اقتباس المشاركة الأصلية كتبت بواسطة راعي ال ACCORD مشاهدة المشاركة
ياشباب شريت فحمات نيسن اللي يمدحونها الزكرت وغيرتها مع الخرط عند احد الورش

المهم بعد كم يوم طلعت لي اصوات الصرصرة قلت اكيد عشانها جديدة

بعد اسبوع قام يطلع الصوت بدون فرامل وانا امشي انهبلت رجعت للورشة وفك الفحمات طلعت منكسرة ومنتهيه قالي هي تجاري مافي كويس

قلت على قولتك وارجع لقطع الغيار واطق لي اصلية حول ال400 عسى الله لاتخسر حطيتها الوضع كويس بعد اسبوعين قامت تصرصر بعد شهر قامت تصرصر بشكل اقوى

وا اضغط فرامل بقوة يالله تمسك وتطلع رجة وصوووت يرووع

اللي عنده حل ولا علم ياعيال لايبخل علينا

ممكن يكون عندك مشكلة في الكليبر نفسة او وزنية الكليبرات تحتاج ضبط او الهوب يحتاج تغيير احيانا يكون فيه تعرجات او الخرط ما يكون كويس وتعرجات الهوب وتأكلها بعد فترة تخلي الفحمات تتأكل وتستهلك بسرعة كبيرة وكذالك (( احذر من غسيل السيارة وهي حارة وخصوصا لما يكون الهوب والفحمات حارة مره وخصوصا وقت الظهر والشموس وبعض العمال يرش رش قوي بالماء على الفحمات والهوبات وهذا يسبب ايضا تأكلها ))) و خرط الهوبات حل مؤقت وكثرة الخرط تأثر على وزنية الفرامل والكليبر

الاكورد 2007 نزلت فيها دفعات كان فيها عيوب في الفرامل والهوبات كانت تستهلك بشكل سريع ( يمكن تكون من هالدفعة )

الاكورد بشكل عام مشكلتها استهلاك الفحمات السريع وانا متاكد انها حركة متعمدة من هوندا والوكيل عشان يتكسبوا


انصحك تغير الهوب بهوبات 4 جدد اصلية وتعمل وزن للكليبرات عند الوكالة ( عند الوكالة ) او ( محل مختص بهوندا )