كيف تعرف الجنط الأصلي للأكورد 2006 ؟؟ الاجابة بالصور

**B Useful** · 27-10-2007, 02:28 PM

السلام عليكم ورحمة الله وبركاتة ..

كيفكم شباب ؟؟

صورت احد جنطين سيارتي اللي توفى في الحادث بتاريخ 15-8-2007

حبيت اوضح في هالموضوع العلامات الداخلية للجنط الاصلي حق الوكالة ..

تعرفون ... الاغلبية لديها اكورد سبشل وتركب جنوط ... عند اقرب محل زينة ..
ومحل الزينة يبي يكسب ويزبط امورة فيقول للتجاري اصلي
وكذا تسوي بعض محلات التشليح .. تبيع التجاري عى انة اصلي .. وفية البعض يعتقد ان التشليح مافية الا اصلي ..

قيمة الجنط اصلي حق 2006 بالوكالة 1900 ريال للواحد
قيمتة تجاري حق 2006 للوحد 240 ريال

>>>>>امل للي عندة جنط تجاري .. يصور العلامات اللي فية ويحطها لنا .. <<<<<

بسم الله نبدأ مع الصور ..

الاولى : الجنط من الداخل

الثانية :

الثالثة :

الرابعة :

الخامسة :

السادسة : الداخلية جهة المسامير

السابعة: العلامة الخارجية على الجنط

باقي يجي واحد كويس ويشرح الارقام الظاهر في بعض الصور وش تعني

كما ذكرت سابقاً .. امل اي شخص عندة جنوط تجارية يصور لنا علاماتها عشان يكتمل الموضوع ..

مع تمنايتي للجميع بقيادة آمنة ..

والله الموفق ..

.

**A N M A R** · 27-10-2007, 03:01 PM

يعطيك العافبه ياسيدي

بس عندي سؤال

ايش الفرق بين التجاري والأصلي

وهل هناك ضرر للي مركب تجاري..؟؟؟

**BLK** · 27-10-2007, 03:17 PM

أنا أعرف شي

شركة ENKEI هي شركة مصنعة للجنوط

يابانية أظن و معروفة

بس معلومة جديدة

يبغالي أشوف جنط سيارتي ال 2005

**B Useful** · 27-10-2007, 05:00 PM

وهل هناك ضرر للي مركب تجاري..؟؟؟

كم واحد اعرفة منهم ابو عزوز مركبين تجاري وما اشتكو منة .. لكن انتظر الاجابة الحقيقة من الاعضاء البقية انفسهم .

يبغالي أشوف جنط سيارتي ال 2005

ومرة وحدة معك وعلى طريقك دامك فاكها ... اقرب كاميرا وصور وحط الصور .. عشان نعرف شنو الفرق بين 2006 واللي قبل ..

شاكر لكم مروركم ..

**فهد الشمري** · 27-10-2007, 05:17 PM

الله يعطيك العافيه مستر مصعب

بس باقي التجاري والتجاري يجي انواع اذكر

**B Useful** · 27-10-2007, 05:20 PM

بس باقي التجاري والتجاري يجي انواع اذكر

كلامك صحيح .. عشان كذا قلت للأعضاء اللي عندة جنط تجاري يحط الصور ...

**A N M A R** · 27-10-2007, 07:46 PM

اممممممم

شوكرا على المعلومه ياسيدي

**الـمـسـافـر** · 27-10-2007, 09:20 PM

ماشاء الله عليك ع الصور

ماقصرت يالغالي

باقي نشوف الجنوط التجاريه شلون

**كورد** · 30-10-2007, 04:11 AM

الله يعطيك العافيه على هالمعلومه الممتازه

زين كذا بسوي فاهم

**جدةغير** · 01-11-2007, 04:42 PM

يعطيك العافية أبو زياد...

والله يعوض عليك ..

وبالنسبة للجنط بصراحة تعبت أدور لي واحد...

في تشاليح جدة والمدينة ...أصلي مافيه..

والوكالة تصلخ صلخ..

1900 ريال للجنط الواحد:( تقال مرصع بالألماس

**أبو جوري** · 03-11-2007, 01:41 PM

هل العلامة اللي في الأسفل تدل على أنه أصلي أو تجاري

**أبو جوري** · 03-11-2007, 01:52 PM

وللتوضيح أكثر

**B Useful** · 03-11-2007, 02:34 PM

Enrique-Makkah
العفو ...
المـــسافر
ان شاء الله اني بنزل صور التجارية قريب ..
كورد ..
خخخخ سو فاهم بكيفك ..
جدة غير..
ياخي .. دام عندك 4 جنوط اصلية .. وهي اللي راكبة الان على السيارة .. ليش تشتري الاستبنة اصلية ؟ يعني السيارة تحتاج 4 كفرات مو 5 ... الخامس خذة جنط تجاري 240 ريال .. الاصلي 1900 ريال ... اذا نسم عليك كفر استخدم الاستبنة حقت مشوارك للبنشر ورجع الاصلي على طول ...
aagk
العلامة هذي موجودة على كل الاصلية والتجارية بعد ..

