
شغل اليد = 300 ريال
المجوع للإصلاح كاملا = 2200 ريال

وفرت بإصلاح سيارتي عن قيمة القطع بالوكالة = 1088 ريال !! وهذا كلة بدون حساب شغل اليد في الوكالة !!

اخوي كاتب الموضوع ومشكلة الـ 23.000 ريال حقت القطع بس
نظام الوكالة بايخ وهو :
الطرمبة فيها تهريب (اصلحها مع القطع 170) يحسبونها الوكالة تغيير كامل وهذي 2300 ريال !! << بدون شغل اليد
الدودة فيها تهريب ( اصلاحها مع القطع 600) يحسبونها الوكالة تغيير كامل وهذي فوق الـ 4000 ريال !! << بدون شغل اليد
وانت ماااشي اي شي يتصلح يحسبونة تغيير كامل ..
الاصلاح ياخذ وقت اكثر من انة يفك المسمار يغير القطعة كاملة يرجع المسمار
رح ورشة الجنوب وقلة يفحصها لك كاملة او قلهم اللي قالو الوكالة وشف بكم بتطلع ..

كلن عقلة براسة ويعرف خلاصة
ومحد يجبر نفسة على اسلوب حياة الاخر .. صح ان الوكالة زرف ولكن
لكن فية اشياء حساسة ما اسويها الا بالوكالة زي وزن البلوف وتنظيف الثروتل بدي وتربيط الوكالة ماشفت مثلة بأي ورشة خارج الوكالة
وذي الاشياء تسوى مرة بالسنة اذا كثرت
اما القطع : اشريها اصلية من الوكالة واركبها برا عند واحد فاهم ومتخصص وفاضي وذي شغلتة بربع سعر شغل يد عاملي الوكالة كلها مسامير تنفك وتغير القطع القديمة وتركب الجديدة ونرجع المسامير

والله الموفق

على قولة المثل المصري ( الخط باين من عنوانه )

يا جماعة الخير ... فحص مجاني ... وبعدها تطلع لك فاتورة إصلاح وقطع غيار وبلاوي بقيمة آلآف الريالات ... ليه ؟؟؟

بينما لو تجيهم وتقول الموتر على الضمان وفيه الخراب الفلاني والعطل العلاني والصوت اللي شكله كذا ... قالوا لك بالفم المليان ... موترك طبيعي

يعني إذا تدفع من حسابك الخاص ( تطلع بلاوي الدنيا كلها ) ... وإذا على الضمان وعلى حسابهم ... يقولون طبيعي .

إلا وش رأيكم بدل ما نسمي وكالة هوندا عبدالله هاشم ... نسميها ( وكالة طبيعي ) < < < وش رأيكم بالتسميـــه .

^ ^ ^ ^ ^

طيب أخوي تخالفني الرأي ... وإختلاف الرأي لا يفسد للود قضية

كلامي اللي راح أقوله عن سابق تجربة مريرة مع الوكالة <<< وليس تعصب على الوكالة أو لشخصك الكريم .

موترك أكورد 2008 فحصوه ولا طلع فيه شيء .. الله يبارك لك فيه وهذا والله شيء جميل ويثلج الصدر إن الواحد يحب لأخيه ما يحب لنفسه ... وهذا والله أسعدني

وبالنسبة لتبديل أو تغيير زيت الدركسون بدون ما تدفع ولا ريال ... فهذا شيء جميل ويمكن الله سخر لك إبن حلال وغيره بدون ما يدري أحد .. لأني قبل مدة أنا وأخوي دافعين أكثر من 17.000 ريال على صيانة أكورد 2005 وبالأخير ما غيروا زيت القير بالشكل المطلوب وطلع تقصير منهم ، ومع ذلك تتوقع وش سوا المهندس .. راح جمع علب زيت قير من عدة سيارات ثانية وقام يصب من البواقي ... يعني تخيل دفعنا كل هالمبلغ .. وآخر شيء يقول ما أقدر أفتح علبة بعدين يسوون لي مشكلة ، ولاحظ كلامي عن مهندس <<< أسحق وأمحق .

