الموضوع: يا أصحاب النقاش والروقان أتمنى افادتكم , حيرة ما بين أكورد 2012 و أزيرا 2012

المشاركة الأصلية كتبت بواسطة R!KSaS

بسم الله الرحمن الرحيم
السلام عليكم ورحمة الله وبركاته


كيفكم أخواني عساكم بخير ان شاء الله


صراحة جلست فترة أفكر بشراء سيارة جديدة تناسب متطلباتي , واحترت بين كذا سيارة
وقبل كل شي حاب أوضح اني شخص أمشي حوالي 600 كيلو تقريباً في الأسبوع الواحد


احترت بين كذا سيارة وأهمها أكورد 2012 و أزيرا 2012

فـ أتمنى من أصحاب الخبرة أو التجربة أو المعرفة التامة لـ السيارتين يبين لي فروقات كل سيارة اذا ما عليه كلفة
وأيضاً أفضلية السيارة في النقاط اللي راح أذكرها في الأسفل ,

أهم النقاط اللي أتمنى معرفة أفضليتها بين السيارتين :


- المواصفات

الازيرا تتفوق على الاكورد في المواصفات والفخامة
- الجودة
الجودة الاكورد ارسى وتعيش اكثر

- مزايا المقصورة
مافهمت عليك

- الأمان
الاكورد فيها انظمت امان مخودة من ال بي ام والمرسدس

- الأداء
مافهمت

- التحمل
الاكورد تتحمل معاك اكثر وتعيش معاك

- الثبات في الخط
الاكورد سيارة راسية جدا جدا

- قوة الهيكل

من ناحية ايش تقصد ليتك توضح

..


وأتمنى نبعد كل البعد عن الجملة المعروفة والمتداولة بين الأكثرية في الآونة الأخيرة واللي هي : ( ابعد عن الكوري لأنه مو مضمون )

لا أتمنى ناخذ الأمر بهذا الشكل , أتمنى تكون فيه احترافية التوضيح وبيان الأفضلية وفي نفس الوقت لا نهضم حق الكوري ولا نهضم حق الأكورد !



بارك الله فيكم وانا في انتظاركم

وانا لو مكانك ما افكر اخد السيارتين ابداا وعلى فكرة الاكورد 2013 بتتغير نهائيا على كلام الاعضاء وشكرا

تبي نصيحتي :

اصبر إلى تنزل 2013 وبالشكل الجديد في النت ومنها تجمع فلوسك لو زاد السعر كثيرا لا سمح الله واذا ما عجبك الشكل توكل ع الله وخذ الازيرا

وصبر نفسك بالي عندك ..

وإذا مستعجل خذ ازيرا فل (( بس ما انصحك بالجنط الكبير انا عندي جنط 17 واعاني منه في المطبات والحفر ))


وبالنسبة للمواصفات الازيرا تتفوق في كل شيء ( الاكورد مواصفاتها محدودة جدا ومافيها تيب ترونك بالنسبة ل 4 سلندر ولا بانوراما ولا انوار زينون ولا نظام الاقتصاد في الوقود لكن هي سيارة اقتصادية بالاساس بدون حساس امامي وبدون حساس خلفي فقط تركبه عندهم
صيانتهم ترفع الضغط يميز السيارة ان جودتها عالية وتعيش )

الفرامل سيئة في الاكورد بالنسبة لي
الكفرات التي تأتي مع السيارة ميشلان تايلندي سيء نوعا ما لكن يعيش خصوصا جنط 17 من واقع تجربة واعتقد ان تعليق الاكورد شبه رياضي ...

التسارع من 0 - 80 سيء لكن بعد 80 تعطيك

لاتنسى ان 2012 بيتغير وهذي اهم نقطة


اذا ناوي تشتري موتر ويعيش معاك مثلا 6 - 10 سنوات وبتحافظ عليه وسواقتك هادية وكذا خذ

ازيرا فل الفل كامل 6 سلندر

للعلم الاكورد 2012 صناعة امريكية بالكامل لكن تركب عليها قطع اليابانية ..

واذا لك رغبة فيها عطني خبر اجيبها لك بسعر اقل من الوكالة في الرياض .

