رد مع اقتباسحسبي الله ونعم الوكيل على السارق وعلى الشرطه اللي ماهمها احد
ايه ياحيل الله لانه مواطن عادي مرمطوه ...
قسم بالله اني مقهور ومنغبن .. 5 شهور !!!!!!! قلة حياء بصراحه
يعطيك العافية اخوي وماقصرت
تم العثور على اكورد 2010 مسروقة اللون فيراني .. اللوحة ب س ا 2798 في القصيم
السلام عليكم
اسعد الله مساءكم بكل خير
في القصيم تم العثور على سيارة هوندا اكورد موديل 2010 و انها مسروقة من 5 اشهر و لكن الشرطة غير مهمتة في ايجاد صاحب السيارة
انا مجرد ناقل للخبر و هو كالتالي
=======================
انباء القصيم : هادي العنزي :أستغرب مواطن لـ " أنباء القصيم " تجاهل شرطة القصيم لبلاغه قبل حوالي خمسة أشهر عن وجود سيارة من نوع ( هوندا أكورد ) موديل 2010 لون رمادي تحمل اللوحه رقم ( ب س ا 2798 ) في مكان مشتبه به ويتضح أنها مسروقة حيث وجدها على الدائري الشرقي خلف غرف مهجورة.
ويذكر المواطن أنه بلغ العمليات ( 999 ) عن السيارة وبعد فترة وعند مروره مع الدائري شاهد السيارة ولا زالت موجودة فكرر البلاغ مرة أخرى ، فتوقع أن تكون قد استلمتها الشرطة وسلمت لصاحبها خصوصاً أنها جديدة وبالأكيد أن صاحبها يبحث عنها.
والمفاجأة أنه وبعد مضيء خمسة أشهر تقريباً كان المواطن بمهمة عمل على نفس الطريق وشاهد السيارة موجودة وقام بالإبلاغ هذه المره عن طريق جهة العمل وذلك يوم الخميس 12/ 6 / 1433هـ لعمليات شرطة القصيم (999 ) والذين أفادوا أنها سلمت لشرطة بريده الجنوبي قبل حوالي خمسة أشهر ..!!
المواطن يتساءل ما ذنب صاحب السيارة ولماذا لم يتم التعامل مع البلاغ بشكل مباشر من أول بلاغ ؟
" أنباء القصيم " وقفت على الموقع بعد صلاة الجمعة 13/ 6 /1433هـ ولا زالت السيارة موجودة في الموقع ولم يتم التعامل مع البلاغ لا من المواطن ولا من الجهة الحكومية المبلغة ..!!
إضغط على الصورة لمشاهدة الحجم الكامل
إضغط على الصورة لمشاهدة الحجم الكامل
إضغط على الصورة لمشاهدة الحجم الكامل
إضغط على الصورة لمشاهدة الحجم الكامل
إضغط على الصورة لمشاهدة الحجم الكامل
http://www.newsqassim.com/news.php?action=show&id=15068
======================================
السيارة موجود في مكان مهجور
انا وضعت الخبر هنا لان الشرطة غير مهتمين بالموضوع مع ان السيارة لها 5 اشهر واقفة
و ممكن صاحب السيارة الى الان يدور عليها و قد يكون احد اعضاء النادي هنا
لذا جرى التنبيه
حسبي الله ونعم الوكيل على السارق وعلى الشرطه اللي ماهمها احد
ايه ياحيل الله لانه مواطن عادي مرمطوه ...
قسم بالله اني مقهور ومنغبن .. 5 شهور !!!!!!! قلة حياء بصراحه
يعطيك العافية اخوي وماقصرت
المشاركة الأصلية كتبت بواسطة تألمت بس تعلمت
اعتقد والعلم عند الله إن السيارة مسروقة وعليها تأمين شامل واتوقع إنها سيارة اجار ... لإنها ستاندر اولا ... وثانياَ الشرطة او المرور ما سألوا عنها لين تنتهي مدة البحث وكذا عشان يعوض صاحب السيارة بموتر جديد لانه عارف انها مسروقة ومكسرة وما تصلح بقرش بعد الاشواط الي مرت عليها ...