**B Useful** · 04-11-2007, 04:39 PM

تابع للموضوع ... علامات الجنط التجاري ... بعد ما عرفنا الاصلي ...

اول صورة : اختلافها عن الاصلي ان الفراغات اللي بين المسامير مافيها اي اختام او علامات .

الصورة الثانية : صورةعامة للجنط .. امل تكبيرها ومقارنتها بنفس الصورة للجنط الاصلي

الصورة الثالثة : توضيح ..

الرابعة : توضيح

الخامسة : مسوين يفتخرون .. صناعة صينية

السادسة : توضيح

هذي سعر الجنط الواحد 240 ريال بالغرابي بالرياض ..

هذا احد الانواع ... واعتقد فية غيرة ..

امل من الاعضاء اللي عندة جنط تجاري يشيك علية ويحط صورة ..

والله الموفق ,,,

.

**B Unique** · 04-11-2007, 07:46 PM

اللحين نقدر نقول ان موضوعك اكتمل
الف شكر لك على المجهود يا كوكو وان شاء الله يستفيدون منه الاعضاء

**محجوب** · 05-11-2007, 11:55 AM

لووووووووووووووول ...

ردي متأخر بالنسبة للموضوع لكن عندي جنوط تجاريين وقلت خلني اشارككم بصورها وفي نفس الوقت اكمل موضوعك زيادة يالحبيب

الاولى: نفس الكلام الفراغات بين البلوط فاضية بس العلامة اللي فوق ولا احس ان لها معنى

الثانية: فخر الصناعة التايوانية:d (أعتقد افضل من الصيني:p) ... والموديل

الثالثة: وشو بالضبط اللي 690 كيلو مدري

... المشكلة لاهو وزن الجنوط ولا السيارة

الرابعة:الظاهر لها علاقة بالـ AMG// 55 :d

الخامسة: ارتفاع الجنوط 16 انش وعرضهم 6.5 .... سمعت ان العرض الاقصى اللي يركب وما فيه مشاكل للاكورد هو 7

السادسة:فاضية ... ماتدري ليه مسويين زحمة في اول وحدة وهاذي فاضية:p ... صحيح مخ تايواني:d

سلاااااااااام..

**B Useful** · 05-11-2007, 03:56 PM

هلا والله .. منورين الموضوع ...

طبعاً الجنط حق ( محجوب ) ... من موديل 2003 الى 2005 ...

**the sound** · 19-11-2007, 11:48 PM

وربي شررررررررررررررررررح ولا احلى تسلم ياعسل على المجهود

ولاهنتم ...

تقبل مروري: سلمان

**سوهاج** · 21-11-2007, 02:39 PM

نشكركم على التوضيح

**المـــــلكـ اكـــــورد** · 21-11-2007, 03:21 PM

يعطيكم العافيه على التوضيح

تنبيه: لاتشتري الجنوط من التشليح حتى من الفل الكامل لانه تلاقي راعيها قبل يبيعها مضبط وضعه وساحب منها اللي يبيه الجنوط وغيره

**B Useful** · 21-11-2007, 05:49 PM

the sound
سوهاج

العفوو ومتشكرين على المرور <<<<< مرور ولا دفاع مدني:d

الملكة اكورد

عليك تنبية !!
يعني فهمني ليش انا حاط صور الاصلي والتجاري ؟؟
عشان اذا رحت تشتري من التشليح بالذات تعرف الفرق بينهم ..
مشكور على مرورك ,,

**المـــــلكـ اكـــــورد** · 22-11-2007, 12:18 AM

المشاركة الأصلية كتبت بواسطة كوكو كورد

الملكة اكورد

عليك تنبية !!
يعني فهمني ليش انا حاط صور الاصلي والتجاري ؟؟
عشان اذا رحت تشتري من التشليح بالذات تعرف الفرق بينهم ..

مشكور على مرورك ,,

انا اقصد بالتنبيه انه ياخذها على عما اذا شاف السياره فل

وبعدين لاتعصب

**ن ن و** · 22-11-2007, 12:43 AM

الف شكر لك اخوي ع المعلومة

**أبو الريش** · 12-12-2007, 04:47 AM

موتري شد بلد

اصلي

**عمور** · 12-12-2007, 09:26 AM

يعطيك الف عافيه يامصعب على هذا الموضوع الممتاز

وانا من زمان انتظر نفس هذا الموضوع

لانه بودي اغير جنوطي التجاريه بااصليه وخايف

ويعطيك الفين عافيه