الأزيرآ تعيش إلى 10 سنوآت مآ شآء الله ؟!

معلومة جديدة :d

المشاركة الأصلية كتبت بواسطة Ra3ee Accord

الأزيرآ تعيش إلى 10 سنوآت مآ شآء الله ؟!

معلومة جديدة :d

انا قلت من 6 - 10 سنوات ولا تستغرب ياخي شف سيارات توصيل المطاعم اكسنت من 2002 وتحت وولحين تكد وانا اشوف ان الازيرا سيارة تعيش بـ استخدام طيب

المشاركة الأصلية كتبت بواسطة هوندانا

انا قلت من 6 - 10 سنوات ولا تستغرب ياخي شف سيارات توصيل المطاعم اكسنت من 2002 وتحت وولحين تكد وانا اشوف ان الازيرا سيارة تعيش بـ استخدام طيب

واحد من الشباب توه موضب موتره سوناتا 2010 ..مامشت 110 الاف

كف لا ههههههههه
والله ان تبي شوري لا تبعد عن الاكورد والله موتر
وانت استخير

منورين جميعاً الله يعطيكم العافية

والله ما يقهرني الا اللي يقولي انتظر 2013 تنزل وهي ما راح تنزل الا بعد سنة ! وبالضبط فبراير 2013 ! وأنا ابغا اشتري سيارة هالشهر !! :( :(

- مزايا المقصورة

مافهمت عليك

القصد : المزايا الداخلية في السيارة

- الأداء

مافهمت

القصد : قوة السيارة


_________________________


بخصوص اكورد 2013 الى الآن ما فيه أي صور تجسسية وأنا بنفسي سألت موظف معرض هوندا وقالي ما عنده أي خبر عن شكلها الى حد الآن

وإذا مستعجل خذ ازيرا فل (( بس ما انصحك بالجنط الكبير انا عندي جنط 17 واعاني منه في المطبات والحفر ))

الفرامل سيئة في الاكورد بالنسبة لي
الكفرات التي تأتي مع السيارة ميشلان تايلندي سيء نوعا ما لكن يعيش خصوصا جنط 17 من واقع تجربة واعتقد ان تعليق الاكورد شبه رياضي ...

انت نصحتني بـ جنط 17 في الأكورد وحذرتني من جنط 17 في الأزيرا , لكن هل نفس المقاس راح يسبب مشاكل من المطبات في الأكورد كمان ؟!
لأن الأكورد الآن في المعرض مافيه منها الا جنط 17 سواءً فل 6 سلندر أو 4 سلندر أو حتى نص الفل !

اذا ناوي تشتري موتر ويعيش معاك مثلا 6 - 10 سنوات وبتحافظ عليه وسواقتك هادية وكذا خذ

يقولون الأزيرا فيها ضعف في الهيكل الخارجي وقت الاصطدامات أو الاحتكاكات لا سمح الله !!

الشيء الثاني هل فيه أي صعوبة في قيادة وادارة الازيرا ؟! بحكم وسعها وحجمها الكبير !! يعني تخارجك في الزحمة والمواقف الضيقة ولا لازم نحك نحك ؟! ههههههه

للعلم الاكورد 2012 صناعة امريكية بالكامل لكن تركب عليها قطع اليابانية ..

وهل هذي تعتبر نقطة سلبية في الأكورد ؟! على حد علمي ان السيارة الأكثر شعبية هناك في أمريكا هي الأكورد واعتقد بـ هذا السبب استحدثت الصناعة الأمريكية لـ هذي السيارة !

انا قلت من 6 - 10 سنوات ولا تستغرب ياخي شف سيارات توصيل المطاعم اكسنت من 2002 وتحت وولحين تكد وانا اشوف ان الازيرا سيارة تعيش بـ استخدام طيب

لا نتكلم عن الاكسنت ابداً لأن هالسيارة مصنوعة من أجل الكرف ولكن في الأماكن المحدودة مثل المدينة الصغيرة أو المناطق الصغيرة لكن لو مسكتها خط ما راح تمشي معاك كويس !

