السلام عليكم كيف حالكم يالهنداويون

انا طال عمركم رحت للوكاله امس وساحب معي واحد من الدوام بيطلع له سياره المهم رحنا الوكاله وانا وخشتي مسوي اني وسيط بينه وبين هوندا خخخخخ وانا من لقافتي لزم اروح عند الاكورد اطمئن عليها وهي نايمه بالصاله ويوم افتح الباب وينفتح بكل نعومه ياولد ارجع اقفل الباب وافتحه مره ثانيه لقيته اخف من البيبان حق سيارتي وطبعآ اكورد 2006 راعي مشاكل قام يفتح الباب ويسكره بعنف وقام البائع وقبل مايجيني شنيت عليه هجوم ارضي وجوي وفضائي قلت له ليه البيبان عدلوها وانا سيارتي اوديها الصيانه يطلعونها زي ماهي قال انا مالي دخل رح لمدير الصيانه عاد انا رحمته وخليته وانا طبعآ قلت في نفسي الوعد بعدين ياهوندا والله ماسكت عن حقي,,,

السؤال الحين هل احد منكم انتبه للمشكله والا لا يعني قد احد منكم يالغالين صلح البيبان؟؟؟

والتنسيم زاد عندي بعض الاحيان اسمع صوت تصفير خفيف مره هل فيه حل لئني والله اشوف الصيانه حقة عبدالله هاشم مايقدرون احد انت موظف ومحتاج السياره او عندك عايله ماعليهم منك يرجعون لك السياره زي ماهي فياليت احد ينصحني وش اسوي مع الصيانه والمشكله انهم حاطين هالباكستاني مايفهم عربي وان تكلمت معه انقليزي لخبطني وانا رجال دوامي 12ساعه تردف ساعه مانيب رايق لمشاكل الوكاله ووجع راسها:(