الموضوع: النصائح لأول 1000 كيلو + بنزين 91 او 95

-


السلام عليكم ياشباب ..


الحمدلله اشتريت اكورد 2012 نص فل سبشل ..
المهم ياشباب ابي النصايح بخصوص اول 1000 كيلو ..
يعني المكيف عادي اشغله ولا ياثر على السيارة
والتظليل سمعت انه يضر القزاز بس بعد الالف كيلو سو الي تبي

وفي شي مخوفني الوكاله الله ياخذهم عبوا السياره بنزين 91 وقالي المهندس اذا ولعت لمبات البمزين تقدر تعبيها 95
وش رايكم ياشباب ؟

وعليكم السلام ورحمة الله وبركاته

الف الف مبروك والله يعطيك خيرها ويكفيك شرها ...

نصائحي لك ...

1/ عليك بالقيادة الهادئة خصوصا اول الف كيلو لإنها تحتوي زيت الوكالة والذي يظل اشهر داخل السيارة يعني عليك بالرفق ولا تسرع كثير ..

2/ المكيف عادي شغله ( انا شغلته وانا راجع من المعرض ) ينصح انك ترفع قوة الهواء تدريجي مب بسرعه على اخر درجة ...

3/ التظليل ما سمعت انه يضر القزاز ولا شيء لكن انصح بالتظليل الجيد 01 لانه مسموح وما يخالفونك عليه المرور والقزاز الامامي 00

4/ البنزين انا اعبي 91 للحين ... كانت عندي سيارة gmc ههه اعبيها 91 ولما بغيت اعبيها 95 مشيت على البنزين الين ولعت اللمبة وبعدها دورت محطة نظيفة وعبيت 95 فل لكن قل للعامل يعبي لك بنزين بالسرعة البطيئة ... ( طف السيارة وانت تعبي البنزين ) وبعدها خذ لك خط ابو 50 كيلو ... عشان البنزين يتمازج وتتعود عليه السيارة .

(( شيك على ضغط الكفرات دائما السيارات تجي من الوكالة او المعرض الكفر يعبونه حوالي 50 عشان التخزين وعشان الكفرات ما تيبس بسرعة )) .

ولا تنسى الاذكار والادعية والله الله بربط الحزام وانتبه من السرعة الزايدة ومن (( ساهر )) .

ما اضيف ع كلام أخوي هوندانا إلا شيئ:

شغل سورة البقره عليها في أول 1000 كيلو .

-



الله يعطيكم العافيه شباب ماقصرتوا .. وشكرا اخوي هوندنا على النصائح
بس بسال بخصوص ضغط الكفرات هو 40 الان . اروح لبنشر بكرا يخليه 35 ولا اخليه عل ى وضعه 40 ؟

افتح الباب وتلقاه تحت مكتوب على عتبة الباب للكفرات الاماميه والخلفيه 32

الف مبروك الله يعطيك خيرها ويكفيك شرها

شباب متأكدين بخصوص تغيير البانزين؟

لأني سمعت إنك لآزم تغيّر البوآجي إذا غيّرت البانزين؟ وش صحة هالكلآم؟

الصرآحة 91 يآكل أكل، ودي اغير لـ 95 :/

لا ما يحتاج تغير البواجي ولا شيئ
بنازين 95 افضل للمكينه وللبواجي

صيحيح 91 يروح بسرعه لكن في المقابل سعره اقل
95 يطول لكن سرعه مرفتع
اشوفهم متعادين في موضوع السعر
لكن 95 افضل

91 و بنزين 95 فقط شعور نفسي انه يكون افضل . لانك تحس انه غالي .والمتعارف عليه عندنا الغالي زين .. وهذا الشي مو صحيح ابد ..


انا مواتري كلها الحمد لله 91 ولا اشتكيت من شي .

فيه فروقات بين 95 و 91 بسيطة في سيارات v4 منها صوت المكينة والصرفية والعزم نوعا ما لكن في سيارات الـ v8 الفرق ملحوظ سوا في الصرفية والصوت والعزم يفرق والمكينة تعمر اكثر والبواجي ،

الفرق في الاربعة سلندر ، اذا تهمك الفروقات البسيطة هذي والميزانية جيدة استخدم 95 ( ملاحظة / 91 افضل للبيئة ، 95 يضر البيئة لانه يطلع كربون اكثر وتلاحظ سواد في الشكمان )


الخلاصة / بنزين 91 لسيارات 4 سلندر يؤدي الغرض ـ 95 يؤدي الغرض وزيادة

وإذا انت من النوع الي يزر على السيارة عب 95

ملاحظة هامة انا ملاحظها / سيارات 4 سلندر في الصيف تصرف انا اعبى 91 ومع المكيف السيارة تصرف ، في الشتاء 91 ممتاز جدا ،،،

95 على 4 سلندر لم اجربة

لكن جربت 91 و 95 على 8 سلندر

8 سلندر + 91 = ما ينبغى ببلاش

8 سلندر + 95 = افضل


4 سلندر + 91 = يكفي

4سلندر + 95 = يكفي ويوفي ويلوث البيئة كيف بس

-




تسلم ياغالي هوندانا كفيت ووفيت
ولايهونون الاخوان الله يعطيهم العافيه