شبااااااب يا ليت تفيدوني أكثر الله يعطيكم العافية :d

ما فكرت في الاورين الجديده الفل بشاشة 126 الف

ازيرا وعيش حياتكــ

أكيد راح تسأل عن السبب طيب أنا أقلك ليش

لانو الاكورد سعر عالي ومواصفاات ولا شي

أنا عني أشوفها سيارة خالية من المواصفات

المشاركة الأصلية كتبت بواسطة راعي هوندا99

ازيرا وعيش حياتكــ

أكيد راح تسأل عن السبب طيب أنا أقلك ليش

لانو الاكورد سعر عالي ومواصفاات ولا شي

أنا عني أشوفها سيارة خالية من المواصفات

نعم هذا الكلام ,,,ازيرا وعش حياتك يا بعدي انا معي اكورد 2012 ومتحسف اني شريتها ....:(



ازيرا ولن تندم بإذن الله

انت قلت 2010 في السوناتا الحين حنا بـ 2012 نزلت 3- 4 دفعات لحد الآن يعني مااتوقع فيه اي مشكلة ابدا

وان صارت في الاكورد انسى يرجعون فلوسك او يصلحون لك السيارة هذولا عشان زيت بـ 135 ريال يلغون الضمان من مزاجهم . فيه ضمان لكن حنا بعضنا مغفل ما يعرف ياخذ حقه ولا يقرا ويطلع على النت ويروح الوكالة ويلعبون عليه ويقولون حنا قايلين لك عدم الالتزام بالصيانة الدورية يحرمك حق الضمان هههههههههه طيب ليه ما كتبتوا هالشيء في ورقة البيع او عند كل سيارة في صالة السيارات ... يعني عشاني ما غيرت زيت مكينة يروح الضمان هههههههههههه وش علاقة الزيت حق المكينة بالقير يعني .. مب معقولة هم ما لقوا من يوريهم العين الحمراء ويطالب بحقه ويشتكيهم ويمرمطهم ويكلم المسؤولين الواصلين ويفضحهم ولا كان تأدبوا ... صح

احد الشباب عنده سيارة 6 سلندر علشان ما يغير زيت المكينة في الوكالة كذا مره سيارته ماشيه اعتقد 40 او 30 الف وضرب القير والوكالة تقول انا مو مسؤولة ليه ما تغير زيت مكينة عندنا !!!!

أنا استغرب يعني أنا في نادي هوندا ولا فيه أي أحد الى الآن يدافع عن الأكورد ؟! او انكم استسلمتوا لـ الواقع وهو أفضلية الأزيرا ؟!

الى الآن لا زلت في حيرة , اتمنى مشاركة الجميع ,

بعض الأسباب اللي ممكن تكون كفيلة بتغيير مسار تفكيري نحو الأزيرا وهي :

سوء المعاملة والخدمة في صيانة هوندا , بسبب مشاكل الضمان اللي ذكرها الأخ فوق

مشكلة أخرى وهي قرب مستوى هيكل الأكورد من الأرض مما يأدي الى احتكاكات أثناء صعود المواقف المرتفعة

سمعت ان الفحمات أيضاً يجب تغييرها كل ثلاثة شهور !

سمعت عن كثرة أصوات الطقطقة لـ الديكور

الأكورد سعرها أعلى ومزاياها وخاصة مزايا المقصورة أقل من الأزيرا

الأكورد لا تحتوي على عنصر مهم وهو الحساسات الا في الـ 6 سلندر واللي سعره بـ 136 !!

وأنا شاكر لكل من مر من هنا وأعطاني رأيه , ولكن أطمع بالمزيد يا أخواني :d

شوف هذي اسعار الصيانة العادية شوف الاسعار ... وركز في الملاحظات تحت




زوم زيادة 2008 وانت طالع




زوم للملاحظات



1- جميع اسعار قطع الغيار الموضحة تشمل قيمة قطع الغيار , أجور اليد , الزيوت والمواد المستهلكة .
2- القائمة تشمل فقط قيمة قطع الغيار المستهلكة والموصى بإستبدالها من المصنع
3- القائمة لا تشمل قيمة : أقمشة الفرامل , خراطة صحن الفرامل , فلتر المكيف , اجور وزن الأذرعة , ترصيص الكفرات ووزن البلوف .
4- الأسعار الموضحة قد تتغير في حالة طلب خدمات إضافية , لأي خدمة إضافية فضلاً مراجعة أحد مهندسي الإستقبال .
5- يوصى بعمل الصيانة الدورية كل 5,000 كم أو كل 3 أشهر أيهما أسبق .
6- الأسعار الموضحة اعلاه قد تتغير للموديلات المزودة بناقل حركة عادي ( جير عادي ) .

