الموضوع: نستطيع توفير قطع الاكورد اصليه وكالة مع الضمان واستخدام خفيف وباقل اسعار من التشاليح

أخي الروسان :
حسن ظني بك كبير ؛ لكن لكي نكون على بينة ، كم مدة الضمان على القطعة من حين استلامها منك؟

مساءك عسل ابو مالك ولايهون الجميع ..
بالنسبة للضمان تاخذ فاتورة على كل قطعة تستلمها بها مدة الضمان من تاريخ الشراء وللة الحمد جميع العملاء لم يسبق واتصل بنا عميل يرغب بارجاع قطعة واغلبهم انتهت مدة الضمان ولم يتصل الا بحالة واحده ان يطلب مزيد من القطع وللة الحمدلله الطلبات تتزايد يوم عن يوم والكل يرغب بالتعامل معنا من اصحاب ورش ومستهلكين من جميع مناطق المملكة والبعض يطلب بكميات ويبيع على الورش في منطقتهم

والضمان نعطيك مدة اتوقع اكثر من كافية مثلا المحركات مكينة وقير ثابتة لايقل عن شهر ولانطلب منك البديل ابدا لانتعامل به نهائيا لاننا لانعرف التوظيب فقتط نعطيك تطبيق المصنع لم يتعبث بة احد ليس نفس المحلات فالرياض كثر الغش اسعار عاليه واول شي يسال عنه وين البدل علشان يوظبه ويبيعه على اللي بعدك وانت بايعلك قير ولا مكينة شاريه خربان من اللي قبلك ولا فية استيراد ولا شي اللهم لعب ومصخرة فينا انا عندي عميل يحلف بالله اشترى مكينتين بشهرواحد من تشاليح الرياض ولا استفاد منهم كلهم وعدوه ع الشرط ولما ركبهم انغش فيهم موظبات وخبطوا معه والان طالب مني واليوم وصلت الرياض القطع بيستلم مني قير ومكينة لذلك انصح الجميع لله مجرد يشرط عليك البدل اتاكد ميه بالميه ولو حلف الف مرة الا من رحم ربي ان اللي بيعطيك موظب ماخذه من العميل اللي قبلك ومصلحه ترقيع من كل مكينه قطعة ويقولك على الشرط ولاحظ مايعطيك اكثر من عشر ايام هي المده اللي ترحم فيها سيارتك علشان قاعدة التمرين عندنا المتعارف عليها لاتدوس عليها قبل الف كيلو لنو توها مركبة ومن نضغط عليها بعد ماتمرنها انتهت الاسبوع او العشره ايام اللي عطاك ضمان وخبطت عليك او تردى استخدامها ترجع يقولك وين الفاتورة معلش ضمانك انتهى ولاعب على الف قبلك حرااااااام.. اما ضمان شهر اعتقد تقدر تمرن وتلف السعوديه فيها ولذلم ان حصلت فعلا بصدق غير موظبة فتشاليح الرياض تحصله حاط ورود عليها ومزينها وفرحان فيها وماودة يبيعها الا بشروط كانك جاي تخطب منه موتشتري مكينه والسعر الله اكبر يتعدى مع البدل 8500 ريال خير ان شاءلله وين عايش لهدرجة استغلال ..

وبالنسبة للقطع الاخرى بعت كثير منها بضمان اسبوعين مثل الدينمو والمنظم والطرمبة الدركسون والعكوس والسلفات مع ان القطع هذي تبين من تركبها تشتغل معك والجميع مرتاح بفضل الله والكل يتعامل معنا بدون اي تخوف واتشرف بخدمتك وخدمة جميع اخواني الاعضاء واوعدهم بوصول كميات كبيره من اليابان وامريكا ستصل شركة صاحبي اللي يمولني في القطع خلال الاسبوعين القادمين وتشوفون باذن اللة اشياء لن تجدونها في السعودية ابدا وبالتوفيق للجميع ...

