زيادة بزيت القير اكورد

[شيروكي]

السلام عليكم
غيرت زيت المكينة اشتريت 5 علب من الوكالة العلبة 40ريال وفلتر سعره 22ريال
الزيت صناعته سعودي والفلتر امريكي وكلها مكتوب عليها هوندا
المهم ان سيارتي اكورد امريكي 6سلندر اوتوماتيك خمس غيار! الموديل 07
بعد ما غيرت زيت المكينة عند البنشر شيكت علي زيت القير وقال زيت القير زائد افضلك غيره !!!
قلت لابو يمن نقص من الزيت اذا في زيادة قال غيره احسن لانه يحتاح تنسيم هواء
السيارة تغييراتها ممتازة لكن احسن بثقل بالسيارة وفيه تفتفه خفيفة جدا جدا قال ابو يمن من زيت القير
وأوقات احس بنتعه بالقير
في حاجة ثانية انه اشتغلت علامة مفك يوم وصل 15% المؤشر بالطبلون
طبعا بخصوص زيت القير اتوقع انه جيد لكن على كلام ابو يمن زائد

ابي نصيحتكم الله يجزاكم خير وش الحل
اغير زيت القير او انقص منه طبعا السيارة من امريكا اخاف ان الامريكي ما غير زيتها ابد اخاف انه يزيد الزيت اذا نقص
فيه حاجة ثانية ابو يمن قالي صواميل فلتر الهواء مغيره
نصايحكم يا شباب
جديد بعالم الاكورد عدد الكيلوات 120 ألف كيلو

[B Useful]

زيت القير نقصة (بما انك في الرياض في محطات اللي فيها زيوت بترومين اغلبهم عندهم جهاز شفط الزيت ) للمستوى الصحيح وخلك من كلام ابو يمن , تغيير الزيت شف عاد كم ماشي علية , العادة يغير بإنتظام اول تغيير بعد 60 الف والثانية بعد 40 الف (يعني لما تمشي 100 الف كيلو) والثالثة بعد 40 الف (يعني لما تمشي السيارة 140 الف) وهكذا التغييرات الباقية كل 40 الف كيلو ..

ان حصل اختلاف او شكشوك او ما تدري متى تغير زيت القير فأنا اتوقف عن الاجابة .

علامة المفك عادية في الاكورد الامريكية تدر على قرب وقت الصيانة او موعد تغيير الزيت , عاد اقرا الكاتلوج اللي في السيارة اذا موجود تلاقي الاجابة << الشغلة ذي ميب موجودة بالاكوردات الخليجية نفس الموديل .

صواميل فلتر الهوا لا تسمن ولا تغني من جوع ... اهم شي راكبة زين ومثبتة؟؟ ما تفرق كانت ذهب او حديد اهمة شي تكون تفي بالغرض.

[شيروكي]

الله يجزاك خير اخوي وهل يضر القير اذا غيرت الزيت
لانه ما ادري هل هي أول تغييره او ثاني تغييره
وايش التصرف السليم بهذه الحالات

[B Useful]

ابي اسألك سؤال

يوم شريت الاكورد ( ستة سلندر) ( امريكي) (2007)

هل سألت واستشرت واستخرت؟؟
هل قريت عن مشاكلها ؟؟

[هاااوي الاكورد]

لا تحبط الرجال خلاص شره

[شيروكي]

نعم سألت واستشرت واستخرت والامريكية افضل من السعودية يكفي 6ايرباق
لكن هل تغيير زيت القير ممكن يضر لان يا اخوان اتوقع الامريكان ما غيروا الزيت من وكالة فقط يزيدون الزيت اذا نقص
ابي شخص خبير ينصحني هل اشتري زيت من الوكالة واغيره او اتركه زي ما هو
وبخصوص علامة المفك تم اصلاحها بكل سهولة وبنفسي والحمدلله
افيدوني جزاكم الله خير

[شيروكي]

تم تغيير زيت القير كامل ثلاث علب سعر العلبة تقريبا 45ريال من الوكالة والتغيير ببنشر
والحمدلله
وتم شراء زيت دركسون علبة قيمتها 53 ريال من الوكالة