الموضوع: ردي في موضوع رابطة مالكي أكورد 2002 " مفآجأة " :.!

ابشركم خلصصت امتحاني اليوم و حليت زين >> و الله مافتحت الكتاب الا ف الكلاس :d
بس تأليف من راسي , لكن كلام صحيح :d( يخربط من راسه )
الحمدلله ابشركم افتكيت و طلعتها بعد القروشة اللي صارت :p
طبعا الاربعاء سحبت عا الجامعة رحت لهم خذيت الاوراق من الوكالة ف الشفا , و بعدين رحت لمرور الناصرية
وصلت خلصت اول شيء التأمين بـ 399 لمدة سنة ( ميد غلف ) كويسين و الله ويطلعونها ف وقتها حقت التأمين :o
اما الشركات الثانية قالوا لي لازم تنتظر ساعة الى 3 ساعات
المهم سويت التأمين عندهم وبعدين طلعت و جاني واحد قال اسدد لك حق المرور قلت يالله >> مايدري وش السالفة :d

عاد هو طب علي و انا عند التأمين دخل يوم خلصت التأمين ناداه الموظف قال تعال سدد لهذا حق المرور 270 ريال :(
هو 250 حق الاستمارة و اللوحة لأنك اذا بتصدرها جديدة لازم تدفع , عاد خذ 20 حقته لانه مسددها من جواله :p

ماقعد 3 دقايق و سددها بس خذ مني عشرين خير :.!

المهم خلصت التأمين و التسديد ورحت للمرور دخلت ورحت حقين اللوحات و الاستمارة

عاد جلست انتظر وبعدين رحت للرئيس حقهم قلت يبوي ابغى لوحة ابي اطلعها قبل ينتهي الدوام بطلع سبارتي اليوم و اليوم اربعاء لازم اطلعها :p
المهم ماقصصر معي قال اجلس وجاب لي ورقة اعبيها حقت الاستمارة , بعدها نادى عسكري وقال جب له لوحة من اللي موجودة للرجال :d
انا عاد عيوني وقتها كذا متأمل بلوحة زينه :d
بعدها جاني وجاب اللوحات قال رح عب الموذج ذا و رح للطابعة يطلعون لك الاستمارة :o
المهم خلصت كل شيء و طلعت اللوحات بس بايخة ماعجبتني لكن احسن مافيه انه طلعها في يومها

^ و انا في سيارتي الهوندا يوم طلعت منهم :p
المهم بعدها رجعت البيت و ارتحت شوي و تغديت :d
العصر رحت لوكالة مازدا ووجهي شاقته الابتسامة المهم دخلت وقعت اوراق و خرابيط مجري وش هي و صورت الاستمارة و كذا و التأمين :p
بعدها عطوني 250 حقت اللوحة لاني انا اللي مطلعها بفسي موب هم :p

المهم هاذي اول ماقال لي الموظف رح ادخل شف سيارتك جاهزة

عاد شف وجهي اول ماشفتها >> بريء جدا :o
المهم عاد خذت لها كم صورة عا السريع

<< لحد يعلق على صورتي و انا مصور :p

<< صورة الطبلون اول ماطلعت من الوكالة

<< صورة ف الليل و انا ماخذ بها مشوار لأحد الاسواق

<< صورة و اخوي الصغير راكب فيها و انا عند احد المحلات ف الشفا :d( المعارض )

<< الله ي الدنيا ي الاكورد ( ماغسلتها موب فاضي لها :p

<< بغيت اصيح على سيارتي القديمة accord 2002 :(

<< السيارات كلها لنا طبعا هوندتين حقتي و الاكورد اللي لؤلؤية قدام هاذيك حقت اخوي 2009 :o
<< طبعا بمشورتي قلت له هوندا احسن لك , يوم كنت متعصب للهوندا :p


وبس هاذي السالفة كلها طبعا السيارة فيها مواصفات خيالية , لايغركم صغر حجمها ترى ماهي سهلة :d
مواصفاتها :
جنوط 16 . زينون عالي و واطي . فتحه سقف . جناح . كشافات ضباب . مسجل 6 cd يشغل صيغه ام بي ثري . شاشه معلومات الرحله . تحكم بالمسجل من الدركسون وتحكم بالشاشه الرحله . مكيف ألكتروني . تصفيط المرايات ألكتروني , لمبات خافته خلف مقابض البيبان من الداخل وعند ازرار فتحه السقف , حساسية ف المساحات للماء>> يعني اذا جاء مطر تشتغل اوتوماتيك , مثل ذلك النور يشتغل اذا دخلت نفق مظلم حتى لو كنت ف الظهر و النفق ظلام يشتغل اوتوماتيك >> طبعا جربتها كلها اليوم خاصة المساحات ف المطر اشتغلت من نفسها انا انلحست :d بس تذكرت ها الميزة هع هع ;), وبعد فيه 4 ايرباقات و ستائر لكامل السيارة زي اللكزس علشان لاسمح الله صار حادث مايدخل قزاز للسيارة , تشغيل بالبصمة تشغل السيارة و المفتاح في جيبك و حتى الشنطة تضغط الزر تنفتح لك فيها نظام ترحيبي اول ماتفتح الباب يطلع لك انوار عا البيبان و في شاشة المعلومات مكتوب zoom zoom اول ماتفتح بيبان السيارة وتركب وبعدين تطلع لك :dhell0 اول ماتشغل السيارة و اذا جيت تطفي تطلع لك goodbye :o , المراتب اللي ورى تقدر تحركها بنفسك وتقدر بعد تسدحها كاملة يعني تطلع لك كرسيين قدام بس و اللي ورى يطلع كله مع الشنطة لو تبي تركب لك شيء كبير زي نظام الجمس تسدح المراتب وغيرها الكثير لكن هذا اللي تذكرته من السيارة :o)


وبس هذا كل شيء >> و الله تعبت ف الرد كثير جلست يمكن نص ساعة ! :p

^

وبس هاذي كل السالفة , عاد حطيته في موضوع علشان اللي يبي يبارك لي وكذا يعني :o