اخوي محمد احصل عندك طرمبه الدركسون لاكورد 2008 نظيف

يومك كله قشطة وعسل وكل الأمور الحلوة
وربي يزيدك من فضله أكثر وأكثر ويبارك لك، آمين .
أجد عنك سلف أكورد 2006 ؟ وكم سعره الطري ؟ ومتى يصلني ؟ أنا في المدينة
جااااد في الشراء
استفسار:
كم سعر المراية الجانبية اليسرى لأكورد2003 فضي؟

ويومك يارب ابو مالك
الله يرزقك السعادة وانشراح الصدر وللجميع يارب طلبك موجود ويصل خلال 24 ساعة باذن الله ارسلي رقمك ع الخاص وشكرا .....
ولايهونون الجميع تم ارسال ردود لهم ع الخاص وبالتوفيق للجميع ...

بخصوص طلبي مارديت على للحين ؟؟
--------------------------------------------------------------
اجل انا ابي لمبه السقف حق الكورد الى تجي بدون علبة نظارات حق السياحي كم سعرها ؟؟؟

نفس الى بالصوره بس هذي فيها ازرار فتحه السقف انا ابي بدونها-- حق 2009
انا ابيها احتاج منها بعض القطع لان عندي نسيتها شغالها وعدمتها الحراره

كوكو2009
طلبك موجود يالغلا واسف جدا ع التاخير وربي زحمة وبعض الطلبات تسقط سهوا ونعتذر لكل من لم نخدمة بشكل يليق فيه وبالاخير حنا بشر والتقصير موجود ونعتذر للجميع
بس ياخوان اللي يبي يضمن الرد عليه فورا وبدون ماننساه يطلب ع العام وياكد طلبه برسالة ع الخاص متضمنة رقم جواله بكذا نقدر نتواصل معه ونرضيه باذن الله وتم الرد ع الجميع برسايل ع الخاص
وبالتوفيق للجميع ...

السلام عليكم حياك الله أخوي الغالي محمد أخوي ألقى عندكم حزام السواق هوندا اكورد 2006 داخلية بيج ( اللون الخارجي للسيارة لؤلؤي) واذا مو متوفر عادي أي لون ثاني واذا موجود كم سعره ومتى تقدر توفره لي؟

اخوي نجم 14 عليك السلام وحياك الله يالغلا
طلبك ان شاءللة بحصلة وبرد لك بكرة بس ارسلي رقمك ع الخاص واذا متوفر خلال 24 ساعة الى 48 ساعة حسب منطقتك يصلك كباقي العملاء حدك عبر شركات الشحن وبالتوفيق لك وللجميع
ولجميع الطلبات ع الخاص تم الرد عليها ......

بعد التحية لجميع الاعضاء والزوار الكرام لمنتدانا الغالي

اقدم لكم بعض الطلبات التي تم توفيرها بتوفيق الله لعملائنا من داخل وخارج منتدانا الغالي بعد اذن الادارة الكريمة وهذا للاستفادة للجميع واتاحة الفرصة لهم للمقارنة بين اسعارنا المجتهدين بها وبالاسعار المتاحة داخل مناطق المملكة طبعا الاسعار جميعها شاملة قيمة السعي والاتعاب والتوصيل من خارج السعوديه لحد العميل داخل السعوديه وفي جميع مناطق المملكه وبالتوفيق ..