^ ^

أفاااااا يا ملااااك أكوووورد !! هل أحد يستطيع الرد على هذا الوحش أم انه ألجمكم ؟! :D

بارك الله فيك ياخوي وأفدتني وفاجئتني بـ اشياء ما كنت أدري عنها !

لكن ياخوي اللي مخوفني من الأزيرا شيئين :

1 - ربما تكون سيارة كشخة ومظهر فقط وماهي سيارة كررررررف وخاصة لـ شخص يبذل ما يقارب الـ 500 كيلو متر اسبوعياً

2 - حجمها الكبير سمعت عن أشخاص تضايقوا من وسعها , وأنا شخص ربما من هيئة جسمي لا تناسبني الا الانترا أو سيفيك
لكن الأكورد تمشيني لأني جربتها لكن حد علمي الأزيرا ركبتها واذكر انها راح تخوفني في القيادة وتخوفني من اثار الاحتكاكات في المسارات الضيقة :d

الأكورد استهلكت خلاص من موديل 2008 حتى الأن نفس الشكل

و أشوف ان الأزيرا و الكادينزا خيارات ممتازة لأنك مقتنع بتطور الكوري

و حتى الأكورد خيار ممتاز لكن بتاخذ موتر مواصفاته عادية جدا

عشان كذا خذ الموتر اللي يعجبك و تكون مقتنع فيه و أرشح لك الكادينزا بقوة لعدم قناعتي بالأزيرا

و على فكرة ماكينة الكادينزا أقوى من ماكينة الأزيرا :d

و أنا كان عندي أكورد و هذا سبب من الأسباب اللي خلاني أشتري الكادينزا للتغيير

الوكالو فقط في زيت القير احرص عليهم ووزن الفرامل والأذرعة وتركيب اقمشة والباقي نصب بنصب

يا أخ هوندانا على فكرة ترااك كرهت موترك و شكرا :d

بس مو كذا تنتقد في اسلوب أفضل و واضح من كلامك انك تباالغ شوي

لأن واحد من الشباب معه أكورد 2012 و ماشية معه ولا أروووع و مرتاح معها لكن عزمها سيء

المشاركة الأصلية كتبت بواسطة R!KSaS

^ ^

أفاااااا يا ملااااك أكوووورد !! هل أحد يستطيع الرد على هذا الوحش أم انه ألجمكم ؟! :D

بارك الله فيك ياخوي وأفدتني وفاجئتني بـ اشياء ما كنت أدري عنها !

لكن ياخوي اللي مخوفني من الأزيرا شيئين :

1 - ربما تكون سيارة كشخة ومظهر فقط وماهي سيارة كررررررف وخاصة لـ شخص يبذل ما يقارب الـ 500 كيلو متر اسبوعياً

2 - حجمها الكبير سمعت عن أشخاص تضايقوا من وسعها , وأنا شخص ربما من هيئة جسمي لا تناسبني الا الانترا أو سيفيك
لكن الأكورد تمشيني لأني جربتها لكن حد علمي الأزيرا ركبتها واذكر انها راح تخوفني في القيادة وتخوفني من اثار الاحتكاكات في المسارات الضيقة :d

هو مب الجام لكن هو شيء واقع .. هذي الحقيقة وما نقدر نخبي الحقيقة ..

ياخي مخوفني ومخوفني خلك رجل ثقل ... ما تشوف البنغالي كأنه فار ويسوق هالجموس ولا ضرهـ شيء

انا اشوف اشخاص صغار في الحجم ومعاهم افلونات ما شاء الله ولا ضرهم شيء .....