دائما الاكورد ستاندر والكامري كذالك عرضة للسرقة اكثر من غيرها فالحذر الحذر يا اصحاب الاستاندر فأنتم في خطر :d
انا لو ينسرق موتري لا سمح الله ما انام الليل:(
الله يبعد عنا وعنكم السرقات والحوادث وغيرها
اصبر اول فترة كفرات وبعدين تشليح رفارف واصطبات وبكرة هههههههههههههه يجيك راعي سطحة ويشلحها كلها بالقير والمكينة اول ما يشوفها راعي تشليح من الادب يحط استكر على القزاز اول شهر ( عزيزي صاحب السيارة اذا اردت بيع السيارة يرجى الاتصال على رقم ************* ...الخ واذا تم شهر ما جاه رد قام وشالها واستحلها ...
سؤال يطرح نفسه ,,, عزيزي الي فاتح تانكي البنزين ليه فاتحه مثلا تبي تشفط الباقي مثلا ترا البنزين ارخص من الماء ولا يحط تراب نذاله ..............
بارك الله فيك ياريت كل الناس امثالك
لو أحد يعرف أحد في المرور أو في أي جهة لديها الإمكانية في معرفة صاحب السيارة عن طريق رقم اللوحة ويدق عليه ويبلغه يكون عمل خير
وممكن تكون مثل ماذكروا الأخوان لمحل تأجير وتاركها رغبة في الحصول على تعويض من شركة التأمين
كذا نستفيد احنا من قطع غيارها ونقلبها تشليح للمنتدى :d
من الآن خلفية البي أم محجوزه ;)
مشكور اخوي على الموضوع والله يعوض صاحبها خير
سبحان الله وبحمده سبحان الله العظيم
حسبي الله ونعم الوكيل على عيال الحرام ..
والله يعوض صاحبها تحصله بلغ الى ان طفش
*******
الاكورد مهي 2010
يا 2011 يا 2012 بلاهي كيف الانتباه :d اروح انتحر احسلي
هههههههههههههههه
كالعادة الشرطة غير مهتمه
حصلت معاي قبل اسبوع
اتصل عليهم اقولهم حصلت السيارة يقولون وش نسويلك ، قلت البصمات يقول العسكري احمد ربك انك حصلت السياره مصدومه والقير مجيم غير ماحصل سيارته وغيرك حصلها مقلوبة ومحروقه
طبعاً السيارة حصلتها بالنظييم ورحت والغيت البلاغ بوقتها.
وخذيتها وبعد 5 ساعات وانا مركبها بالسطحه وقفو راعي السطحه ويقولون السيارة عليها بلاغ ومسروقه وحجزوها واجراءات مالها اول ولا تالي والسبب النظام ماتحدث
ماحصلوها الا معي (السيارة مركيز). تحياتي
أول طريقة سرقة السيارة إنه إذا تركها راعيها وهي شغاله تكون جاهزة للحرامي ، وفيه طريقه إنه والواحد ماشي يدقون سيارته دقه خفيفة من الصدام الخلفي علشان ينزل من السيارة وهي شغاله ويسرقونها عيني عينك .
والسيارات القديمة يكون أي مفتاح يفتحها بسهولة وتكون سرقتها على البارد المستريح .
وبعض الأحيان نسمع إنهم يلبقون الواحد غصب ... ويطقونه ويأخذون سيارته .
هالحين طايحين بحركة جديدة وبكل برود وبكل بساطه .... يركبون السيارة على سطحه وهي قدام البيت .. يعني الله يستر على اللي ما عندهم بايكة أو كراج .
قولوا آمـــــيـــــــن ..... نسأل الله يكفينا شـــر هالحراميه ويرد كيدهم لنحورهم .
التعديل الأخير تم بواسطة nasser1430 ; 18-05-2012 الساعة 08:37 PM
اخوي ناصر
سيارتي المركيز كسرو القزازه وشغلوها عن طريق الفيوز كيف مادري بعد ماشفت عليها بالكمبيوتر طلعت هاذي النتيجه واللحين شاري كلبشه اول مالوقف اكلبش الفرامل بالطاره .
والله يكفينا شرهم
والله مشكله السرقات صرت تخاف ع موترك تدخله في الكرآج .. واللي ماعنده كرآج وحيهم لك عليه الأفضل انه يشتري الكلبشه ويرتاح مافيه حل غير هذولى
حسبي الله عليهم والله يعوض راعيهااا
ضوابط المشاركة
مواقع النشر (المفضلة)