اولا القطع التي تم توفيرها للاعضاء داخل المنتدى مع اسعارها واسماء عضويات الاعضاء للتاكيد منهم عليها وطبعا بعد الاستذان منهم مشكورين ..
1/ عدد 10 مكاين للعضو ابو عبدالعزيز ورشة الدمام بسعر جملة للواحدة 3900 ريال مع الضمان شهر والتوصيل طبعا بدون البدل لاننا لانتعامل في البدل والتوظيب .
2/ عدد 1 دينمو بسعر 600 ريال مع الضمان والتوصيل للعضو الكريم gantaly
3/ عدد 1 منظم بخاخ فل كامل بسعر 1000 ريال مع الضمان والتوصيل للعضو الكريم gantaly
4/ عدد 1 مكينة اكورد 2007 بسعر 4200 مع الضمان شهر والتوصيل للعضو الكريم خالد 2005
5/ عدد 1 قير اكورد2007 بسعر 4500 ريال مع الضمان شهر والتوصيل للعضو الكريم خالد 2005
6/ عدد 1 سلف اكورد 2006 مع الضمان والتوصيل للعضو الكريم ابومالك 79

ثانيا القطع التي تم توفيرها للاعضاء خارج المنتدى او الاعضاء من داخل المنتدى لكن لم نستاذن منهم ذكر عضويتهم

1/عدد 22 طرمبة دركسون اكورد متفرقة الموديلات من 2003 الى 2007 لعملاء متفرقين بسعر 900 ريال للواحدة مع الضمان والتوصيل
2/ عدد 2 طرمبة دركسون موديل 2008 و 2009 بسعر 1100 مع الضمان والتوصيل
3/ عدد 25 سلف لعملاء متفرقين بقيمة 600 ريال للقطعة مع الضمان والتوصيل .
4/ عدد 1 باب سواق اكورد 2007 اسود بسعر 1600 مع الضمان بدون سمكرة والتوصيل .
5/ عد 1 باب خلفي اسود اكورد 2007 بسعر 1300 مع الضمان بدون سمكرة والتوصيل .
6/ عدد 4 مكينة اكورد 2009 و2010 لعملاء متفرقين بسعر 5900 ريال مع الضمان شهر كامل والتوصيل طبعا بدون بدل والرجيع .
7/ عدد 1 قير اكورد 2010 بسعر 6500 مع الضمان شهر كامل والتوصيل طبعا بدون بدل ورجيع.
8 / غطاء شنطة خلفية بي ام موديل 2011 لون ابيض لولوي بدون الاصطبات بسعر 1300 ريال مع الضمان بقاء بوية الوكالة وبدون سمكرة والتوصيل .
9/ عدد 2 فلنجة اكورد 2007 خلفي بسعر 450 للواحدة مع ضمان الرمان والتوصيل .
10/ عدد 1 قزاز فتحة اكورد 2007 بسعر 900 ريال مع التوصيل .
والعديد العديد من القطع ......
مع الشكر لجميع من وضع ثقتة فينا وبالتوفيق للجميع وشكراااااااا....

بغيت استفسر عن عوامة البنزين كم سعره

وشكرااا

اخوي محمد لو سمحت ممكن تشوفلي سعر التكاية اللي في النص حق 2007 مو التكاية كاملة لا بس القطعة اللي تنسحب باليد ياليت تكون فهمت كلامي اللون بيج

اخوي محمد لك رساله عالخاص
وشاكر لك جهدك
واسال الله ان يجعله فـ♡ـي ميزان حسانتك

الاخوان في الطلبات ع الخاص تم الرد ع جميع طلباتكم برسالة ع الخاص وبالتوفيق للجميع

المشاركة الأصلية كتبت بواسطة محمد الروسان

الاخوان في الطلبات ع الخاص تم الرد ع جميع طلباتكم برسالة ع الخاص وبالتوفيق للجميع

انا لا تنساني . رأس عصا القير ( الجلد المخيط ) حق الفل كامل 2008

أخوي إلى الآن بإنتظار الرد

شيك على الخاص

أخي الكريم
الله لا يهينك ألاقي عندك عكس يسار لأكورد 2009 ستاندرد
وكم سعره الله يخليك ومن وين أقدر اجيبه

شكرا

اعتذر منك اخ moon_-_z
ماحصلت شي لك ع الخاص تاكد واعد الرسالة متضمنه رقم جوالك ع الخاص وابشر بعزك