بعدين ياخي نصيحة لوجه الله تعالى لا يصير تفكيريك وساوسي مثلا تخوفني من اثار الاحتكاكات في المسارات الضيقة

الواحد شاري سيارة يستعملها ويتهنى فيها انصدمت انحكت لا سمح الله تتصلح واحلى تصليح بعد والحين صار فيه رش زي رش الوكالة واحسن يعني خلك متفائل

سيارة تنشرى وتستهلك

ولا يضيق صدرك انا موتري ما مشى 3 الاف انحك الصدام الامامي والرفرف والجنوط صدمني واحد وحكة في اسفل الصدام الامامي تحت .. وعادي جدا لا ضيقت صدري ولا شيء مسحت الخدوش ولمعتها وقلم ابيض وانتهت السالفة ولا اهتميت واخذت فلوس من التأمين وعادي ...


مصير الحي يموت ... انا واثق من نفسي وواثق ان السيارة لا سمح الله قابلة لان تنصدم سوا كان عداد الكيلو مترات 10 كيلو ولا 1000 كيلو ولا 150000 الف كيلو كل شيء مقدر ومكتوب

رقم 1 وش قيمة قطع الغيار الي يشملها ؟؟؟

رقم 2 - ماهي القطع الموصى استبدالها من المصنع

النصب في الشروط واضح تماماً , وهي واضحة وضوح الشمس ان القطع اللي راح يوفرونها مع تكلفة الصيانة هي قطع رخيصة وعادية ولا راح تخسرهم من ميزانية الشركة !!

رقم 3 - ادفع مثلا لصيانة 80 الف ادفع 1000 ريال ولا تغيرون لي فلتر مكيف ؟؟

عموماً بما انهم وضعوا فلتر المكيف تحت بقية القطع اللي تكون خارجة عن الحسبة الرئيسية لـ الصيانة فـ احنا نحترم قراراتهم لكن احنا نحترم عقولنا شوي ونعرف وين نحط يدنا !
والله عبدالله هاشم يسلك الطريق الخاطئ ويستغل رغبة الشباب في الأكورد بـ رفع الأسعار وتصعيب وتعقيد طرق وأسعار الصيانة ! أو انها شركة غير منظمة ادارياً ! الله العالم !

يعني ادفع في كل صيانة 10 الاف مبلغ حوالي 475 ريال وانت طالع عشان ( زيت وسيفون اصلي ووزن ضغط هواء وتنظيف الهوب وتعبئة موية مساحات ومويات وتشيك على موية رديتر كل هذي تسويها برا بـ 200 ريال وانت تشوف قدامك ...)

يا رجال اتركك من صيانته , روح سو كل هالاشياء عند صيانة بترومين , فوق اللي ذكرته كله مع تنظيف فلتر الهواء والسيفون !
وكلها ما توصل الـ 400 ريال تقريباً , هذا من خلال تجربة مستمرة لـ صيانة بترومين

تدري ان الوكالة ما تسمح لك تدخل ع الصيانة وتشوف السيارة وهي تتصين ؟؟

من أبسط حقوقك انك تروح تشوف سيارتك في الصيانة !! أنا وديت سيارة الوالد ( كابرس 2006 ) لصيانة التوكيلات , والله واحد من الموظفين يقول تقدر تدخل الورشه وتشوف السيارة في المكان الفلاني وتشوف المهندس جالس يضبط فيها الاشياء الفلانية ! تعاملهم معك بشكل راقي وبكل شفافية , ومهتمين بخدمة الزبون بصراحة !!

واحد من أخوياي معه توروس وكل ما يوديها الصيانة ومن بعدها يستلمها يتصلون عليه ويسألونه عن جودة الصيانة !! يا رباااااه على هذا النظام الراقي !

هي تجارب كل شخص يمر فيها يمكن صديقك طاح في موتر زين ومبروك

وانا كانت معاي سيارة افضل من الاكورد بكثير

فيمكن احس بانها مب شيء بالنسبة للي قبلها ...


والرجال سأل وعطيته كل السلبيات وكنت واضح وهذي وجهة نظر قابلة للصواب والخطأ

وانا ما كرهت السيارة لكن كل سيارة فيها ميزات وعيوب وانا ذكرت العيوب فقط