الموضوع: ابي رايكم تضبيط اكورد

اسسسسسسسسسسسسسمع فديتك اعمل التالي :-

بالنسبة للخلفيه
1- تركيب اصطبات bmw ( مثل الي بالصورة )
2- تركيب انوار لوحات بيضاء ( انوار لكزس ) طبعا تلقاها في محالات الزينه بـ 20 ريال
3- جناح خلفي
4- شكمان ثاني الموهم تكون كلها كروم
5- نيكل خلفي فوق اللوحة وتحت علامة الهوندا ( مثل الموجوده في الصورة)
------
من الجوانب
1- نيكل جانبي اسفل البيبان
2- مقابض نيكل ( متوفرة بكثره سعرها 60 ريال )
-----
من الامام :
1- كشافات ( وخليها ع انواراها صفراء )
2- غير النعاسات وخليها برتقاليه ( تطلع مع الكشافات كلام ثاني)
3- زينون
4- ياليت لو تغير الشبك تلقى كثير ورخيص ( جدا رائع )
-------
تضليل اسود 01 غيره لا
نصحيه لا تضلل اثقل من كذا لأنه ما يطلع حلو كأنه كاتم
جنوط السبيشل 2008 حلوه مره
---------------------
اوما سالفة سقف بانوراما لا لالا لا لا لا
وربي تعدم عليك البويه انا كنت بركب وهونت يوم شفت بلاويها وماهي حلوه مره ع الاكورد
وابعد عن التهبيط فديتك لا تمسك السياره نهائيا اللعب ذا موب زين في السياره
-------------------
بالنسبه للداخليه
ركب شاشة و جلد لو ما فيها وبس

والله يعطيك خيرها ويكفيك شرها

ياأخوي التهبيط والله من الحركات الي مالها داعي نهائيا لأنك تبي تظر السياره
وترى السيارة صممت للـ مشاوير وسرعة التنقل انت كذا تبي تظر الميزة هذه
اوما زينه ونيكل وغيرها أشياء عاديه
بس انك تخرب فيها لا ما أوافقك ...

وأخيرا هذا شيئ راجع لك .

الخلفية روعه والله عاجبتني وين القاها

الخلفيه تقدر تسويه وين ماتبي ( اذا كنت من الرياض في غرابي ) ( واذا من جده كيلو 2 ) ومتكلف شي


.AcCoRd يعطيكـ العافيه اخوي

انا من الرياض
كم قيمتها وهل فيها تجريح اسلاك ؟

تكلف حوالي 1000
انت راح لغرابي ودور راح تلقى ان شاء الله