السلام عليكم

اخوي محمد الروسان ارسلت لكـ رساله على الجوال
بخصوص مفتاح النور (العصى ) للاكورد 2007 فل كامل

مساء الخير تم الرد على طلبات الرسايل الخاصة وغدا ان شاءللة سيتم توفير الطلبات وارسالها الى مناطق العملاء عن طريق شركة فيدكس وبالنسبة لطلبات المكاين سيكون التوصيل عن طريق موسسة الصيعري وزاجل وبالتوفيق للجميع

الله يعافيك أخوي محمد الطلب وصل وكان جدا رائع والصراحة الواحد يفتخر لما يشوف شاب بمثل هذي الاحترافية والانضباطية في التعامل
دقة في الموعد وسرعة في تلبية الطلب وسهولة في التعامل
للتوضيح أنا طلبت حزام أمان لأن اللي عندي مقفل ودورت في التشاليح اللي حولي ما حصلت
كتبت رد هنا وارسلت رسالة خاصة للأخ محمد وجاني رد منه بنفس اليوم بس انا ما دخلت المنتدى الا متأخر
وبلغني ان طلبي موجود وطلب مني ارسال رقمي وبالفعل ارسلت له رقمي يوم الخميس وجاني اتصال منه الساعة ثلاث العصر أخذ اسمي والعنوان
بعدين ارسل لي رقم الحساب وحولت له وبعدين جتني رسالة منه انه استقبل المبلغ
وخبرني ان الطلب راح يكون عندي يوم الأحد بإذن الله
وبعدها جتني رسالة منه ان الطلب وصله وتم ارساله لموقع سكني وعطاني رقم الشحنه بفيديكس
وبالفعل يوم الأحد الساعة اربع ونص انا بمكتب فيديكس وأخذت طلبي
يعني بأقل من أربع أيام وصلني اللي كنت ابيه بدون عناء الدوران بالتشاليح
أحييك أخوي محمد على أمانتك وأخلاقك وبإذن الله راح أتشرف أتعامل معك بالمستقبل

السلام عليكم ورحمة الله

بصراحة تعاملت مع اخوي محمد وكان قمه بالاخلاق والمصداقيه
مع ان القطعه طلت مختلفة عن الي ابغاه وقالي رجعها ورجعتها له بالشحن , وارسلي غيرها وبرضوا ماتوفقنا بها ورجعناها له مره أخرى واضطريت اطلبها من الوكالة
وبصراحة كان الرجال متابع معي ووصول القطعه في الموعد المحدد .

والرجال ماقصر أبد كفى ووفى ومصداقيه وكان كأخ ناصح قبل ان يكون تاجر يريد بيع سلعته .

والله يوفقك اخوي محمد ويرزقك الرزق الحلال وتشرفت بالتعامل والتعرف بشخص في مثل اخلاقك وطيبك

تحياتي
اخوك أحمد

مساء الخير للجميع تم بحمدللة توفير جميع الطلبات لاعضاء المنتدى الكرام كما تم توفير العديد والعديد من الطلبات لخارج المنتدى وسيتم نشر القائمة بالاسعار خلال اليومين القادمين بعد حصرها للاستفادة للجميع ونشكر كل من وظع ثقتة فيها وتعامل معنا من داخل وخارج المنتدى
ونعتذر لتلبية الطلبات خلال الاسبوع القادم من السبت الى الاربعاء لقضاء اجازة خاصة ولكن نستطيع حجز وتلبية الاسعار خلال هذه الفترة ونعاود خدمتكم بمشيئة الله ابتداء من الخميس القادم وبالتوفيق للجميع ....

اخ نجم 14
والاخ السهم 221
يشرفني التعامل معكم فانتم قمة في الذوق الرفيع واشكر لكم ثقتكم الغالية فيني واتمنى لكم التوفيق وللجميع التقدير من تعامل معي ومن سيتعامل معي مستقبلا وشكرا لكم والله يرعاكم ...