السلام علييكم ورحمة الله وبركاته
مسائكم/صباحكم
فرحه : )
باركولي مؤخرا اشتريت اكوورد ليمتيد فل جلد بدون شاشه (بني محروق مدري جلكسي ) << يالبى هاللون بسَ
السياره وربي حبيتها اكثر بعد ما اشتريتها وبصراحه متابعتي لهالمنتدى زادني حماس اني اشتريها ’
المهم لا اطول علييكم ,
عندي اسئله صغنونه / :o
اول شي والاهم , ان السياره راح تنكرف من الخطوط ’ لأني تقريبا اسبوعيا اسافر
وفي الخط كثير اواجه سافي (هوا مع غبار ) , وما ابيه يخدش لي السياره من الواجهه والجوانب والقزاز الامامي
ناس تقولي حط فيري والبعض يقولي فصل برقع , وفيه واحد قالي فيه شي اسمه شمع , طبقه تحطها ع السياره مع الضمان
لكن سعرها غالي شوي !!
وش رأيكم وش اسوي بالضبط , واللي عنده خلفية عن طبقة الشمع ياليت يفيدني
----
بالنسبة للمسجل , هل فيه زر كتم للصوت او ايقاف مؤقت , قربعت وما لقيت ؟
ودرجة الحرارة الخارجيه كيف اطلعها , قريت الطريقه وما عرفت كيف اسويها ؟
اشتريت قطعه تحول من مدخل usb الى aux علشان اشغل مقاطع من الجوال ,لأني ما لقيت غير مدخل usb في السياره
وما اشتغلت معي ,
مدري اذا فيه طريقه ياليت تفيدوني ,
---
بالنسبة للصيانه الدوريه , كثير يقولون لي اتركك من الوكاله ما وراها إلا تنتيف فلوس منك
وانا ناوي استمر في صيانتها عند الوكاله , ع الاقل الواحد يطمن
وش رايكم ؟؟؟؟؟؟
واسف ع الاطاله حبايبي
في امان الكريم
مواقع النشر (المفضلة)