فكيف لو ما دفعت ولا ريال ... تتوقع يحطون بالقير لو نقطة زيت واحدة ؟؟؟؟

وقبل قرابة الشهرين رحت للوكالة على أساس إن موتري أكورد 2012 جديد ( الحمد والفضل لله ) وفيه الأصوات المعهوده في الأكورد ومن ضمنها صوت الطقطقة اللي في الشنطة قالوا أنت منتب ملتزم بالصيانة الدورية .... قلت نعم ولا راح ألتزم لكم بشفط الفلوس على قل سنع ... قال على العموم تدفع ( 160 ريال ) ... قلت هذا مهوب سوء أستخدام أو عطل كهربائي مفتعل أو عطل ميكانيكي من سبب سوء إستخدام أو تعديل أو بسبب حادث علشان تقولون أدفع ... هذا صوت في الديكور ما له علاقة بالضمان ؟؟؟؟

قال لي الكلام اللي محفظينه الشركة ( لازم تدفع أنت منتب ملتزم بالصيانة ) ، فأنا بكل برود إنسحبت من عندهم لأني ما أبغى أوجع رأسي ... وبسبب إنشغالي في العمل والمدارس قلت بعدين أرجع لهم و أشوف حل معهم أو أرسل إيميل للشركة الأم وأشرح لهم كل شي .. لكن بعدين سحبت بعدين ... وطنشت .

خلاصة الكلام ... يمكن استفاد أحد منهم مثلك ونجااك الله منهم ... لكن ما طلع منهم بنتيجة مثلي و مثل صاحب الموضوع إلا ( كلمة إدفع المقسوم )

دمت بـــود

السلام عليكم ورحمة الله وبركاته

رحت للفحص أبشركم وطلع كل شي اوكي بس ناداني المهندس وشفت زيت تحت السيارة ويقول من الصوفة الخلفية ولازم تنزيل القير

الصوفة سعرها حوالي 62 ريال

شغل اليد حوالي 1720 ريال

ياساتر عليكم

المشاركة الأصلية كتبت بواسطة المباشر

السلام عليكم ورحمة الله وبركاته

رحت للفحص أبشركم وطلع كل شي اوكي بس ناداني المهندس وشفت زيت تحت السيارة ويقول من الصوفة الخلفية ولازم تنزيل القير

الصوفة سعرها حوالي 62 ريال

شغل اليد حوالي 1720 ريال

ياساتر عليكم

الصوفة ذي قيمتها اقل من 50 ريال وهذا اللي يقهر ..!

شغل يدها غالي لأن موقعها بايخ ويبيله رفع المكينة والقير فلذلك منت لاقي شغل يد ارخص من 500 ريال لها

صارت لأخوي وغيرها بـ 600 ريال خلال نصف يوم عمل في ورشة بالبديعة حول بيتنا ..

تخيل 1720 ريال علي صوفة ماتعدي خمسين ريال وابصم بالعشرة ان السيارة ما تخلص خلال اقل من يومين ..

المشاركة الأصلية كتبت بواسطة B Useful

الصوفة ذي قيمتها اقل من 50 ريال وهذا اللي يقهر ..!

شغل يدها غالي لأن موقعها بايخ ويبيله رفع المكينة والقير فلذلك منت لاقي شغل يد ارخص من 500 ريال لها

صارت لأخوي وغيرها بـ 600 ريال خلال نصف يوم عمل في ورشة بالبديعة حول بيتنا ..

تخيل 1720 ريال علي صوفة ماتعدي خمسين ريال وابصم بالعشرة ان السيارة ما تخلص خلال اقل من يومين ..

جلست اطق طق مع المهندس واقوله كم يوم تاخذ الصوفه قال 3 أيام علشان تنزيل القير الخ :d