صيانة 100 الف كم .. أين البديل عن الوكالة ؟
السلام عليكم ,,, كيفكم ياعساكم بخير
:
حبيت استفسر من الاخوان هنا وانا متاكد ماراح يبخلون علي بالنصيحة
:
بخصوص صيانة 100 الف أتمنى توضيح وشو الاشياء المطلوبة والي يحتاج تغييرها لان سيارتي تخطت الـ 100 الف وبشوف وشو الخطوات
:
خاصة للي متغيبين عن الصيانة من فترة طويلة مثلي :d
:
الشئ الثاني والي اعتبره صراحة موضوع مهم جدا وحبيت اطرح هنا
:
مع الاسف حسب مااسمع من عدد من الاخوان ان الصيانة في الوكالة تكلف مابين 3000 الى 4000 ريال !!
:
الصراحة المبلغ مبالغ فيه جدا
:
لو انها تستاهل بنقول اوك .. لكن لان ابو هاشم يقول لنا ادفعوا بدون سبب يستاهل .. هنا نوقف
:
الحل ندور على بديل
:
من فترة وانا مقاطع الوكالة تغيير الزيت بس يأخد ساعات ونفسيتهم شينة كانهم يعطونك مجانا !! وبعد هدا كله الناس زحمة مادري على ايش
:
وبصراحة وبدون مبالغة اشوف بعض الورش افضل من الوكالة من ناحية سرعة العمل واتقانه
:
زبدة كلامي .. الاخوان من جدة والشرقية ماقصروا دائما يذكرون اسماء الورش والمراكز الممتازة عندهم
:
لكن احنا ياشباب الرياض ما اشوفهم يذكرون البديل؟
:
أتمنى من الاخوان الي بالرياض يذكرون لنا الورش او المراكز الممتازة بالرياض الي نقدر نسوي فيها صيانة الكيلوات او تغيير زيت قير او غيرها من الاشياء
:
بدال انتظار طوابير الوكالة كانه موعد مستشفى !؟
:
واسف على الاطالة بس حبيت افضفض شوي :d
ولا يضيق صدرك ياخوي
عندك صناعيه ام الحمام ورشه هوندا رقم 20
اسم الفني فيصل وفيه تحسين كلهم باكستانيه شغلهم اوكي
بالنسبه للاشياء المهمه في صيانه ال100 الف هي /
زيت القير
بواجي
فلاتر (فلتر البنزين كل 80 )
سير المكينه << يفضل تغييره
هذا اهم الاشياء اللي اتذكرها
..
....
المشاركة الأصلية كتبت بواسطة الـمـسـافـر
يعطيك العافية اخوي ومشكور على النصيحة والتوضيح
:
وهذا الواجب علينا شباب الرياض
:
الاخوان الي معاهم سيارات تويوتا عندهم العضيب والعديد من المراكز المتخصصة في سيارات تويوتا
:
لكن اصحاب هوندا قليلة المراكز المتخصصة لهم ولا ندري وين الافضل والي شغله مضمون
:
عندنا اكثر من صناعية وللاسف قليل مراكز هوندا فيه وفوق هذا كله ماتدي وين الافضل
:
وماقصرت يالغالي على ذكر مركز ام الحمام
ضوابط المشاركة
رد مع اقتباس
مواقع النشر (المفضلة)