الحذفه و ما ادراك مالحذفه

[حبة خال]

هلا شباب انا عندي اكورد 2003 فيها حذفه اليمه على جهة اليمين

غيرت كفراااات جديده ميشلان وسويت ميزان اذرعة امامي وخلفي ولا فيه فايده ما راحت الحذفه

تكفوووون ايش الخطوات اللي المفروض اسويها علشان استأصل هالحذفه من السياره ... والله جابت لي الصمرقع

تراها تروووح على جهة اليمين بشكل مخيف واللله تكفووون فزعتكم ابغى احد يشرح لي ايش المشكله ومن وين تجي الحذفه مع العلم اني وزنت الاذرعة ... وابيكم تعطوني ايش الحلوووول اللي المفروض اتبعها

وهل تعرفون احد مرت عليه نفس المشكله ... وضبطت معاه السياره بعد التصليح ؟؟؟؟ :(

مع العلم انا ساكن بالدمام

[ابو بدر 992]

السلام عليكم اخوي الله لا يهينك اول شي شيك على هوا الكفرات اذا كان حذفه يمين شيك على الكفر اليسار واذا حذفه يسار شيك على الكفر الايمناذا ما فاد معك شيك على المقصات تراها تسوي حركات قله حيا مثل الحذفه واتمنى اني افدتك

[حبة خال]

تسلم يالغالي على ردك بس عندي ملاحظات

الكفرات جديده ومضبووط الضغط فيها وكمان المقصات والاذرعه ما فيها إلا العافيه

تكفووون اللي عنده حللووول حق هالمشكله يفيديني

[أوريون عاشق الهنادي]

شوف اذا موترك فاكها على يدك وشاريها على وقتها ولا سويت فيها حادث اكيد من نفس المقصات ثاني شي حاول تسوي ميزان اكتروني مو يدوي

[هوندانا]

ودها الوكالة يفحصونها لك ويوزنون لك الاذرعة صح لإن ميزان الوكالة مضبوط وشغلهم كويس وهم اعرف بالسيارة من غيرهم ، هل سبق ان تعرضت السيارة لحادث من قبل ؟

[هوندانا]

+ هل الدركسون لما تلفه يسار شوي تستقيم السيارة في الخط ؟ يمكن تحتاح وزن درسكون

[حبة خال]

يعطيكم العافيه على ردوركم

بس تعرفووون ورشه بالدمام تصلح الحذفات اللي بالسياره ... والسياره فاكها وكاله على يدي

مشكورين

[حميد]

انتبهو من وزن الاذرعه لاحد يفتي فيها ترى الاكورد حساسه من الشي هاذا وخاصه انها تعدم اكفرات وماتخليها بعمرها الافتراضي
شوف حبيب قلبي روح لوكاله الجفالي ميشلان وتدعيلي عندهم وزن اذرعه صحيح غالي لاكن صدقني شغلهم ماشالله لاقوه الى بالله الحذفه عندى اختفت بنسبه 90 % صدقني محلهم طريق الدمام الخبر السريع وانت طالع من الدمام بتحصل وكالات للسيارات سوبارو وبورش على ما اعتقد بتحصلهم عاليمين شغلهم 100 % وانا راضي تمام الرضا على شغلهم ليش لاني قلتلهم عندى حذفه وماراح تتصلح لانو من يوم شريت السياره وهي كذا قالى ازهلها وفعلا سويت الوزن ولله الحمد الامور تمام وراضي عنها 90% الوكاله الفاشله ماقدرت تجيبها واي شي انا حاضر وبالخدمه تقدر ترسلي عالخاص او على موبايلي
0556866638

[غيث00]

إذا اكلت مطب أو صار لك حادث قبل كذا .. احتمال كبير من الكمر ,, فالحل : تروح إلى أقرب ميزان وتقول له يشيك على الكمر هل يحتاج سحب ولا لا

[مزاحماوي]

2012 ووكالة فيها حذفة ورجة بالطاره وطابت النفس منها وبعناها من مبدأ أن أبسط حقوقنا نتمتع بسياره خاليه من العيوب .. وتكررت معنا مره أخرى نفس المشكلة حذفه ورجة وبرضو أكورد 2012 ووكالة بعد !! بس هالمرة غير شوي السيارة فيها خدوش بسيطة قبل أستلامها بتقولون ليش ماشيكت عليها قبل الأستلام بقولكم العامل بالشركة كان يسوي لها تظليل والخدوش البسيطة ما كانت واضحة بسبب رشاش الماء حق التضليل .. بالرغم من انهم يغسلونها قبل تسليم أي عميل يستلم سيارته هي بالنهاية خدوش بسيطة بس مفترض تسليم العميل سياره سليمة من أية أثر .. مشيتها وكان أكبر همي استلم سيارة جديدة مافيها حذفه ورجة ونفس مشاكل السيارة السابقة ( حذفه لليسار ورجة بالطاره وتنسيم من باب السائق وأصوات بالشنطة الخلفية ) وتكررت نفس المعاناة اللي خلتني أبيع سيارتي الأولى .. لا حياة لمن تنادي .. العميل يلاقيها من شركة التأجير ولا من الوكالة وتعامل موظفيها السيئ .. بتقولون ودها للوكالة لانها مختصة بالسيارة بقولكم السيارة السابقة وديتها وسوو لها مركز ميشلان التابع للوكالة ترصيص وتبديل كفرات بالعكس وما أنحلت المشكلة .. ورحنا الوكالة وسوو لها ترصيص ووزن أذرعه وخفت الحذفه نسبيا ورجعت تحذف بعد أقل من أسبوعين من جهة اليمين بعد ماكانت تحذف يسار !! مع العلم أنني حريص من اي مطب وحفر .. وأزيدكم من الشعر بيت القزازة الأمامية أنشعًرت من حالها أثناء سفري عليها ومن دون أي أثر لتعرضها للكسر أو الضرب يعني مافي أحد لمسها نهائيا !! سؤال وأتمنى الآقي أجابة صريحة تتوقعون الوكالة ضاربه لنا حساب ولا أهمية كعملآء ؟! أعتقد الأجابه واضحة من خدماتهم الجبارة وتعاملهم الراقي لنا كعملأء .. وكان الله في العون .. لكم أن تتخيلوا سيارتي جديده ماشية 11000 كيلو حاليًا وما غيرت الزيت لا 5000 كيلو ولا 10000 ومشيت الآن 9000 كيلو يعني طوفت على تغيير الزيت 4000 كيلو واعترف بخطئي بالرغم من ان أخوكم من النوع الحريص على سيارته ومحافظ عليها بس للأسف كرهتها والسبب شركة اليسر للتأجير وسياراتهم المليئه بالعيوب وأكبر دليل على أهتمامهم فينا كعملآء يشترون من الوكيل السيارات الجديدة اللي فيها خدوش بسيطة ويبيعونها علينا على أساس إنها جديدة والهدف يطيح لهم مبلغ بالسيارة بعد هذا كله تتوقعون لنا أي أهمية عند الوكيل الجشع والمحتال الكبير !!!!!!!!!!! لأحياة لمن تنادي .. احترامي وتقديري للعملآء المغلوب على أمرهم ..