مشكلة في وجود ضغط هواء فالرديتر

[ابو رهف89]

السلام عليكم
شخباركم جماعة الخير؟

انا عندي هوندا اكورد موديل 1993 خليجي جير عادي
طبعا السياره اروح فيها خطوط والحمد لله بس عندي مشكله وهي نقص ماء الرديتر ووجود ضغط هواء فالرديتر
غيرت الغطاء ونفس السالفه وطبعا حرارة السياره ما تتعدى النص
المهم مره طالع خط مسافة 300 كيلو الظهر ولمى جيت ع الدوار نزل الريس وبندت السياره ""انطفت"" فلمى جيت اشغلها تشتغل بصعوبه ولازم ادوس ع البنزين واخلي رجلي عليه انشان لا تنطف لفتره وارجع اطلع بالسياره ولا كأنه صار شي
بس اذا طلعت بالسياره وقت الليل ما تنطفي عندي بس المشكله هاي فالنهار فقط وبعد المشكله الثانيه اذا السياره كانت حرارتها النص وخليتها مطفايه فترة 15 دقيقه وجيت اشغلها تشتغل بصعوووبه
المهم الرديتر عندي الماي داخله نضيف بس المشكله وجود الضغط فيه بعد ما امشي فيها

ااذا احد عنده خلفيه يفيدني
وجزاكم الله خير

[حميد]

انا مافهمت الضغط ايش بالضبط , ولاكن اتوقع انو حساس عندك بالمكينه اة القير لانو سارت مثل حركتك لواحد من الشباب تطفي السياره عالساعه 12 الظهر هههه لاكن انشالله انها بسيطه والشباب يفيدونك اكثر انشالله

[هوندانا]

http://www.gulfbmw.com/vb/showthread.php?t=9394

http://www.mekshat.com/vb/showthread.php?t=241669

ان شاء الله تجد حل لمشكلتك

[ابو رهف89]

انا مافهمت الضغط ايش بالضبط , ولاكن اتوقع انو حساس عندك بالمكينه اة القير لانو سارت مثل حركتك لواحد من الشباب تطفي السياره عالساعه 12 الظهر هههه لاكن انشالله انها بسيطه والشباب يفيدونك اكثر انشالله

والله ما عرفت بصراحه شو فيها
بس للعلم ما شي طحينه بيضا في غطاء المحرك

[ابو رهف89]

http://www.gulfbmw.com/vb/showthread.php?t=9394

http://www.mekshat.com/vb/showthread.php?t=241669

ان شاء الله تجد حل لمشكلتك

تسلم اخوي
وياريت حد يفيدنا

[بلال العلمي]

واحد من اثنين

اما وجيه المكينة فيها خلل

او ان راس المكينة مشعر او معوج ولو بنسبة بسيطة وفي الحالتين هذه فقط تلقى هواء مضغوط مع الرديتر

اذا بتغير وجيه المكينة الافضل تسوي مسح للراس ايضا وتنحل امورك بالتمام ودائما اهتم بالبلف ولا تشيله مثل ما يوصونك الورش يعني امسح الراس واشتري وجيه مكينة جديدة واشتري بلف حرارة اصلي جديد وركب موية رديتر اصلية حقت تويوتا قيمتها 50 ريال وعيش حياتك بدون مشاكل باذن الله

[ابو رهف89]

مشكوووورين اخواااني
وشكرا خصوصا لأهتمامكم
الحمد لله انحلت المشكله
السالفه وما فيها طلعت من غطاء الراديتر