-
مشكلة اقلقتني في نظام abs
السلام عليكم عليكم
شباب صارتلي مشكلة بسيطة
امس رحت لميزان العضيب وركبت عندهم الرمانات الامامية والقطع اصلية
المهم استلمت السيارة من عندهم مافيها الا العافية بعده بشوي تقريبا اشتغلت لمبة abs ولمبة الجلنط :(
المهم جاء اليوم الصباح ورجعت للعضيب وقالي انت استلمت السيارة مافيها شيء بعدها اشتغلت عندك قالي رح للكهربائي يمكن فيها مشكلة حساس او ماشابه
قلت ابروح للوكاله اضمن رحت للوكاله على طريق الخرج وقابلت المهندس المصري توفيق وقالي سببها عندك مشكلة في تركيب الرمان قالي مركبها مقلوب واشتغلت اللمبة وقالي نفحصها لك كمبيوتر ونعطيك على تقرير رسمي على المشكلة وتحج العضيب على شغلهم وش رايكم شباب وش السوات لاهنتم ..
-
زين ماسويت
بس في سوال مهم لمين تشتكي؟
ارجع للعضيب وطير فيهم
وبشر ايش يصير معك
-
وعليكم السلام
اخوي العضيب افشل مركز ميزان
صح ان سمعتهم ممتازه ولكن هذاك زمان اول انهم افضل ميزان... الحين كثروا المراكز وعساك تطيح باللي يضبط لك الشغله ...
صارت لي مشكله معهم اني غيرت جلد مقصات اماميه وبعد مامشيت من عندهم اسمع صوت طقطقه قويه حسيت انه فيه شيئ مو مربوط رجعت لهم اليوم الثاني بحكم معي ضمان لمدة شهر طلع مسمار التوازن مو مربوط وشدوا عليه ... المصيبه مو هنا ... المصيبه انهم انكروا انه يكون منهم وحنا سوينا الشيئ هذا كخدمة اضافيه ... <<< ترا مارفسته وكبرت السالفه
المشكله صارت بفرع العضيب اللي بالصناعية القديمه اللي جنب محل النعماني
فا مالك ياخوي الا انك تصلحها عند العضيب واذا رفضوا قلهم انك رحت الوكاله وعلمك بالمشكله واذا ماصلحتوها بشتكيكم على وزارة التجارة بحكم معي ورقة ضمان وفوق هذا معاي تقرير من الوكاله بالشيئ هذا
-
السلام عليكم اخوي انا اول مره اشوف رمان ينقلب شف المصري الي في طريق الخرج اكبر نصااااااب نصيحه انا مره علقت علي لمبه الجلنط ودخلت السياره عند المصري قالي يبي لك حساس اي بي اس ولازم تغير الفحمات وتغير علبه الفرامل بصراحه ماقتنعت من كلامه طلعت من عنده ورحت لورشه في الصناعيه القديمه توقع وش صار منه
حصلنا زيت الفرامل ناااقص اول ماعبيت الزيت على طول طفت اللمبه والى الان وهي طافيه اللهم لك الحمد
نصيحه مني لك من اخو لأخوه ولجميع اعضاء المنتدى لا تستعجلون وتاخذون بكلام الوكااااااااااااااله تراهم اكبر نصابين يبون يستفيدون من العميل بأكبر شي ممكن
وآآسف ع الاطاله والله يكتب لك الي فيه الخير
-
شباب افضل محل للعضيب الي بطريق الميه بالنسيم انا عميل معهم من 3 سنوات تقريبا
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
[Output: 45.73 Kb. compressed to 40.03 Kb. by saving 5.71 Kb. (12.47%)]
رد مع اقتباس
مواقع النشر (المفضلة)